أقنعت الصديقات نيرمين بعمل البرنامج مع القناة التى اتصلت بها بناءا على الفيديو وقالت لها نور: دى فرصة يانيمو ورحى وإعملى اللقاء
غادة: وانا هابقى معاكى المذيعة اللى بتقدم البرنامج صاحبتى
نيرمين: ايوه بس اطلع فى التليفزيون !! مستغربة الموضوع قوى
نغم: هم هايآكلو منك حتة ., هاتتشيكى وتتزوقى وتقعدى قدام المذيعة وتسالك شوية أسألة وتذيع الأغنية تانى وبس
نيرمين: وهى دى حاجة سهلة؟؟ انا بيتهيألى هارتبك ومش هاعرف اتكلم
منار: لأ وممكن كمان يطلبو منك تغنى ...
نيرمين :إيه!! لأ... لأ انا هارفض مش هاروح أبدا...
نغم: بلاش جبن بقى ..... ده إحنا قلنا نيمو بقت واثقة فى نفسها ووقفت قصاد جوزها وعايلتها ترجعى تانى للجبن
نيرمين: مش جبن .. بس ... متوترة
غادة: ده شئ طبيعى انا أول مرة سجلت حلقة إتلبخت وغلطت اكتر من مرة وركبى كانت بتخبط فى بعضها وبعدين خلاص إتعودت
نور: امال لما تغنى على مسرح هاتعملى إيه؟
نيرمين: لأ مسرح إيه؟ متخليش دماغك تروح لبعيد دى هواية وبس
جيهان: طيب هاتغنى أغنية أيه لو طلبو منك ؟
تبادلت الصديقات النظرات وكل منهن تفكر فى الأغنية وقالت نغم: ده سؤال صعب
إبتسمت نيرمين : أنا عندى أغنية ..
جيهان :إوعى تقولى ياملتقى الصحبة
ضحكت الصديقات وقالت نيرمين :لأ... أغنية تانية خالص....
جيهان: أغنية إيه؟
تسمعوها فى ابرنامج
إيه التشويق ده بقى ؟؟؟
غادة: طيب إتصلى بالمذيعة ياللا وبلغيها إنك وافقتى
دلوقتى؟
أيوه فى حموتها كده
بالفعل إتصلت نيرمين بالمذيعة وإتفقت معها على الغد لتسجيل الحلقة وقالت: أنا مش عارفة اللى انا عملته ده صح وإلا غلط؟
جيهان: صح جدا... أخيرا ممكن تحققى حلمك ...
تنهدت نيرمين وسرحت بأفكارها وقالت نغم: ماتسمعينا حاجة بقى نختم بيها السهرة
نيرمين: تسمعو إيه؟
منار: انا عايزة حاجة لأم كلثوم ... كان لك معايا ...
إستعدت نيرمين وبدأت تغنى كان لك معايا اجمل حكاية فى العمر كله سنين بحالها مافات جمالها على حب قبله ... سنين ومرت زى الثوانى فى حبك إنت .. وإن كنت اقدر احب تانى احبك إنت ...إلخ
أنت تقرأ
صحبة ورد
Non-Fictionهذه الروياة تتكلم عن الصداقة القوية بين مجموعة من الفتيات تفرقهم الأيام ولكن يعودو للقاء وتظهر قوة صداقتهم فى مساندة بعضهم ودعمهم لبعضهم البعض
