لم تصدق والدة هانى ماسمعت من إبنها ماهر وقالت: يالهوى إنت قلت لها كده؟
كنت عايزها تبعد عنه ,مقدرتش أتحمل زعلك ياماما
تقوم تقول كلام زى ده؟ عيب عليك يابنى .... أتارى أخوك هايتجنن
إنتى مش كنتى عايزاها تبعد؟
أيوه تبعد بس مش بالطريقة دى ياماهر.. كنت عايزة أخوك يغير رأيه ... لكن إنت غلطت فيها يابنى .. إحنا ناس نعرف الأصول واللى قلته ده عيبة كبيرة قوى ماتليقش بينا أبدا ...
وهانعمل إيه دلوقتى؟
هى فيها عمل؟ انا عارفة اخوك لما يغضب بس دى أول مرة أشوفه كده...
تفتكرى هايسيب البيت فعلا ؟
ماهو عملها قبل كده .... أطلبه.. إتصل بيه ..
مش هايرد ياماما ...
هاطلبه انا ..
أمسكت والدته هاتفها وإتصلت ولكنه لم يجيب فقالت: طبعا مش هايرد على حد فينا ...
نستنى لما يهدأ وبعدين نكلمه ....
يهدأ !! إنت مسمعتش قال إيه؟
نظر ماهر لأمه بحيرة وحزن ولم يجد مايقوله لقد أخطأ فعلا فى حق أخيه ولايعرف كيف سيصلح هذا الخطأ...
أخذ هانى سيارته وتجول بها ووجد نفسه أمام مطعم جيهان ورآها وهى تدخل مع صدقاتها ,, نزل من السيارة ليدخل ولكنه تراجع, ماذا سيقول لها بعد الأهانة التى وجهها لها اخيه؟ كيف سيعتذر ويجعلها تنسى ... عاد لسيارته مرة أخرى وتوجه لفندق وحجز غرفة وتحدث مع بعض الأصدقاء ليجدو له شقة يقيم فيها, كان مصرا على ترك بيت أمه ولن يعود أبدا .. ويكفى مافعلوه حتى الآن ,سوف يعيش حياته كما يريد ولن يعيش من اجل أى شخص مهما كان ..
لقاء الصديقات معا كان له فائدة كبيرة أخرجت كل منهم مافى قلبها وعادت كل منهم لبيتها وهى تشعر بقليل من الراحة وذهبت نيرمين طبعا مع نور وعادت نغم لبيتها هى وغادة ,حبست نغم نفسها فى الحجرة تفكر فى موقف رؤوف معها ورغما عنه سقطت دموعها حزنا على نفسها ,ولكنها أخذت قرار بأنها لن تتألم بسببه بعد الآن ولقد حان الوقت لتستمر بحياتها بعيدا عنه وتمنت أن تقبل لإى فى العمل الجديد ..أما غادة فتوجهت لحجرتها فورا ولم تسمح لأمها أن تتكلم معها ,,لماذا ترضخ لسيطرة المجتمع المتخلف وتدمر نفسها فقط من أجل كلام الناس ؟ ستظل تواجه امها وأفراد العائلة حتى تغير تفكيرهم المتخلف .
دخلت جيهان بيتها وإستقبلها أولادها بقلق وقال احمد : ماما.... إتاخرتى قوى قلقنا عليكى
إنتو إيه اللى مصحيكم لدلوقتى؟
منة: عايزين نتكلم معاكى ..
أنت تقرأ
صحبة ورد
Non-Fictionهذه الروياة تتكلم عن الصداقة القوية بين مجموعة من الفتيات تفرقهم الأيام ولكن يعودو للقاء وتظهر قوة صداقتهم فى مساندة بعضهم ودعمهم لبعضهم البعض
