صحبة ورد

Untitled Part 28

فى المستشفى أمسك رفيق يد منار وهمس: أنا عايزك تطمنى ..

رفيق.. لو فضلت عمياء بعد فك الرباط .هانعمل إيه؟

إنت ليه متشائمة كده مش الدكتور اكد إن العملية نجحت وكل حاجة تمام

أعذرنى لسه جوايا خوف كبير مش قادرة أطلع منه وبيتهيألى مش هاتراح غير لما أعرف النتيجة الفعلية للعملية.

بصى بقى مهما كانت تيدة العملية ,, إحنا هانتجوز وإذا قلتى أى حاجة المرة دى بجد هاتخسرينى يامنار

أيوه بس...

من غير بس يامنار أنا معدش عندى لاصبر ولاطاقة للفراق أرجوكى وحياتى عندك...

إبتسمت منار وهمست: طيب ربنا يستر.

رفع رفيق يدها وقبل كفها وقال: إن شاء الله هايستر ,, أنا ورايا ميعاد مهم جدا دلوقتى ومضطر اسيبك .. بس هارجع لك على طول ..

روح شوف ميعادك شوية والبنات هاييجو

الحقيقة صديقاتك دول أثتبو لى إن الدنيا بخير

فعلا مفيش زيهم أبدا.. أنا مش مصدقة غنى هراجع أشوفهم تانى قد إيه مشتاقة لهم قوى

مشتاقة لصاحباتك وانا لأ ؟؟

إزاى تقول كده يارفيق؟ إنت ملامحك محفورة فى قلبى قبل عقلى , إذا كنت نحت لك تمثال ...

إبتسم رفيق وإنحنى يقبل جبينها وقال: أيوه كده عايز أسمع كلام حلو يعوضنى الجفاف اللى كنت عايش فيه ..

إن شاء الله تسمع كلام حلو كتير بس روح ياللا ومتتأخرش

خرج رفيق وإختفت إبتسامة منار وتنهدت بتوتر ,لقد تظاهرت بأنها نسيت قلقها من أجله ولكن قلبها ملئ بالخوف من نتيجة العملية برغم تأكيد الطبيب ,, زفرت بقوة وقالت: يارب يارب أرجع أشوف تانى يارب اجبر بخاطرى ..

دخلت نغم لمكتب جيهان وهى تقول: هاعطلك ياجيجى ؟؟

تنفس هانى براحة لأن دخول نغم كان فى وقت مناسب ليهرب من سؤال جيهان ,وقف بسرعة وقالت جيهان: تعالى يانغوم ..

دخلت نغم وهى تتأمل هانى وقدمتهم جيهان قائلة: هانى .. صديق.. نغم من صحبة الورد

هانى: تشرفت بحضرتك .

نغم: الشرف لى انا.

هانى: طيب امشى انا بقى وهاتصل بيكى

سارت جيهان مع هانى للباب لتودعه ووقفت نغم وهى مبتسمة وفور عودة جيهان قالت: تشرفنا خالص ... إيه ده؟ قمر ..

ضحكت جيهان :آه هو فعلا أمور قوى ويآخد القلب ..

غمزت نغم بعينها وقالت: وأخباركم إيه؟