إنشغل الشباب فى المطعم مع الزباين الموجودين ووقفت جيهان تتابع من امام مكتبها وإقترب منها احمد وقال: الغذاء الى حضرتك طلبتيه جاهز ؟؟
الولاد زمانهم جايين .. اول ماييجو نزله
امرك .
إبتعد احمد ودخلت والدة هانى من باب المطعم وإقترب منها حكيم: أهلا وسهلا شرفتينا ياهانم ..
شكرا يابنى ...
حضرتك فيه حجز مسبق؟
لأ انا جاية أقابل مدام جيهان
آه عند حضرتك مناسبة
تقدر تقول كده ....
إتفضلى وأنا هاديها خبر
دخلت منة مع احمد بسرعة وقالت عمو حكيم ماما فين؟
مفيش إزيك ياعمو ولا أى حاجة
قبلت منة وجهه وهى تضحك: معلش بقى ياعمو انا ماصدقت إن ماما كلمتنى ...
أحمد: دى صدعتنى طول الطريق .. إنت متاكد غن ماما عايزة تشوفنى؟ هى اللى قالت لك؟ يعنى سامحتنى ؟؟
ظهرت جيهان خارجة من المطبخ فألقت منة بنفسها عليها وتعلقت بعنقها: ماما حبيبتى ... أنا فرحانة إنك سامحتينى ...
أبعدتها جيهان وقالت بحنان: طبعا ياحبيبتى إنت قلب ماما
أحمد: احم أحم وأنا ماليش مكان طبعا .
جيهان: إزاى بقى إنت كمان قلبى ياحبيب ماما...
منة: مش هازعلك تانى أبدا ياماما ...
أشارت والدة هانى لأحمد فاقترب وسألته: هى دى صاحبة المعم؟
أيوه هى مدام جيهان
دى حلوة قوى ..
أفندم ..
بأقول باين عليها ست كويسة
جدا جدا.. الكل هنا بيحبها قوى ....
ضمت جيهان منة مرة اخرى وقالت: طيب ياللا إنت وهو على المطبخ ساعدوهم شوية وطلعو لنا الغداء
منة: امرك ياماما .
إبتعدت منة مع احمد وقال حكيم: ربنا يخليهم لك ياجيجى
ميرسى
آه الهانم عايزة تتكلم معاك تقريبا عندها مناسبة وعايزة تحجز...
نظرت جيهان لوالدة هانى وقالت :إتفضلى معايا على المكتب
فتحت نيرمين باب الشقة ودحلت وأسرعت البنات لحضنها ورأفت وقالت بيرى: ماما وحشتينا قوى
بيرى: إرجعى ياماما وإحنا مش هانزعلك تانى
شعرت نيرمين بالسعادة لشق اولادها ولهفتهم عليها و نظر رأفت لملابسها وقال: إنتى بقيتى جميلة قوى ياماما
أنت تقرأ
صحبة ورد
عشوائيهذه الروياة تتكلم عن الصداقة القوية بين مجموعة من الفتيات تفرقهم الأيام ولكن يعودو للقاء وتظهر قوة صداقتهم فى مساندة بعضهم ودعمهم لبعضهم البعض
