فكيف أنسى أنا يوما ملامحه، وفي ملامحه عمري الذي رحلا..")
ـ حذيفة العرجي.
صلوا على النبي الحبيب محمد 🤍
ــــــــــــــــــــــــــــــ
" حكاية جديدة مجهولة البداية والنهاية "
" شوفتوا السكرتيرة الجديدة ؟ "
تحدثت بها سارة وهي تدخل مكتب زملائها بالشركة، فرفعت منار عينيها لها تجيبها بتهكم : اه شوفت الهانم ....كانت تايهه زي العيال الصغيرة وبتسأل على مكتب زين بيه .
رفعت سارة إحدى حاجبيها بضيق من كلامها وتحدثت : وفيها إيه يعني ؟، طبيعي تبقى مش عارفة الأماكن وهي لسه أول يوم ليها.
تدخل محمد يسأل بفضول : هي حلوة ؟
كادت سارة تجيب لولا حديث منار الساخر : تركيبة غريبة كده متعرفش ديه كبيرة ولا صغيرة....معرفش إزاي يمسكوا حد زي كده الشغل مع زين بيه
ردت سارة بخبث : والله !.... والمفروض كانوا يمسكوا مين بقى يا منار ...إنتي ؟!
همست لها بغرور: أكيد.....مفيش حد هيفهم زين بيه زيي.
صدعت ضحكة سارة بالمكان مرددة : قصدك مفيش حد بيريل على زين بيه زيك
إنتفضت الأخرى من مكانها تعنفها : قصدك إيه يا سارة ؟
أجابتها ببرود : اللي فهمتيه يا منار....وأعتقد إنه لو كان عايزك فعلا كان جابك سكرتيرته فاخلي عندك شوية كرامه.
ثم التفت لمحمد تجيبه بإبتسامه : أنا متعاملتش معاها بصراحة ....بس هي شكلها كتكوته كده وطيبة، أنا عندي فكرة إيه رأيك نعزمها على قهوه وبالمرة نتعرف ؟
إستحسن فكرتها وهو يستقيم يتبعها للخارج مردد : حلوة أوي يلا .
خرجوا تحت أنظار منار المشتعله بغيظ تملك منها ثم همست وهي تتذكر ملامح تلك الفتاة : أما نشوف حكايتك إيه إنتي كمان .
------------------------
« إكمني طيب ربك بيسهلها
لما تكلكع مني بدعي يعدلها »
" وجدي بيه "
إلتفت وجدي على صوت غريب لم تلتقطه أذناه من قبل، رفع عينيه لذلك الفتى المقترب منه مردد : ايوه إتفضل ؟
أرغم مازن نفسه حتى يغتصب إبتسامه بدلا من لكمه على وجهه وأجابه : أنا كنت حابب أتعرف عليك ....والدي حكالي عن حضرتك كتير ومصدقت شوفتك قولت أسلم عليك .
إبتسم وجدي يصافحه مجيب : اه اهلا طبعا ....بس معلش أنا حاليا مشغول جدا ممكن تيجي في أي وقت تنورني أكيد.
لمعت عيناه الزيتونيه وهو يرى هاجر تسرع بإخراج حنفي من الشركة حتى إختفى من أمامه ثم حدث وجدي يودعه : أسف لو عطلت حضرتك هستأذن أنا بقى .
أنت تقرأ
وعد الهامور
Humorليس لكل منا بداية واحده ولا نهاية واحدة، بل توجد بداية للنهاية ونهاية للبداية، توجد صداقات تُهدم وأخرى تُبنَى، ولكن عذرا يا عزيزي نحن نبني فقط لا يهدمنا سوى الزمان واكاد اقسم لك ان حينها يقف عاجز امام قوتنا..اتحادنا...حتى ذلك الذي يُدعى "قدر" ينحني...
