وأخذت أنظر للطريق معاتبا
كيف إنتهت بين الأسى أيامي:))
ـ فاروق جويدة.
صلوا على النبي الحبيب محمد 🤍
ـــــــــــــــــــــــــــــــــــــــــــــــــــــــ
" كان نفسي الحقيقة تبان
بس مكنتش أعرف إني جبان"
" مساء الخير يا بابا "
تحدث بها جلال لوالده وهو يدخل لبهو الڤيلا، رفع جابر عينيه له ثم أنزلها مرة أخرى للجريدة التي أمامه يتفحصها بهدوء مزيف، بينما جلال إقترب منه وجلس بجانبه هامس بنفاذ صبر : مالك يا بابا ؟، والله أنا ما ناقص كفايه اللي أنا فيه .
أجابه وهو يترك الجريدة من يده : وايه اللي فيك يا بني ؟ ....دوست على مين المرة ديه ؟
أغمض عينيه بيأس من تلك الذكرى التي كالنقطة السوداء بحياته، ثم تحدث بصوت خافت : بابا إنت عارف إنه كان غصب عني ....وك.
قاطعه الآخر يصرخ بوجهه : غصب عنك !!، كان غصب عنك تعصاني وتروح تتجوز واحده طمعانه فيك .....كان غصب عنك تخلف منها بنت بعد ما شوفت طباعها اللي زي الحية.....كان غصب عنك ما تحافظش على بنتك منها وكانت هتروح مننا لولا ستر ربنا وجت على قد فقدان الذاكرة الجزئي.....كان غصب عنك إيه يا بني ؟!!.
إعتدل جلال يجيبه بحده : وهو مين اللي طردني وقالي ملكش عندي حاجة غير البيت اللي في الحارة مش إنت ؟.
ضرب بعصاه أسفله وردد بتهكم : متحسسنيش إني إفتريت عليك، إنت اللي اخترت ....ياما حذرتك وقولتلك ديه طمعانا فينا وإنت مصدقتش.....قولتلك ديه عمرها ما تكون زوجة تسندك وتكون أم لولادك وإنت مشيت وسديت ودنك، كان لازم أعمل حاجة تخليك تسيبها.....بس إنت عملت إيه، روحت وإتجوزت عند فيا وعيشت في الحارة صح ولا لا
هز رأسه يؤكد حديثه : ايوه عملت كده ....وغلطت، كلنا بنغلط محدش فينا ملاك، ولما منه فاقت اخدتنا عندك تاني علشانها مش علشانا
أشار له بعصاه على رأسه وهمس : إنت فاهم كويس إن مش بتكلم على كده .
زاغت عيني جلال بحزن دفين ثم إستمع لما يقوله والده من عتاب ثقيل على قلبه: ازاي جالك قلب تدوس على اليتيمه وتطردها بعد ما الدنيا قفلت في وشها ولجأتلك إنت !..... أنا لحد النهارده مش قادر استوعب إنك خذلتها زيك زيهم، إنت مش بس خذلتها إنت خنت أمانة سيف الدين كمان.
سكت يلتقط أنفاسه وهو يرى دموع ولده بدأت تسقط على وجنته ثم انصت لحديثه المحمل بصوت بكائه : والله كان غصب عني، خفت على بنتي .....إنت مشوفتش قعدت تصرخ إزاي وبعدها دخلت في غيبوبة ....كانت بتموت بين إيديا وأنا مش عارف أعمل حاجة..... كنت عاجز.
مسح وجنته وأكمل بصوت متقطع : هاجر.....هاجر أنا من لما لمحتها في اللفه بين إيدين سيف الله يرحمه وأنا بعتبرها بنتي قبله هو......من قبل حتى ما أشوف منه، حتى بعد ما مشيت من عندي مكسورة أنا فضلت عيني عليها و....
أنت تقرأ
وعد الهامور
Humorليس لكل منا بداية واحده ولا نهاية واحدة، بل توجد بداية للنهاية ونهاية للبداية، توجد صداقات تُهدم وأخرى تُبنَى، ولكن عذرا يا عزيزي نحن نبني فقط لا يهدمنا سوى الزمان واكاد اقسم لك ان حينها يقف عاجز امام قوتنا..اتحادنا...حتى ذلك الذي يُدعى "قدر" ينحني...
