သူမဒီနေ့လဲ့၏ကျူရှင်ဝိုင်းကိုသွားရမည်။ ဟိုရောက်လျှင်လဲ့ကိုတွေ့ရလို့သူမဝမ်းသာပေမဲ့ လဲ့၏အမျိုးသားအားသူမ မတွေ့ချင်။ လဲ့ထိုလူနှင့်အတူရှိနေလျှင်မြတ်မပျော်။ လဲ့၏သမီးလေးကိုတော့မြတ်ချစ်ပါသည်။ ထိုကလေးလေးအားမြင်လျှင် ဝမ်းနည်းမိသည်။ လဲ့ကိုမြတ်ချစ်နေသေးသည်။ သဘာဝတရားအားဆန့်ကျင်နေလို့သာမဟုတ်ရင် သူမလဲ့ကိုကျိန်းသေပေါက်လက်ထက်မည်။ စာသင်နေရင်းလဲ့ဝင်လာလျှင်သူမပျော်မိသည်။ စကားပြောရလျှင်ပို၍ပျော်သည်။ မလာလျှင်လည်းမျှော်နေမိပြန်သည်။ သူမရှေ့တွင် ထိုလူနှင့်အတူရှိနေလျှင်လည်း သူမသဝင်တိုမိတာအမှန်။ သို့သော်မျက်နှာလွှဲနေတတ်သည်။
"မင်္ဂလာပါဆရာမ"
"မင်္ဂလာပါ.."
"ကျေးဇူးတင်ပါတယ်ဆရာမ"
သူမဝင်ဝင်လာချင်းတွင်မြယွန်းအားတွေ့လိုက်ရသည်။ သူမထိုကလေးမအားသတိထားမိနေသည်မှာကြာပြီဖြစ်သော်လည်းနမည်နှင့်လူတွဲ၍မသိပေ။ ထိုကလေးမသည် ဆံပင်နှစ်ဖက်စီးထားကာပါးကွက်လေးနှင့်ချစ်စရာကောင်းလေသည်။ မြတ်ကတော့ခရမ်းဝမ်းဆက်လေးနှင့်အထိန်းအကွတ်မရှိလှနေလေသည်။ မြယွန်းဒီရက်ထဲမြတ်အားမတွေ့ရလျှင်တစ်ခုခုလိုနေသလိုပင်။ မြယွန်းချစ်မိနေပြီလား သူမကိုယ်သူမပြန်မေးနေရလေသည်။ မြင်ပါများ၍မမြင်ရရင်မနေနိုင်ဖြစ်ကုန်သည်။
"တီချယ်"
"ရှင်.."
"အမှတ်စာရင်းတွေရပါပြီတီချယ်"
"ကျေးဇူးပါ ကျတဲ့လူရှိလားသမီး"
"ဟို ၁၆ယောက်ကျပါတယ်တီချယ်"
"ဟေ.. ၁၆ယောက်တောင်"
"ရှိတာကဘယ်နှယောက်လဲ"
"၃၅ယောက်ပါတီချယ်"
"ဟာ.. မင်းတို့တွေဘယ်လိုဖြစ်ကြတာလဲဟယ်"
"ဒီတစ်ခေါက်မေးခွန်းကအရမ်းခက်လို့ပါတီချယ်"
"မခက်ပါဘူးကွယ် unseen တွေမှမပါဘဲကို"
"ဆရာမကလဲ ခက်မှခက်.."
"သားတစ်ပုဒ်ပဲဖြေခဲ့တာ သားကျတယ်"
YOU ARE READING
မဟာရတနာမြိုင်စံအိမ်
Короткий рассказ*မြယွန်းသီရိဒေဝီ* "တီလင်းရဲ့ဖြစ်တည်မှူတိုင်းကိုမြတ်နိုးတယ်" *လင်းစန္ဒီမေ* "နောင်ဘဝမှာတော့...မြနဲ့ပြန်စုံစည်းခွင့်လေးပေးပါ" *မြတ်သီရိမေ* "ငါ့မာနထက် ပိုချစ်တဲ့သူက....." *လဲ့ဝတ်မှုန်* "ချစ်လွန်းလို့..စိတ်ချရတဲ့သူလက်ထဲထည့်ပေးခဲ့တာပါ" *မြယွန်းထိုက်* "တီခ...
