"တီချယ်..... တီချယ်မြတ်..."
"ဘာဖြစ်တာလဲစိမ်း"
စာသင်နေသည့်မြတ်အနားသို့စိမ်းအလန့်တကြားပြေးဝင်လာလေသည်။
"တီချယ်လဲ့..တီချယ်လဲ့ကိုယ်ဝန်ပျက်ကျလို့တဲ့"
"ဘာ!! အခုလဲ့ဘယ်မှာလဲ"
"ဆေးရုံမှာတီချယ် အခုပဲမြယွန်းဖုန်းဆက်တာတီချယ့်ဖုန်းကမကိုင်လို့တဲ့"
"ဖုန်းကစာသင်နေလို့ခနပိတ်ထားတာ ကလေးတွေကိုသမီးကြည့်လုပ်လိုက်တော့ တီချယ်လိုက်သွားလိုက်မယ်"
"ဟုတ်ကဲ့တီချယ်"
လဲ့ကိုယ်ဝန်ပျက်ကျကြောင်းကြား၍မြတ်တစ်ယောက်ရှော့ရသွားလေသည်။ သူမလဲ့အားအရမ်းစိတ်ပူသည်။ မြတ်သည်ကလေးအရမ်းချစ်တတ်သည်။ လဲ့၏ကလေးမို့သူမအချစ်ပိုလိမ့်မည်။ အခုကလေးလေးသည်ပျက်ကျသွားလေပြီ။ သူမတစ်လမ်းလုံး လက်များအေးစက်ကာဘုရားစာသာရွတ်နေသည်။ ဆေးရုံရောက်သောအခါ အရေးပေါ်အခန်းရှေ့တွင်မြယွန်းကိုတွေ့လိုက်ရသည်။ မြယွန်းကိုယ်တွင်သွေးများပေကျံနေပြီး ငိုထားပုံရသည်။
"မြယွန်း..ဘယ်လိုဖြစ်တာလဲသမီး"
"တီချယ်..တီချယ်..ဘယ်လိုလုပ်မလဲဟင်.. ကလေးလေး.. ကလေးလေးကိုကယ်နိုင်ပါ့မလားမသိဘူး"
မြတ်ရောက်လာမှ မြယွန်းငိုချလိုက်လေသည်။ မြတ်ကတော့ရင်ခွင်ထည့်ပြီးချော့နေရလေသည်။
"ဘယ်လိုဖြစ်တာလဲတီချယ့်ကိုပြောပြအုန်းလေ"
"မြယွန်းအိမ်ပြန်တော့ တီချယ်လဲ့ကခြံထဲမှာချော်လဲတာထင်တယ် သွေးတွေနဲ့လဲကျနေတာ"
"လဲ့တစ်ယောက်ဘာတွေဖြစ်တာပါလိမ့်"
"တီချယ်..မြယွန်းအရမ်းစိတ်ပူတယ် သွေးတွေအများကြီးပဲတီချယ်ရဲ့"
"တီချယ်လည်းစိတ်ပူတာပါပဲသမီးရယ်...မငိုနဲ့နော် တိတ်တော့ သမီးကဆရာဝန်လေ.... ဘယ်ဆရာဝန်ကသွေးမြင်ရင်လန့်လို့လဲ"
"မြယွန်းကဆရာဝန်ဆိုပေမဲ့ အခုကတီချယ်လဲ့လေ တခြားသူဆိုရင်တောင် ..."
"မြေလး.."
"မမ..မမ.. တီချယ်လဲ့အဆင်ပြေရဲ့လားဟင်..ကလေးလေးမသေဘူးမလားဟင်"
YOU ARE READING
မဟာရတနာမြိုင်စံအိမ်
Short Story*မြယွန်းသီရိဒေဝီ* "တီလင်းရဲ့ဖြစ်တည်မှူတိုင်းကိုမြတ်နိုးတယ်" *လင်းစန္ဒီမေ* "နောင်ဘဝမှာတော့...မြနဲ့ပြန်စုံစည်းခွင့်လေးပေးပါ" *မြတ်သီရိမေ* "ငါ့မာနထက် ပိုချစ်တဲ့သူက....." *လဲ့ဝတ်မှုန်* "ချစ်လွန်းလို့..စိတ်ချရတဲ့သူလက်ထဲထည့်ပေးခဲ့တာပါ" *မြယွန်းထိုက်* "တီခ...
