طالعها بهدوء وهو يميل راسه قبل تلتفت له وهي تطالعه لثواني: وين نمشي؟
هذام زفر بهدوء من عبطها ومراوغاتها بالحكي: اظن ان حكيي واضح يوم قلت ودعي نور!
قُوت حركت راسها بالنفي بخفيف: بس انا ماوافقت!
هذام حرك راسه بـ ايه بهدوء: وأنا ماجيت اخذ رايك!
رفعت حواجبها بذهول قبل تضحك بسخريه: اذا عدلت أسلوبك وقتها تقدر تجي تطلب اروح معك!
تراجعت للخلف لكن ماسمح لها وقت سحبها له من ذراعها وهو يخرجها من حدود البيت أمامه..
عقدت حواجبها مباشره وهي تدفه من كتفه: لمتى بتقعد تسحبني معك لوين ماتبي؟
التفتت للخلف من شافته سكر باب الشقه ومباشره شهقت: مامعي مفتاح يامجنـ..
قاطعها وقت قربها وهو يحط كفه على فمها: اش! ازعجتي سكان المبنى!
نزلت يده وهي تطالعه: خلهم يسمعوني يمكن يطلعون واشتكيك انك خاطف!
ضحك غصب عنه وهو يرفع حواجبه: خاطف؟ وان اثبت لهم انك زوجتي!
رفعت كتوفها بخفيف: بسيطه! بقولهم بتطلق منه وهو بيرجعني غصب!
طالعها قبل ياخذ نفس وهو يزفره بهدوء: هالحكي نكمله بالبيت.
حركت راسها بالنفي: مافي بيت وانا ماودي اروح معك مكان، غصب؟
حرك راسه ببرود: غصب.
رفعت حواجبها بترد لكن ماسمح لها وهو يمسك إيدها يمشيها وراه..شدت يدها لكن مباشره سكنت كل محاولاتها من لف عليها وهو يطالعها بصمت..شتت عيونها بغضب وهي تمشي وراه..
نزلوا لتحت لكن وقفت وهي تشوف سيارته أمامها قبل يترك إيدها وهو يسبقها لها: اطلعي
قُوت رفعت حواجبها: البيت قريب ليه سياره؟
هذام التفت لها بهدوء: مزاجي يبي كذا!
قُوت حركت راسها بتمام: خل مزاجك يروح معك اجل!
هذام التفت لها مباشره بحده: اركبي يابنت!
قُوت عقدت حواجبها بغضب: تعلم تناديني بأسمي ووقتها اطلب اللي تبيه!
لفت بترجع لفوق لكن تراجعت لوراء من يده اللي سحبتها بقوه..
رفعت عيونها له بحده: خير؟
سحبها وهو يفتح الباب ويركبها غصب..
قُوت نزعت يدها منه بغضب: مريض؟
هذام انحنى وقفل عليها الحزام وهو يطالع عيونها بحده: جربي تنزلين!
شتت عيونها لقدام بغيظ وغضب وهي تكتف يدينها..سكر عليها الباب وهو يتوجه للجهه الأخرى..ركب وهو يحط إيده ع الدركسون لكن ماحرك ابد وهالشي خلاها تلتفت له: مو ركبتنا غصب؟ ليه ماتمشي؟
هذام طالع أمامه بهدوء: ودك مكان؟
طالعته بإستغراب من سؤاله وهي للتو تستوعب انه جاب السياره لان وده ياخذها مكان لكنها زعلانه منه ومن أسلوبه كثير لذلك مباشره حركت راسها بالنفي: لا
لمس الزعل بنبرتها لذلك سكت وهو يحرك ودقايق فقط وكان أمام بيته..
التفت لها قبل ينزل: انزلي.
نزل وهو ينتظرها..قبل ينزل نفسه وهو يطالعها من نافذة السيارة بهدوء..
كتفت يدينها وزمت شفايفها لا ارادي دليل على رفضها..
ومباشره لف للجهه الأخرى وهو يفتح بابها ويفك الحزام..
قبل ينطق بصبر: انزلي لا انزلك مثل ماطلعتك السياره!.
رفعت عينها له بغضب قبل تنزل..وبهاللحظه مسك معصمها وهو يمشيها معه..
حركت معصمها تحاول تفكه من قبضة ايده: ماراح اهرب!
نزل يده لجيبه وهو يطلع مفتاح شقته ويرد عليها: كل شي مُتوقع منك!
وقف قدام شقته..ايد يفتح فيها الباب..ويده الأخرى متمسكه بمعصم قُوت..فتح الباب وهو يدخلها قدامه ويسكره..انتبه لها وقت مسكت معصمها بيدها الأخرى وواضح احمراره من مسكته لها..لكن تعداها وهو يفك معطفه ويرميه ع الكنبه..دخلت وراه بهدوء وهي تحاول تكبت غضبها..
وقفت بالصاله وهي تطالع حولها بالمكان من شافته يدخل المطبخ قبل تلتفت لسؤاله: جوعانه؟
طالعته من كان واقف عند بوابة المطبخ ومباشره حركت راسها بالنفي بدون رد..
YOU ARE READING
أنتِ الحياة وأنا على قيدك أنتِ..
Romanceعندنا تلتقي الألوان بالأسود فإنه سيعكر صفوها سيجعلها بلون واحد وبلا حياة..لكن عندما تلتقي"قُوت" بذاك الرجُل المُعتم، هل سيحدث العكس؟ ام ان تلك العُتمه ستطفئ بريق تلك الألوان؟ أسمها الذي يأخذ جزء كبير منها..هل سيكون لـ "هذام" نصيبه منه؟
