تشتت أفكاره من جديد وازعجه الشعور الغريب اللي حسه بقلبه..باللحظه اللي تذكر فيها عيونها..لمعتها..لونها..نظرة الصدمة اللي كانت باينه عليها..
وقف وهو يغمض عيونه بإنزعاج من مداهمتها لعقله والحين لحياته..بباله فكره وحده بهاللحظه ان هالشعور على غرابته وجِدته عليه إلا انه اكيد بيزول..انتهت شكوكه وتساؤلاته اتجاهها وعرف ان شكوكه بمحلها وانها حفيدة علي! هذا وقت زوالها من عقله وتفكيره..
نفض هالأفكار من راسه وكمل طريقه وهو يدخل المجلس..وقف بجانب جده قبل يلتفت لباب المجلس..للصوت اللي استفز كل خليه بجسمه: السلام عليكم.
سكت وهو يسمع ترحيب جده فيه: ياهلا يامشعل،حياك الله.
سلم على عبدالرحمن قبل يقرب من هذام ويبتسم بإستفزاز وهو يمد يده..صافحه هذام بجمود وعينه يكاد يخرج منها شرار من شِدة كرهه لهالمخلوق..فك يده وتعداه يسلم على بقية الرجال..ومباشره هذام التفت لجده بحده..
عبدالرحمن طالعه وهو يهمس بهدوء: لاتلتفت يمي علي اللي عازمه.
هذام رفع حواجبه: وهو مافي وجهه حياء؟
عبدالرحمن عقد حواجبه وهو يهمس بحده: اسكت ياهذام تراه ضيف!
هذام سكت ووجه نظره له بحده..وهو يشوف علي يسلم عليه و يرحب فيه..هذام يعرف مشعل من أيام الدراسه لكن يمقته بشكل لايُصدق..لأسباب كثيره لكن أهمها وأبرزها انه حاول اكثر من مره يوقع هذام بأعماله الوصخه..لكن لفطنة هذام وذكاءه كان يتفاداها..وأخرها قبل سنتين بلبنان مشروع مشبوه حاول يشارك هذام فيه..لكن تبينت لهذام نواياه وماوراء هالمشروع..ومباشره بلغ الشرطه والقوا القبض عليه بتهمة ترويج وتوزيع وغيرها..لكن لقوة نفوذ أبوه طلع منها كالشعره من العجين..وكأن شياءً لم يكن..
عبدالرحمن تنهد وهو يتمتم لهذام بهمس: ترا علي مايدري عن اللي حصل،يعزه من معزة أبوه.
هذام ابتسم بسخريه: يعني أبوه احسن منه؟
عبدالرحمن ربت على كتفه: هذام اعقل،هو ماجاء هنا إلا يبي يطلعك من طورك.
بالداخل كانت قُوت واقفه عند المدخل وتفك عبايتها وبجانبها نوران اللي تسولف..لكن عقلها ماكان عند نوران ابداً كان بكلام نوران قبل يجون وقت قالت لها ان أخو ماريا يشتغل بالجامعة لكن ماجاء ببالها واحد بالميه ان اخو ماريا يكون هذام..شهقت بخفيف من اليد اللي سحبتها من ذراعها..مباشرة التفتت وهي تشوف جدتها أمامها وعاقده حواجبها وكأنها منزعجه من شي..قربت منها بهمس مايسمعه الا هي ونوران لقربها منهم: انتِ تعرفين هذام؟ شفت نظرته ونظرتك له قبل شوي تحسبيني ما انتبهت!
قُوت فكت يدها بهدوء: فهمتي غلط ياجده ايه اعرفه بس مو مثل ماتفكرين.
نوران عقدت حواجبها..قبل ترد فاطمة: من وين تعرفينه؟
قُوت بهدوء: ماتدرين انه يشتغل ببيروت؟ ولا نسيتي اني ادرس هناك؟ اعرفه من هناك دكتوري ويوم شفته تفاجأت بس!
فاطمة انفكت عقدت حواجبها بهدوء قبل تشهق نوران: احلفي! انا كيف ماتوقعت؟
فاطمة التفتت عليها بهمس:اش فضحتينا!
ضحكت قُوت بهدوء وهي تاخذ شنطتها:خلاص قفلوا الموضوع،ندخل؟
فاطمة تنهدت براحه وهي تحرك راسها بالموافقة..وتدخل أمامهم..
YOU ARE READING
أنتِ الحياة وأنا على قيدك أنتِ..
Romanceعندنا تلتقي الألوان بالأسود فإنه سيعكر صفوها سيجعلها بلون واحد وبلا حياة..لكن عندما تلتقي"قُوت" بذاك الرجُل المُعتم، هل سيحدث العكس؟ ام ان تلك العُتمه ستطفئ بريق تلك الألوان؟ أسمها الذي يأخذ جزء كبير منها..هل سيكون لـ "هذام" نصيبه منه؟
