Paggising ko 1 pm na. Sobrang sakit ng ulo ko. Naghilamos ako tapos nagbihis. Paglabas ko ng CR, natalisod ako. Nakita ko yung box. Yung box na binigay ni Gab.
Umupo ako sa kama at binuksan ko. Pagsilip ko sa loob, nagulat ako sa laman.
May laman siyang 3 paper roses. Napangiti ako.
Tumakbo ako palabas ng bahay, hawak ko parin yung mga roses. At alam ko kung saan ako pupunta. Habang tumatakbo ako may nabunggo ako.
‘Ay sorry.’
‘Uy Ana.’
‘Rhea?’
‘Pupuntahan mo si Gab?’
‘Uh.. Ba’t naman yun ang naisip mo?’
‘Di mo ba alam?’
‘Na ano?’
‘May nakuhang scholarship si Gab. Sa ibang bansa siya mag-aaral.’
Boom. ANO?!
‘Hah? Di ko alam…’
‘Akala ko papunta ka sa kanila. Ngayon kasi siya ihahatid sa airport e.’
‘Ano ?’
‘Nakakagulat naman na di niya sinabi sayo. Ikaw pa naman yung pinakaimpor-‘
‘Uh Rhea. Sorry ah pero alis na ako.’
‘Sige.’
Tapos tumakbo ako. Kahit pagod na ako tumakbo na ako. Kahit may pumapatak ng ulan tumakbo pa rin ako. Papunta sa kanya,,
Nakita ko siya. Pasakay na ng sasakyan.
‘GAB!!!’
Lumingon siya.
Pagdating ko sa harap niya, umiiyak na ako.
‘Oh ba’t ka nandito?’
‘Gab ba’t di mo sinabi?’
‘Ako yung unang nagtanong.’
‘…’
‘Ana ba’t ka nagpunta dito?’
‘Kasi.. Ayoko. Ayokong mawala yung bestfriend ko..’
‘…’
‘…’
‘Sana..’
‘Sana?’
‘Hmmm. Bestfriend.’
‘Oo. Bestfriend kita.’
‘Pero Ana. Hanggang dun na lang yun. Alam mo ba nung nalaman kong aalis ako parang ayaw ko pa. May pumipigil sa akin.’
‘Ano?’
‘Yung dahilan kung ba’t ako sumasaya at lumungkot.’
‘Hah? Gab di na kita maintindihan.’
Tapos nakita niya yung rosas na hawak ko.
‘Uy, binuksan mo na. Ingatan mo yan ah. Pinagpuyatan ko yan.’
Tapos bumusina na yung nanay niya.
‘Gab.’
‘Pangako mo walang magbabago ah.’
‘Pangako.’
Tapos sumakay na siya. Ako naman, nandun lang nakatayo, umiiyak. Pinabayaan ko na lang na mabasa ako ng ulan.
Kaso narealize ko na hawak ko pala yung papel na rosas. Kaya pumara na ako ng tricycle para makauwi. Pagdating ko sa bahay. Sermon. Pag-akyat ko, umiyak lang ako.
BINABASA MO ANG
The Paper Hearts Project
Teen FictionSimpleng babae na may simpleng pampalipas oras. Naging komplikado na lang lahat nang dahil sa dalawang lalaki.
