All About Her

And they meet again.

Nagsisimula na ang mga weird cravings ko. Minsan inutusan ko si Nathaniel na magluto ng fried chicken tapos isinawsaw ko sa peanut butter, masuka suka pa nga sya, kaya kinurot ko na naman ang pisngi nya.

2 months na akong buntis at kada araw na lumilipas ay talagang nahihirapan ako, ang hirap magbuntis. Sasamahan ako ni Nathaniel ngayon para magpacheck up, hindi kasi pwede si tita dahil feeling nya daw ay may sumusunod sa kanya.

"Good morning, Mrs. Montefalcon. How's your baby?" Masuyong tanong ni Dra.

"Lalo po akong pinapahirapan, pero okay lang. Masaya po ako." Nakangiting sagot ko.

"Ganyan talaga Mommy. You look blooming, hiyang ka sa pagbubuntis. Dadagdagan natin ang vitamins mo dahil lumalaki na si baby." Saglit pa akong chineck up ni Dra bago ako lumabas.

Ang tagal naman ni Nathaniel, sabi nya sa akin bibili lang sya ng pagkain pero hanggang ngayon ay wala pa rin sya. Naghintay lang ako sa waiting area. Naglalaro ako ng temple run ng may maramdaman akong umupo sa tabi ko.

"Nathaniel, ang tagal mo naman. Teka lang ah, tatapusin ko lang 'tong laro." Napapagewang gewang pa ako 'wag lang mamatay ang character ko. "Binilhan mo ba ako ng pizza?" Tanong ko pero hindi sya sumagot kaya saglit ko syang nilingon at balik sa cellphone.

Nanigas ako hindi dahil sa nalaglag ang character, kundi dahil sa katabi ko.

"Hanggang kailan mo balak magtago?" Seryosong tanong nya pero hindi nakatingin sa akin. Titig na titig ako sa kanya. Namiss ko talaga sya.

Dapat ay galit ako sa kanya, pero iba ang nararamdaman ko, hindi ko maitatanggi sa sarili ko na mahal ko talaga sya.

"J-Jared." Iyak pa rin ako ng iyak.

"A-Anong ginagawa mo dito?" Walang emosyon na tanong ko.

"Hanggang kailan mo balak magtago sa akin? Mabuti na lang at sinundan ko si mommy sa mga lakad nya. Hindi talaga sya marunong magtago ng sikreto." Sagot nito habang nakatingin sa malayo.

"Nathaniel." Naalala ko sya bigla. Napasimangot sya. As if on cue, pumasok si Nathaniel na may dalang pizza.

"Tapos na ba ang check up mo? Kamusta si Baby?" Mukhang hindi nya nakita si Jared.

"N-Nathaniel."

"What are you doing here?" Kinabahan ako ng tumayo si Jared at hinarap si Nathaniel.

"You want the answer?" Nakangising tanong ni Nathaniel. "Buntis si Elaisa, kasama nya ako." Natawa ako ng tinaasan nya ng kilay ang asawa ko.

"You asshole!" Sinugod nya ng suntok si Nathaniel. "Papatayin kitang hayop ka!" Kinaladkad nya si Jared palabas ng clinic.

"Tama na! Jared! Bitawan mo si Nathaniel!" Tumakbo din ako palabas.

"Walang hiya ka! Asawa ko pa ang binuntis mong gago ka!" Galit na galit na sabi ni Jared. Si Nathaniel naman ngayon ang sumuntok sa tiyan ni Jared, mukhang hindi ito nasaktan dahil nakatayo kaagad.

Akala ni Jared si Nathaniel ang ama? Well, he gave me an idea!

"Jared!" Sigaw ko dito. Nilingon nya ako na nanlilisik ang mata. Bigla syang sinuntok ni Nathaniel sa mukha, malakas yun dahil napahiga sya sa lupa bago sila awatin ng mga gwardiya.

Agad akong lumapit kay Nathaniel, dinampot ko muna 'yung pizza, sayang kasi. Inalalayan ko sya para makatayo.

"Bitiwan nyo ako! Bitaw!" Nagpupumiglas si Jared sa mga humahawak sa kanya at malungkot na tumingin sa akin. Umiwas ako.

"Elaisa." Tawag nya sa akin. Hindi ako lumingon, hindi ko kaya.

"Sumakay na kayo sa kotse, ako ang magdadrive." Sabi ko sa kanilang dalawa at nauna sa kotse ni Nathaniel. Sa two months na pamamalagi ko sa Antipolo ay natuto akong magdrive, thanks to Nathaniel.

Wala akong pinaupo sa tabi ko, silang dalawa ay nasa likod. Pagdating sa bahay ay binigyan ko sila ng tig isang bimpo na may yelo. Naupo ako sa harapan nilang dalawa, natawa pa ako dahil nasa magkabilang dulo sila nakaupo.

"Uuwi na tayo, Elaisa." Sabi ni Jared sabay baba ng bimpo.

"No! She will stay here." Kontra naman ni Nathaniel.

"Magsitahimk nga kayo. Ano ba ang ginagawa mo dito, Jared?" Tanong ko sa kanya. Kapag naaalala ko 'yung ginawa nya sa akin, nasasaktan ako.

"I'm here to get you." Nabigla si Nathaniel sa sagot nya.

"Hindi 'yun ganun kadali, Jared. Hindi ko na kaya. Matagal ko na dapat sinabi sayo 'to." Napahawak ako sa tiyan ko.

"You just fvcking left me! You are a fvcking virgin! For pete's sake! Nagising ako, wala ka na! Hindi mo manlang ako binigyan ng pagkakataon na magpaliwanag at humingi ng tawad." Alam kong nagagalit na sya dahil sa mga ugat nya sa leeg. Halata sa boses nya ang pagkalungkot, pero kailangan kong tatagan ang sarili ko. Nakita kong lumabas ng bahay si Nathaniel.

"Para saan? Dahil mali lahat ng akala mo sa akin? Dahil ikaw ang nakauna sa akin?" Wala na! Napahagulgol na ako sa sobrang sama ng loob. Napatakip na lang ako sa bibig ko.

"Alam kong mali ako, give me a chance. Please, Elaisa." Hinawakan nya ang kamay ko pero pinalis ko 'yun.

"Huli ka na." Pinunasan ko ang luha ko. Pinakiramdaman ko ang tiyan ko.

"Dahil kayo na ni Nathaniel?" Nilingon ko sya na nanlilisik ang mata.

Natawa ako ng mapakla. "Wala ka pa rin palang pinagbago."

"Ako ang asawa mo! Kasal ka sa akin, tapos nagawa mong magpabuntis sa iba? Sa kaibigan ko pa?" Sigaw nito. Hindi ako nakapagpigil kaya bigla ko syang nasampal.

"Umalis ka na lang! U-Umalis ka na!" Balik sigaw ko. Parang naubos ang lahat ng lakas ko sa pagsampal sa kanya.

Saglit syang nakipagtitigan sa akin bago lumabas ng bahay. Napahagulgol na lang ako. Ganun pa rin ang tingin nya sa akin.