unicode
ညကောင်းကင်ရဲ့ အလင်းရောင်ဟာ ဖျော့ဖျော့လေး ကျနေတယ် ၊ မိုးလေး တဖွဲဖွဲရွာနေတယ်။ အနက်ရောင်လမ်းမတွေဟာ စိုစွတ်ပြီး တောက်ပနေတယ် ၊ လှပခမ်းနားတဲ့ အနက်ရောင် လမ်းမီးတိုင်တွေဟာ ပြောင်လက်တောက်ပပြီး မီးအိမ်လေးတွေဟာ အလင်းရောင်ဖျော့ဖျော့လေး လင်းနေတယ် ။
ဒီမြို့ဟာ Black Paradise ။
အတိတ် နဲ့ ပစ္စုပ္ပန် ၊ပြီးတော့ အနာဂတ် ...
အရာရာသော ဖြစ်တည်မှုတိုင်းရဲ့ ကန့်သတ်ချက်အလွန် မှာ ရှိတဲ့ ဒီမြို့ကြီး ဟာ အရမ်းကို လှပစွာ အနက်ရောင်တောက်ပနေခဲ့တယ် ။
အနက်ရောင် အိမ်ကြီးတွေဟာ ထည်ဝါလှပစွာ တည်ရှိတယ် ၊ အိမ်တိုင်းရဲ့ပြတင်းပေါက်လေးတွေဟာ အိမ်ထဲက လှပတဲ့ မီးအိမ်တွေနဲ့ ခမ်းနားတဲ့ မီးဆိုင်းတွေရဲ့အလင်းရောင်ကြောင့် အဝါရောင်ဖျော့ဖျော့လေးတွေကို ပိတ်ထားတဲ့ ပြတင်းပေါက်ရဲ့ ကန့်လန့်ကာတွေ ကြားကနေ မြင်နေရတယ် ။
မိုးရွာ နေတဲ့ ညတစ်ညရဲ့ လမ်းမတွေ ဟာသာမန်ထက် လူရှင်းတယ် ၊ မြင်းရထားလုံး တစ်စီးတစ်လေ ဖြတ်မောင်းသွားတဲ့ အသံကလွဲရင် လမ်းပေါ်မှာ လူသွားလူလာ ရော စကားပြောသံရော မရှိသလောက်နီးနီး တိတ်ဆိတ်တယ် ။
မိုးဟာ သည်း သထက် သည်းလာတယ် ၊ ခဏကြာတဲ့ အခါ
နှင်းဆီနက် စံအိမ်ကြီးထဲကနေ အသက် သုံးဆယ်အရွယ် ပရော်ဖက်ဆာတစ်ယောက် ထွက်လာတယ် ။
ညကောင်းကင် ရဲ့လေထုဟာ အဆက်မပြတ်ရွာနေတဲ့ မိုးရေ ကြောင့် စိုထိုင်းထိုင်းဖြစ်နေတယ် ။ဖြူဖျော့ဖျော့ နှာတံချွန်ချွန်နဲ့ ပရော်ဖက်ဆာရဲ့ မျက်နှာထားဟာ စိတ်ဖိစီးမှု ၊အလိုမကျမှုတို့ကြောင့်တင်းမာနေတယ်။
ပရော်ဖက်ဆာ ဟာ ပြေပြစ်တဲ့ နှုတ်ခမ်းပါး တွေရှိတဲ့ အရပ်ရှည်ရှည် နဲ့လူတစ်ယောက်ဖြစ်တယ်။ ပြီးတော့ လင်းလက်နေတဲ့ မျက်ဝန်းတွေဟာ အဝေးက လျှပ်စီးလက်တဲ့ အလင်းရောင်ကြောင့် တောက်ပနေခဲ့တယ် ။
ပရော်ဖက်ဆာဟာ မီးခိုးရောင်မကျ အညိုရောင်မကျ ခပ်ဖျော့ဖျော့ ဆံပင်ရှည်အခွေတွေကို အနောက်မှာ စုချည် ထားတယ် ။ သက်လတ်ပိုင်းအရွယ် သူ့ရဲ့ ရုပ်ရည်ဟာ တည်ငြိမ်ပြီး ထက်မြက်တဲ့ ပညာရှင်တစ်ယောက်ရဲ့ ဥပဓိရုပ်ပေါ်တယ် ။
YOU ARE READING
Black Paradise
Teen Fictionဘာသာပြန်ဝတ္ထုမဟုတ်ပါ Novelist : Crystal Miyo Type : Own creation work Genre : Classic , Retro Liscence : [CC ] Non-Com, No derivs
