မနက်ခင်းနေရောင် ကျနေတဲ့ ကြွေသား ကြမ်းပြင်ပေါ်မှာ ပြောင်လက်နေတဲ့ ဖိနပ်တစ်စုံလာရပ်တဲ့အခါမှာ ဆံပင်ညိုညိုပွပွ နဲ့ ခပ်ဝဝ အိမ်အကူမိန်းကလေး ဟာ လုပ်လက်စ အလုပ်ကို ရပ်ပြီး ပြေးထွက်လာပြီး အိမ်တော်ထိန်းကြီးနောက်ကို ပြေးလိုက်သွားတယ်။
အိမ်တော်ထိန်းကြီးဟာ အဆိုပါ အိမ်အကူမိန်းကလေးကို အိမ်မှု ကိစ္စတွေနဲ့ ပစ္စည်းတွေထိန်းသိမ်းဖို့ တစ်နေ့ကို နည်းနည်းချင်းစီ သင်ကြားပြသပေးတယ် ၊
အသစ်ရောက်လာတဲ့ မိန်းကလေးဟာ Felton မိသားစုရဲ့ စံအိမ်ကို ငါးရက်အတွင်း မှာ အစုံအလင် လေ့လာဖို့ ဆိုတာ နည်းနည်းတော့ခက်ခဲတယ် ။
အခု လေ့လာလို့ သိရသလောက်ကတော့
အိမ်ရှင် John Felton ဟာ အမြဲအလုပ်ကိစ္စနဲ့ ခရီး သွားနေတတ်တယ် ၊
အိမ်ကြီးရှင် သခင်မ Julia Felton ဟာ သဘောကောင်းသလောက် အင်မတန် ဇီဇာကြောင်ပြီး အကြွားသန်တယ် ၊ ပြီးတော့ ထူးဆန်းတဲ့ ပါဝင်ပစ္စည်းတွေပေါင်းစပ်ထားတဲ့ နိုင်ငံရပ်ခြားက တင်ပို့တဲ့ လက်ဖက်ခြောက်တွေကို မြည်းစမ်းရတာ ဝါသနာပါတယ် ။ သူတို့လင်မယားမှာ တစ်ဦးတည်းသော သားလေးရှိတယ်.. ။
Julia ဟာ သူ့သားရဲ့ လက်မှု ပစ္စည်းလေးတွေကို စင်လေးလုပ်ပြီး တယုတယ သပ်သပ်ရပ်ရပ်တင်ထားတယ် ၊
အိမ်အကူကောင်မလေးတွေဟာ အဲ့လက်ရာလေးတွေကို မကျိုးမပဲ့ အောင် ဂရုတစိုက်နဲ့ မနက်တိုင်းဖုန်သုတ်ပေးရတယ် ။
Julia ရဲ့ သားလေး ဟာ အသက် ၁၀နှစ်ရှိခဲ့ပြီ ...
Hallucius လို့ခေါ်တဲ့ ချစ်စရာကောင်းတဲ့ ကလေးလေး ဟာ သူ့အမေ Julia ကိုမွေးနေ့တိုင်း အမြီးသံပတ်လှည့်လို့ရတဲ့ သစ်သားမြင်းရုပ်လေးကို ကိုယ်တိုင်လုပ်ပြီး လက်ဆောင်ပေးတယ် ..၊
ကလေးတစ်ယောက်အတွက် ဒီလို အသိမျိုးဟာ ပါရမီရှင်ဆန်လွန်းတယ် လို့ အိမ်အကူကောင်မလေးကထင်မိတယ် ။
ပြီးတော့ ငါးရက်အတွင်းသတိထားမိတာက အဲ့ ကလေးလေး ဟာ ဂီတလည်းပါရမီပါပြီး စကားပြောရင်လည်း အရမ်းချစ်စရာကောင်းတယ်လို့ခံစားရတယ်၊ လေသံလေးနည်းနည်းဝဲနေတာကလွဲရင်ပေါ့ ။
"ကျွန်တော့်ကို ဖဲပြားစည်းပေးမလား "
Hallucius လေးဟာ ဖဲလည်စည်း နက်ပြာရောင်လေးကို ကိုင်ထားပြီးမှန်ရှေ့မှာရပ်နေတယ် ။ အခြားအိမ်အကူကောင်မလေးနှစ်ယောက်ဟာ သူတို့ရဲ့ ခါးတစ်ဝက်လောက်ရှိတဲ့ ကလေးလေး ဘေး ဒူးထောက်ထိုင်ချလိုက်ကြပြီး ပွဲတက်ဝတ်စုံပြည့်ဝတ်ထားတဲ့ ကလေးလေး ကို အင်္ကျီလည်ပင်းမှာ bowtie လှလှ ချည်ဖို့ အာရုံစိုက်ထားကြတယ် ။
BINABASA MO ANG
Black Paradise
Teen Fictionဘာသာပြန်ဝတ္ထုမဟုတ်ပါ Novelist : Crystal Miyo Type : Own creation work Genre : Classic , Retro Liscence : [CC ] Non-Com, No derivs
