ပါမောက္ခ Daniel ဟာ အလုပ်ကနေထွက်လိုက်ပြီ၊
သား အကြီးဆုံးဟာ ရေကြောင်းဌာနမှာ အလုပ်သင်စာမေးပွဲဖြေနေရပြီ ။
အချိန်တွေ ကုန်သွားတာ သိပ်မြန်တယ် ၊
သားအငယ်ဆုံးကတော့ ဆယ်ကျော်သက်အရွယ် ၊
အဲ့ကလေးလေးဟာ သူ့အချစ်ဆုံးသား၊ ချစ်စရာ ၁၆နှစ်အရွယ် ကောင်လေး ။
အဲ့ ကလေး လေးနာမည်က Thomas ၊
အသားဖြူဖြူ ပိန်ပိန်လေးနဲ စာအုပ်တွေ ဖတ်ရတာ ကြိုက်တယ်၊သူ့အိပ်ခန်းပြတင်းပေါက်ဘောင်ပေါ်မှာ နှင်းဆီဖြူလေးတွေ အိုးနဲ့စိုက်ထားတယ် ။
"အဖေ .... အဖေ "
Daniel ဧည့်ခန်းမှာ စာဖတ်နေတဲ့ အချိန် Thomas က စာဖတ်ခန်းထဲကနေ ပြေးထွက်လာတယ် ။
"ဖေဖေ ဒီမှတ်စုစာအုပ် ကသိပ်မိုက်တာပဲ ၊
ဒါကိုဘယ်သူရေးတာလဲဟင် ....နာမည်ထိုးထားတာ A.L . Hallucius တဲ့ ၊
သူက အဖေ့သူငယ်ချင်း ဆို ?သားကို သူ့အကြောင်းပြောပြပါလား "
Hallucius ဆိုတဲ့ အရူးကောင်က
Black Paradise မြို့တောင်ပိုင်းကို Daniel ကိုပြောင်းရွှေ့လာစေတဲ့ အကြောင်းရင်းဖြစ်တယ် ။
"သား သူ့လို တော်ချင်တယ်..
သူရေးတဲ့ နိယာမတွေ ဖတ်ရင်း သားသူ့ကို သိပ်လေးစားတာပဲ "
မီးခိုးရောင်မျက်ဝန်းလေးတွေ ကို ကွေးတက် သွားတဲ့ အထိ ပြုံးရင်းပြောနေတဲ့ Thomas လေး ကို Daniel ကြည့်ရင်း သက်ပြင်းချလိုက်တယ်။
"ဟုတ်ပြီ .... အဲ့မှတ်စုစာအုပ်ကို ပြန်သိမ်းထားလိုက် ၊သား သိချင်တာအဖေ့ကိုမေး ၊ အဲ့လူ ရေးတာကို သားဖတ်စရာမလိုဘူး "
သိလား ? ခံစားဖူးလား??
ကိုယ့်သားသမီးဟာ ကိုယ့်ထက် ပိုပြီး တခြား သူစိမ်းတစ်ယောက်ကို အထင်ကြီးတဲ့ ခံစားချက်က မုန်းစရာကောင်းလောက်အောင်ခံရခက်တယ် ဆိုတာ ...။
"ဒါပေမယ့် သားက သူ့လိုပဲ ၊သူ့လို တော်တဲ့ သိပ္ပံပညာရှင်ဖြစ်ချင်တာ "
Thomas ဟာ အလိုက်မသိစွာ ဆက်ပြောတယ် ၊
Daniel ကရယ်တယ် ၊တကယ်ကတော့ ဟုတ်တယ် ၊Hallucius ကသူ့ထက်အများကြီး ပိုတော်တာတော့အမှန်ပဲ ။
ဒါကို သူဝန်မခံချင်လည်း လက်ခံရမယ် ။
"ဟုတ်ပြီ သား ၊ သားတော်တဲ့ပညာရှင် ဖြစ်လို့ရတယ်..
ဒါပေမယ့် သားသူ့လိုလူမျိုးတော့ မဖြစ်ရဘူး ၊ ဖေဖေ မဖြစ်စေချင်ဘူး ...ကြားလား "
BINABASA MO ANG
Black Paradise
Teen Fictionဘာသာပြန်ဝတ္ထုမဟုတ်ပါ Novelist : Crystal Miyo Type : Own creation work Genre : Classic , Retro Liscence : [CC ] Non-Com, No derivs
