Black Paradise

Chapter 4 Efflorescence

(Unicode )

Hallucius ရဲ့ အိမ်ဟာ ခရစ်ယာန်ဘုရားရှိခိုးကျောင်းက မြေအောက်ခန်းထက် ပိုနွေးထွေးတယ် ၊ အခြား တိုက်ရဲ့ ဘေးဘက်နံရံကို ပြတင်းပေါက်ကနေ ခပ်ရေးရေးမြင်ရတယ် ။အိမ်လို့ မပြောဘဲ အဆောက်အအုံ ဟောင်းတစ်ခုလို့ပြောရင် ပိုမှန်မယ် ။

ဘာဖြစ်ဖြစ် Hallucius ရဲ့ အိမ်ကို ဘုရားကျောင်းကအလုပ်သမားလေး Nary က လာပြီး သန့်ရှင်းရေးလုပ်ပေးထားလို့ သေသပ်ပြီး နေချင်စရာကောင်းတယ် ၊ပြောရရင် အိမ်ဟောင်းလို့ကို မထင်ရတာ။

"ဒါ ကိုယ့် အခန်းလေ ၊ ကိုယ်က အပေါ်ထပ်မှာနေတာ ဆိုတော့ သမီးက အောက်ထပ်ခန်းကို ယူလိုက်ပေါ့ ..အဆင်ပြေတယ်မလား? "

"ဟုတ်ဆရာ အဆင်ပြေပါတယ် "

Ellena က အခန်းထောင့်က မီးလင်းဖိုကို လှမ်းကြည့်ရင်း ဖြေတယ်၊ထင်းတွေဟာ တောက်ပစွာလောင်ကျွမ်းနေတယ် ။

"လက်ဖက်ရည်သောက်ချင်လား ? "

"အာ....ဘာဖြစ်ဖြစ်ရတယ် ...ကျေးဇူးပါ "

"ကော်ဖီ ? "

Ellena ဒီတစ်ခါတော့ မျက်ခုံပင့်ပြတယ် ၊ ပြီးတော့ကျေနပ်စွာ ပြုံးတယ် ။

"အာ..ဟုတ်ပြီ ခဏထိုင်ပြီးစောင့်နေနော်၊ ကိုယ်သွားလုပ်လိုက်မယ် "

ညဘက် ရောက်တော့ Ellena မအိပ်နိုင်သေးဘဲ မိုးတွေ ရွာနေတဲ့ ပြတင်းပေါက် အပြင်ဘက်ကို ကြည့်နေတယ် ၊
စိုထိုင်းထိုင်းနဲ့ အနည်းငယ် ဆွေးနေတဲ့ Cottage ဂွမ်းစောင်ထူထူ အနံ့ ကို သူအခု ကျင့်သားရသွားပြီ ။

မနက်ဆို ဘုရားကျောင်းကို တခြားလူတွေ မလာခင် Ellena နဲ့ Hallucius သွားလေ့ကျင့်ကြတယ် ၊ Hallucius ဟာ သဘောကောင်းတဲ့ လူတစ်ယောက်ဖြစ်ရင်ဖြစ်မယ် ...ဒါပေမယ့် သဘောကောင်းတဲ့ ဆရာတစ်ယောက်တော့ မဟုတ်ဘူး ။ သူက အနိုင်ရဖို့ကို အာရုံထားတယ် ။

တကယ်တော့ Hallucius လည်း Black Paradise ကို လွန်ခဲ့တဲ့ ရက်အနည်းငယ်ကမှရောက်တယ်လို့ သိရတယ်၊ သူက နယ်လှည့် တယောပညာရှင်တစ်ယောက် လို့ Nary က ပြောပြတယ်၊ ဘုရားကျောင်း ကတီးဝိုင်း ကို ကြီးကြပ်ပေးဖို့ လုပ်အားပေးအနေနဲ့ လာတယ် ပြောတာပဲ ၊ Nary ထင်တာကတော့ Hallucius က ဇာစ်မြစ်မသိရဘဲ လေလွင့်နေတယ် ၊ဒါပေမယ့် Ellena အမြင်မှာတော့ Hallucius ရဲ့ ပုံစံဟာ သပ်ရပ်ပြီး ခမ်းနားတယ် ။