[ Ellena သေဆုံးပြီးရက်အနည်းငယ်အကြာ . Vendas စံအိမ်မီးလောင်မှု လူသေမှု နဲ့ အခင်း ဖြစ်ပွားပြီးနောက် Professor Hallucius ရထားဖြင့် London မှ ထွက်ခွာ သွားပြီးချိန် ]
Professor Hallucius ဟာ ယိုင်နဲ့ နေတဲ့ ခြေလှမ်းတွေနဲ့ တဖြည်းဖြည်း လျှောက်လာတယ် ၊
လက်ထဲ မှာ ဓားတစ်လက် ပါလာတယ် ။
ညသန်းခေါင်ယံ အချိန်မှာ လကို တိမ်မည်းတွေ ကွယ်သွားတယ် ၊ခပ်ဝေးဝေး တစ်နေရာကနေ ခွေးတချို့ ဆွဲဆွဲငင်ငင် အူသံကို ကြားရတယ်။
Hallucius က တြိဂံပုံ ဖန်တီးထားတဲ့ သံမဏိအပိုင်းအစလေးတွေ ကို ခြောက်ထောင့်ကြယ်ပုံစံရအောင်စီလိုက်တယ်၊အင်အားအတန်အသင့်ရှိပြီး ပြင်းအား ညီမျှတဲ့ သံလိုက်စက်ကွင်းကြောင့်အနား က သတ္တုပြား အချို့စတင်လှုပ်ခတ်လာတယ် ။
အလယ်တည့်တည့်က ဖယောင်းတိုင်ဟာ သံလိုက်စက်ကွင်း ဗဟိုချက်မှာ တောင်ပစွာ လောင်ကျွမ်းနေတယ် ၊သေမင်းတမန်ကို ဆင့်ခေါ်တဲ့ ritual ပြီးမြောက်ပြီ၊အမူးမပြေသေးတဲ့ Hallucius ဟာ ဒယိမ်းဒယိုင်နဲ့ ထရပ်လိုက်တယ် ။
"သေမင်းတဲ့ ... ထွက်လာခဲ့စမ်း ...ထွက်လာခဲ့ စမ်းပါ "
အရူးလိုအော်နေတယ် ၊ကြယ်ပုံစံစီးထားတဲ့ သတ္တုပြားလေးတွေ ဟာ တွန်းကန်အား ဆွဲငင်အားတွေက အဆက်မပြတ်ခုန်နေတုန်းပဲ ။
"သောက်ခွေးသူတောင်းစား "
Hallucius ဟာ ရိုင်းပြစွာ ဆဲဆိုရင်းမြေကြီးပေါ်ကို တံတွေးထွေးလိုက်တယ် ၊သူ့မှာ ပညာရှင်တစ်ယောက်ရဲ့ သိက္ခာနဲ့ ဥပဓိရုပ် ပျောက်ဆုံးနေပြီး အရမ်းစိတ်တိုနေတဲ့ လူရမ်းကားတစ်ယောက်နဲ့ တူတယ်။
"သောက်ခွေးသူတောင်းစား ထွက်ခဲ့ စမ်း .... ငါ့ ချစ်သူကိုပြန်ပေး "
Hallucius အော်ရင်းရယ်တယ် ၊စိတ်သိပ်မမှန်တော့သလိုပဲ။
" သတ္တိနည်းတဲ့ သေမင်း ... မင်းအလှည့်ကျ အသေဆိုးနဲ့ သေရမယ့် ... အသုံးမကျတဲ့ အမှိုက်သရိုက် ဖြစ်တဲ့ မင်းက ... "
Hallucius ရဲ့ ဆဲဆို နေတဲ့ စကားမဆုံးခင် မှာ
ခပ်ပြင်းပြင်း ကန်ချက်တစ်ချက်ဟာ Hallucius ရဲ့ ရင်ဘတ်ကို တည့်တည့်လာမှန်တယ် ၊
သံလိုက်စက်ကွင်းဟာ ရုတ်တရက် ငြိမ်ကျသွားတယ်။
YOU ARE READING
Black Paradise
Teen Fictionဘာသာပြန်ဝတ္ထုမဟုတ်ပါ Novelist : Crystal Miyo Type : Own creation work Genre : Classic , Retro Liscence : [CC ] Non-Com, No derivs
