Black Paradise

Chapter 3 Chandelier

(Unicode)

ဂလိုရီယာ စံအိမ်ကြီးရဲ့ အရှင်သခင်က သူဌေးမကြီး Veronica ဖြစ်တယ် ၊
Veronica ရဲ့ ခင်ပွန်းဟာ ရေကြောင်း နဲ့ ကုန်သွယ်ရေးကို လုပ်ငန်းတွေ ကို ပိုင်ဆိုင်သူ ဖြစ်ပြီး Black Paradise မြို့က အချမ်းသာဆုံး စာရင်းဝင် ။

Veronica ဟာ ခင်ပွန်းဖြစ်သူ ကွယ်လွန်ပြီးနောက် တစ်သက်တာ သုံးမကုန်တဲ့ စည်းစိမ်တွေ နဲ့ ကျန်ရစ်ခဲ့တယ် ။ သူမဟာ နှင်းဆီနက် စံအိမ်ဟောင်း ကို သိပ်သဘောကျတာ ၊ဒါပေမယ့် အဲ အိမ်ဟောင်းကြီး ကို မြေပိုင်ရှင်က လေလံတင် တော့ ခပ်ကြောင်ကြောင် ပရော်ဖက်ဆာတစ်ယောက်က သူ့ထက်ဦးအောင်ဝယ်သွားတယ် ။

ပရော်ဖက်ဆာ သေသွားတော့ စံအိမ်ကို သူအပိုင်သိမ်းဝယ် ၊ အပြင်ပိုင်း အချို့ အနည်းငယ် ပြုပြင်မွမ်းမံပြီး သူ့ သမီး အငယ် Ellena နာမည်နဲ့ ပိုင်ဆိုင်မှု ထားထားတယ် ၊သူပြောတာတော့ ဒီအိမ်က Ellena တကယ်ပိုင်တာတဲ့ ၊ဘယ်သူမှ မနေဘဲ ပိတ်ထားတယ် ။

မြို့ကလူငယ်လေးတွေ ကတော့ Veronica ကို စိတ်မဝင်စားကြပါဘူး၊ သူတို့ စိတ်ဝင်စားတာက တော့ Veronica ရဲ့ သမီး နှစ်ယောက် ဖြစ်တဲ့ ၁၇နှစ်အရွယ် သမီးကြီး Julia နဲ့ ၁၅နှစ်အရွယ် သမီးငယ် Ellena ဖြစ်တယ်။

သမီးကြီး Julia က ဂုဏ်ပကာသနမက်တယ်၊ထက်မြက်တယ်၊ လှပတယ်၊ သဘောကောင်းတယ်။ ပြီးတော့ အတွေးအခေါ်က စီးပွားဆန်တယ် ၊သူ့အဖေ ချန်ခဲ့တဲ့ လုပ်ငန်းတွေ ကို စီမံခန့်ခွဲဖို့ ငယ်ငယ်လေးတည်းက တက်ကြွ သူဖြစ်တယ် ။

သမီးငယ် Ellena ကတော့ ချစ်စရာကောင်းတယ် ၊စာဖတ်ရတာနဲ့ တယောထိုးရတာ ကြိုက်တယ် .အတွေးအခေါ်က ရိုးရှင်းတယ်၊ သူ့ အစ်မ Julia ကတော့ သူ့ကို တယောထိုးဖို့ထက် အက ပညာနဲ့ လက်မှု ပညာကို ပိုသင်စေချင်တယ်။ ဘာဖြစ်လို့လဲ ဆိုတော့ သူ့ညီမကို ဖျော်ဖြေရေး အနုပညာသမား အနေနဲ့ မမြင်ချင်ဘဲ အထက်တန်းလွှာ က မင်း သမီးလေးအနေနဲ့ ပိုမြင်ချင်လို့ဖြစ်တယ်။

"ဒါက မုရောစပါးရဲ့အနှစ် နဲ့ လုပ်ထားတာ ? "

Veronica က ခွက်ထဲက လက်ဖက်ရည်ကိုသေချာ အနံ့ခံကြည့်ရင်း သူ့ရဲ့ အိမ်တော်ထိန်းကို မေးတယ်၊ရွှေရောင်ဘောင်ကွပ်ထားတဲ့ ကြွေခွက်ထဲက လက်ဖက်ရည်ဟာ အနံ့ရောအရသာပါ ပြီးပြည့်စုံလွန်းတယ် ။