Black Paradise ...။
ထူးဆန်းပြီး အေးစက်နေတဲ့ မြို့ကြီး ဟာ
အနက်ရောင်တောက်ပ ပြီး ခမ်းနား ထည်ဝါတယ်။
ချမ်းသာကြွယ်ဝတဲ့ မိသားစုတွေ ရဲ့ နေရာဖြစ်သလို ၊အနံ့အရသာနဲ့ ပြည့်စုံတဲ့ ဝိုင်တွေ ကို ဆိုင်တိုင်းမှာ ဝယ် လို့ ရတယ် ။
အထက်တန်းစား ပိုးထည်စတွေ နဲ့ ချုပ်ထားတဲ့ ဂါဝန်တွေ ၊အေးချမ်းပြီး တောက်ပနေတဲ့ အနာဂတ်မှာ အထီး ကျန်ခြင်းဆိုတာကို မြို့သားတွေ ဟာ ယဉ်ပါးနေကြတယ် ။
Black paradise ဟာ တခြား မြို့တွေ ထက် ပိုတိတ်ဆိတ်တယ် ၊အေးချမ်းတယ် ၊
အထီးကျန်ခြင်းကို အေးချမ်းခြင်းလို့ မြို့အုပ် ကိုယ်တိုင်က ယူဆတယ် ။
သူတို့ရဲ့ အနက်ရောင် မှော်ကမ္ဘာ လေး ထဲ မှာ သူတို့ နေ့စဉ် ဘဝတွေ လည်ပတ်နေကြတယ် ။
အနက်ရောင် မြို့တော်ကြီး ဟာ
တနေ့ မှာ White Paradise ဖြစ်သွားတယ် ၊
နှင်းတွေ ကြောင့်ပေါ့ ။
ဒါဟာ မြို့တော်ကြီး ကိုထူးခြားပြီး လှပစေတယ် ။
"ချောကလက်ဘောလုံးတွေ ....ချောကလက်ဘောလုံးတွေ ....ထင်းရှူးခဲတွေ ......
ဆောင်းရာသီ လျှော့ဈေးပါ "
လူတစ်ယောက်ဟာ ခေါင်းလောင်းကို တီးရင်း ဆိုင်ရှေ့မှာ အော်နေတယ် ၊ဆိုင်ထဲက တံခါး မဖွင့်သေးပေမယ့် ဆိုင် ရှေ့က လူအုပ်ကြီး ဟာ တန်းစီနေပြီ ။
"စပါပြီ !!! ဈေးရောင်းပွဲတော်ပါ ခင်ဗျား "
ကလေး တွေ လူကြီးတွေ အကုန် ပြေးလွှားနေကြတယ် ၊အရမ်းပျော်နေကြတယ် ။
ဈေးရောင်းပွဲတွေ နေရာအနံှ့ လုပ်တယ် ၊တစ်မြို့လုံး ယောက်ယက်ခတ်နေတာပဲ ။
ဒါဟာ လူ့ဂွစာတစ်ယောက်အတွက်တော့ စိတ်ရှုပ်စရာဖြစ်တယ် ။
"သိပ်စိတ်ရှုပ်စရာကောင်းတဲ့ ရာသီပဲ "
ပရော်ဖက်ဆာ Hallucius က တိုးတိုးလေး ပြောတယ် ၊Ellena အသက် ၄နှစ်ကျော်အချိန်ဖြစ်ခဲ့တယ် ။
ကလေးတွေ ဟာ နှင်းဖုံးနေတဲ့လမ်းမပေါ်မှာ အထိန်းအကွပ်မရှိ ဆော့ကစားကြတယ် ၊
တချို့ကလေးတွေ နှင်းပေါ်လှဲအိပ်တယ် ၊တချို့ကလေးတွေ တစ်ယောက်ကို တစ်ယာက် နှင်း လုံးတွေ နဲ့ ကောက်ပေါက်ကြတယ် ။
ESTÁS LEYENDO
Black Paradise
Novela Juvenilဘာသာပြန်ဝတ္ထုမဟုတ်ပါ Novelist : Crystal Miyo Type : Own creation work Genre : Classic , Retro Liscence : [CC ] Non-Com, No derivs
