When They Believe The Lie (Completed)

Chapter 16 - #Flavor

"San ka galing kagabi?" tanong ni Mama pagkagising ko.

Kinusot ko ang mata ko dahil kakagising ko lang. Nagtimpla ako ng kape para magising ang utak ko.

"Sumama ako kay Kirt, Ma, pero umuwi kaagad ako..." sagot ko.

Tumango siya. Kilala niya naman si Kirt, e. Nagpunta na'yun dito noon nung halos itakwil ko na ang buhay ko.

"May part time ka ngayon?" tanong ni Mama.

"Oo, ma. Uuwi rin ako kaagad pagkatapos..." sagot ko at sumimsim sa kapeng tinimpla ko.

"Ang akala ko may lakad kayo ni Dreena?" tanong ni Mama.

Nanlaki ang mata ko nang mapatingin sa kaniya. Anong Dreena? Kumunot ang noo ko, "Ha?" tanong ko kay Mama.

"Ay! Ni Jett pala. Naalala ko lang si Dreena. Nabalitaan 'kong dumating na ang mga Guzman." sagot ni Mama habang nagpupunas ng gamit.

Ngumuso ako, "Hindi ko po alam na may lakad kami ni Jett, mabuti pa nga kayo alam niyo..." sagot ko at sumimsim ulit ng kape.

"Oo, sa convention daw?" sagot ni Mama.

Napatingin ako kay Mama,"Ma? Bakit alam mo?" nagtatakang tanong ko.

"Nililigawan kaya ako ni Jett," sagot ni Mama at ngumiti sakin.

Halos maibuga ko ang kapeng ininom ko sa isinagot niya. Ano daw!? Nililigawan siya ni Jett?

Tumawa si Mama ng malakas, "Syempre diba? Mama muna bago ang anak," panunukso ni Mama.

Mas namilog ang mata ko, "Mama naman! Hindi po ako gusto ni Jett," sagot ko at umiwas ng tingin.

"Hindi pa niya inaamin, yun lang naman ang naiisip ko. Alam mo namang suportado ako sayo, diba?" patanong na sabi ni Mama.

Nangalumbaba ako sa lamesa at tinignan ang pandesal, "Ayoko muna mag-boyfriend," sagot ko na nakanguso.

Natawa si Mama, "Sana yan yung inisip mo nung bata ka pa nung nagka-boyfriend ka. Ngayon, dalaga kana sa mga susunod na buwan," sabi ni Mama.

Napanguso ulit ako at tumingin kay Mama. Ang cool lang pala talaga ng Mama ko. Isipin niyo yun? Hindi siya galit. Naisip ko tuloy ang Mommy ni Kram. Hindi niya ako tanggap. Sobrang strikto.

Siguro ay si Dreena lang talaga ang gusto niya para sa anak niya? Ano nga ba ang wala kay Dreena? Nasa kaniya na ang yaman, talino, ganda...si Kram.

Napailing ako at kumuha nalang ng pandesal at kinagat yun para kunin ko naman ang kape ko.

Pumasok ko sa kwarto at binuksan ang laptop ko. Chineck ko ang cellphone ko at may text doon si Jett.

Jett: Punta ako diyan. Dala ko laptop ko.

Umirap ako. Wala naman kaming wifi pero dito siya tumatambay kapag magsusulat siya.

Ako: Bahala ka sa bubay mo. Wala kaming pagkain dito. Gugutumin ka.

Jett: Edi magdadala ng pagkain. Ano ba gusto mo?

Napaawang ang bibig ko. Omy? Di nga? Magdadala ba talaga siya ng pagkain? Tinatanong ba talaga niya ako kung anong gusto kong kainin?

Ako: Weeeeh di nga?

Napailing nalang ako. Ginutom tuloy ako. Asa namang magdadala yun ng matinong pagkain. Nagreply naman siya kaagad.

Jett: Bahala ka. Ngayon na nga lang manlilibre.

Nako! Napikon siguro. Asa naman kasing mangdadala siya ng pagkain dito diba? Habang nagsusulat ako ng story ay bigla akong tinawag ni Khrisa.