The Virgin Mary [Edelbario Series#1]

KABANATA 23

WARNING SPG:

Kinaumagahan ay hindi ko magawang bumangon. Sobrang bigat ng dibdib ko sabayan mo pa sa katawan kong sobrang pagod na pagod sa trabaho. Naiisip ko lang, mas mahirap ang magtrabaho sa gabi kaysa umaga. Pero ito yung trabaho ko at kailangan ko nalang mag sipag at tiisin ito.

May naiipon narin ako at naisip ko naring umuwi sa lanao. Gusto ko lang bisitahin si Nanay at Tatay. Miss na miss ko na sila at kailangan ko ring ipaayos ang puntod nilang dalawa. Sana lang ay pumayag si Clifford.

Tumagilid ako sa kama. Gising narin ang iba at tila busy sa kanilang ginagawa. Napadpad ang tingin ko kay Erika na bagong ligo. Si Grace at Ivony na naglilinis ng kanila paa at kamay. Dahan-dahan akong bumangon kaya napalingon sila sakin.

"Goodmorning," Bati sakin ni Ivony tska ko sila nginitian. Hinahanap ng mata ko si Jessica.

"Si Jessica bang hinahanap mo? Maagang sinundo ng boyfriend niya." Baling sakin ni Grace. Dahan-dahan akong tumayo sa kama tsaka niligpit ang kumot.

"Hindi kayo aalis ngayon?" Tanong ko sa kanila na ikinakunot ng kanilang noo.

"Bakit aalis ka?" Tanong sakin ni Ivony. Tumango ako bilang sagot. "Saan ka pupunta? Gusto mong samahan ka namin?"

"Okay lang, baka may gagawin pa kayo. Bibili lang ako ng bagong cellphone yung mumurahin lang." Naningkit ang kanilang mata sa sinabi ko.

"Bibili ka? Bakit nasan na ba iyong phone mo?." Nagtatakang tanong ni Grace. Napalingon sakin si Erika na walang ekspresyon ang mukha.

"Nahulog sa sahig!" Iwas tingin kong sagot tsaka inayos ang sarili. Kumuha narin ako ng damit para sa pagligo ko.

"Sasamahan kita. May bibilhin rin kasi ako." Tumayo si Ivony tsaka dali-daling isinuot ang tsinelas nito. "Ikaw? Grace gusto mong sumama?" Umiling si Grace bilang sagot.

"Kayo nalang, sobrang sakit talaga ng likod ko eh. Kailangan kong magpahinga." Simangot nito tska tumango si Ivony.

"Maliligo muna ako saglit." Baling ko kay ivony tska sya tumango ulit.

Dali-dali akong pumasok sa banyo. Hanggang sa pagligo ko ay naiisip ko parin si Matteo. Sobrang nasaktan ako sa sinabi niya sakin kagabi. Hindi ko alam kong bakit nasabi nya iyon. Alam kong galit sya pero hindi ko naman sinasadya ang nangyari. Kailangan ko lang talaga sumama kay Rocky. Hindi ko alam pero nasasaktan ako. Sumisikip ang dibdib ko pag iniisip lang iyon. Bakit ko nga ba naiisip ito?Ewan at hindi ko rin alam kong bakit.

Pagkatapos kong maligo ay bumungad sakin si Ivony na nakabihis narin. Dali-dali rin akong nagbihis dahil ayaw ko talagang may pinaghihintay. Napagpasyahan naming sumakay ni Ivony ng taxi para mas madali kaming umabot sa Robinson. Bitbit ko parin ang luma kong cellphone kahit wasak na ito. Masasaktan lang ako pag itatapon ito. Mas mabuti ng itago ito dahil ito ang kauna-unahang phone ko. Hanggang ngayon kasi eh nandidito parin ang mga text namin ni Rocky. Napapikit ako pag naalala iyon. Kahit medyo may pagka jejemon ang mga lumang message namin noon  ay napapangiti ako.

Pagdating namin sa mall ay dumiretso kami sa Jollibee. Nagugutom si Ivony at iyon ay hindi dapat pagutomin. Dahil may nakatirang dambohala sa tyan niya na dapat hindi pinapalisan.

"Anong phone ang gusto mong bilhin?" Tanong sakin ni Ivony habang ngumunguya ng humburger.

"Hahanap pa ako. Pero mas gusto ko kasi yung keypad lang. Hindi ako sanay sa touch screen eh." Sagot ko kaya bahagya syang natawa.

"Sa ganda mong yan? Keypad ang phone mo? Hello Maey, iba na ngayon may mumurahin namang touch screen dyan. Tutulongan kitang maghanap." Taas kilay niya tsaka ako nagkibit ng balikat.