The Virgin Mary [Edelbario Series#1]

KABANATA 39

Nagkulong ako sa banyo ng isang oras. Siguro ay hinahanap na ako ng mga kaibigan ko sa labas. Nasa cubicle ako ng isang banyo habang nakaupo sa bowl. Nanghihina ang katawan ko sa sakit na nararamdaman ko ngayon. Ano iyong pinapakita niya sakin? plano lang ba iyon? Yung mga "I LOVE YOU" niya sakin? Kasinungalingan lang ba din iyon? Bakit kay dali nilang magluko ng nararamdaman ng ibang tao.

Napapikit ako sa sakit na nararamdaman ko ngayon. Kanina pa sya tawag ng tawag sakin kaya hindi ko magawang sagotin. Tumutulo parin ang luha ko sa sakit. Kahit anong pigil ko nito ay pilit parin itong tumutulo ng kusa. Kailangan kong bumalik sa trabaho. Kailangan kong ayusin ang sarili ko. Minsan na akong nag kamali sa trabaho nong nakaraang araw kaya ayaw ko ng maulit pa iyon. Lumabas ako mula sa cubicle saka inayos ang sarili. Pinunasan ko ang munting luha saking mata. Nagbuntong hininga ako ng ilang ulit bago lumabas ng tuluyan. Naaninag ko ang mga kaibigan ko sa may counter kaya dumiretso na ako sa kanila.

Napalingon sila sakin na ningkit ang mga mata.

"Saan ka galing? Kanina pa kami pa linga-linga dito, pero wala ka naman." Simangot ni Ivony. Tumabi ako sa kanila na walang bahid na sakit. Kailangan kong mag panggap na okay sa harap nila.

"Nag banyo lang ako saglit." Sagot ko na hindi tumitingin sa kanila. Kita sa gilid ng mata ko kong pano tumitig ang tatlo. Ang kanilang mukha na may malaking question mark. Sinulyapan ko sila isa-isa kaya umiwas agad ito ng tingin.

Ilang segundo kaming nakatayo sa counter at naghihintay nalang sa saad ni Erika.

"Jessica sa number two please!" Lapag ni Erika sa limang vodka saka iyon nilagay ni Jessica sa kanyang tray. Suminyas sya samin bilang pag alis.

"Maey umiiyak ka ba?" Agad akong napalingon kay Grace sa tanong niya. Nakagat ko ang labi ko dahil mukhang nahalata niya.

"Wala napuwing lang ako." Iwas tingin kong sagot.

"Maey sa number 3 ito please!" Nilapag ni Erika ang tatlong whisky saka ko iyon nilagay sa tray. Sumulyap ako muli kay Grace at Ivony bago ko sila nginitian.

Hindi ko alam kong pano ako nakakapaglakad ng matuwid kong sobrang bigat ng damdamin ko. Ang usok at ingay ng musika ay mas lalong nagpapasakit ng aking ulo. Ang mata kong nangunguya dahil may luha ulit na gustong pumatak. Panay ang pilig ko saking ulo dahil ayaw na ayaw kong tumulo ang luhang ito. Kinagat ko ang labi ko para masaktan ako ng panandalian. Kahit anong gawin ko ay pumapasok parin sa isipan ko si Matteo at Venus. Ano kayang ginagawa nilang dalawa ngayon? Magkasama kaya sila sa iisang kwarto? Nag di'date kaya sila ngayon? Sobrang sakit habang iniisip ko iyon. Niluko lang pala ako ni Matteo, minahal ko sya. Kumalas ako dahil sa nararamdaman ko para sa kanya. Pero bakit?

Bumalik ang diwa ko ng makaabot ako sa mesa.

"Goodevening sir." Bati ko saka nilapag ang tatlong whisky sa mesa niya.

"Mary hija?" Inangat ko ang ulo ko dahil sa pamilyar na boses. Kumunot ang noo ko dahil pamilyar sakin ang mukha niya. Hindi ko lang maalala."Do you remember me?" Turo niya sa kanyang sarili.

Tinititigan ko sya ng ilang sandali habang nag-iisip. Agad nanlaki ang mata ko dahil sa naalala ko na sya.

"Sir Francisco?" Gulat kong saad kaya ngumiti sya ng bahagya.

"Akala ko pa naman eh, nakalimotan muna ako." Simangot niya. Natawa ako sa expression ng kanyang mukha.

"Naku sir pasensya na talaga. Sa dami-dami ko naman kasing nakikilalang costumer gabi-gabi eh hindi ko na talaga namumukhaan yong iba." salaysay ko na ikinatawa niya.