The Virgin Mary [Edelbario Series#1]

KABANATA 37

Isa-isa ng umuwi ang mga lasing. Unti-unti naring tumahimik ang bar at kanya-kanya narin kaming naglilinis sa mga gawain. Hindi ko alam kong anong ginagawa ni Matteo sa itaas, siguro ay natulog? Panay ang sulyap sakin ni Alyana na para bang hindi makapaniwala sa ginawa ni Matteo kanina. Hindi ko naman aakalain na gagawin iyon ni Matteo sa harap ng mga tao. Hindi ba sya nahihiya na isang waitress lang ang girlfriend niya? Gusto kong magtanong pero pinipigilan lang ako ng sarili ko. May bahid parin sakin ang pagkaka'ilang kong anong meron samin ngayon ni Matteo. Siguro ay kailangan ko ng masanay at tanggapin sa sarili ko na may karapatan akong magmahal na katulad ni Matteo.

Pinupunasan ko ang bawat mesa at si Ivony naman sa mga upoan.

"Maey totoo ba yong larawan na ipinakita ni Alyana?" Tanong niya na ikinahinto ko. Nakagat ko ang labi ko dahil hindi ko rin alam kong bakit pinakita sakin iyon ni Alyana.

"Pinilit syang halikan ni Venus. Tinulak niya raw agad." Sagot ko saka lumapit sakin si Ivony.

"Mag tiwala ka kay sir Matteo, diba mahal mo sya? Edi iyan ang pang-hahawakan mo. Sa nakikita ko ay mahal ka din niya, isipin mo iyon niyakap ka niya sa harap ng maraming tao. May ibang mayaman nga dyan kinadidirian lang tayo." Salaysay niya kaya inangat ko ang aking ulo saka sya tinignan. Bawat bigkas ni Ivony ay nagpapahiwatig ng isang totoong kaibigan. Sobrang swerte ko sa kanya.

"Salamat Ivony huh? Ang bait-bait mo sakin. Kayo ng mga kaibigan ko." Sumimangot sya sa sinabi ko saka ako hinila para yakapin. Napapikit ako sa ginawa niya. Ang sakit ng aking dibdib ay dumadaloy saking isipan at naalala ulit si Nanay at Tatay.

"Nandito lang kami para sayo." Himas niya sa buhok ko. Niyakap ko rin pabalik si Ivony. Humiwalay kami sa yakap ng bumukas ang main door ng bar at bumumgad samin si Clifford at Robi. Dali-dali kaming bumalik sa trabaho bagkus ay napadpad ang tingin sakin ni Clifford. Ang kanyang mukha ay blanko ang expresyon nito. Umiwas ako ng tingin. Sigurado akong nalaman na niya ang nangyari kanin. Siguro ay papagalitan ako ni Clifford mamaya o kayay tatanggalin.

Mas lalo akong kinabahan ng lumapit sa kanila si Mam shelo. Hindi ko alam kong anong pinag-uusapan nila dahil panay ang sulyap sakin ni Clifford. Kong tatanggalin niya ako sa trabaho ay buong puso ko iyong tatang-gapin. Nagkamali ako kanina at iyon ay pinagsisihan ko ngayon.

Pagkatapos nilang mag-usap ay umakyat na sa itaas ang dalawa. Nakagat ko ang labi ko sa kahihiyan. Sigurado akong galit na galit na iyon si Clifford.

"Sige na okay na yan. Magpahinga na kayo." Palakpak ni Mam shelo saka namin binalik ang mga kagamitang panglinis sa wash room.

"Night out tayo ulit sa susunod na sabado." Bulong ni Grace.

"Sige mukhang gusto kong uminom. Umuuga na yata tong lalamunan ko." Sambit ni Ivony sa gilid ko. Mukhang interesado din si Erika at Jessica kaya hindi na ito sumambat pa.

Paakyat na sana kami ng hagdanan ng bigla akong tinawag  ni Mam shelo.

"Mary?" Kinabahan ako habang dahan-dahang lumingon kay mam Shelo.

"Mauna na kami sa itaas," Tumango ako sa saad ni Grace at kitang-kita sa mata nila ang pag-aalala.

Lumapit ako kay mam Shelo. Ang kabog ng aking dibdib ay nag papabingi saking tenga.

"Gusto kang makausap ni Sir Clifford." Taas kilay niya kaya humalukip-kip ako. Tama ako ng iniisip papagalitan at tatanggalin ako ni Clifford sa trabahong ito.

"Mam pasensya na po talaga sa nangyari kanina." Naningkit ang mata niya sa sinabi ko. Inayos niya ang kanyang damit saka ako tinaasan ulit ng kilay.