ZBS#10: Peach Firefly's Haunting Past (Book 1) -- COMPLETED

Chapter Thirty

Chapter Thirty

ILANG beses na siyang napabuntong-hininga habang nakatingin sa mga graphs na nasa screen nang kanyang laptop. Hanggang ngayon ay hindi pa rin nawawala ang pinag-usapan nila ni Clive ilang araw na noong huli silang nag-usap. Pagkalabas na pagkalabas niya sa building na pagmamay-ari nito ay basta nalang siyang napaupo sa sementadong daan dahil sa panginginig nang kanyang tuhod. Akala niya ay nawala na ang pakiramdam na iyon kapag nakikita niya ang lalaki pero hindi pa pala. Napabuntong-hininga uli siya at napatitig sa labas nang naturang restaurant. May isang maliit na flower shop doon at ilang beses nang may pumapasok at lumalabas sa naturang shop. Noong una ay binibilang pa niya pero kalaunan ay nawala na siya sa bilang dahil sa dami at dahil na rin sa pumapasok sa isip niya.

"Ate." Napatingin siya sa tumawag sa kanya. "Alam ko pong maganda po kayo at alam ko rin po na umorder na kayo nang pagkain namin pero hindi niyo naman po kinakain. Hindi po ba kayo nanghihinayang sa pera na gagastusin niyo kung sasayangin niyo rin lang naman ang pagkain niyo." Kusang tumaas ang kilay niya sa madaldal na dalagitang nasa harap niya. Sa tantiya niya ay nasa fourteen or fifteen pa lang ito, hindi rin niya matukoy. May suot itong apron na tatak nang Royale pero hindi naman nakauniform tulad nang mga waiters doon.

"Kakainin ko sila kaya huwag kang mag-aalala." Sagot lang niya.

"Paano niyo po magugustuhan ang pagkain kung malamig na kapag kinain niyo na po? Mas masarap ang pagkain namin dito basta bagong luto, pero masarap din naman kapag lumamig. Kaya lang baka hindi pumasa sa panlasa niyo at sabihin niyo sa mga kakilala niyo na hindi masarap ang pagkain."

"Hershey Estelle!" may isang kamukhang-kamuha nang kausap niya ang dumating, mas matanda ito keysa kay Hershey at nakasuot din nang apron. "Ano ka ba naman? Kapag nalaman ni mommy na nangungulit ka na naman nang mga costumers magagalit na naman iyon."

"Hindi naman ako nangungulit ate Kassidy nagtatanong lang ako at nagbibigay nang opinion sa maliliit na bagay-." Tinakpan nang kapatid nito ang bibig ni Hershey at saka humarap sa kanya.

"Naku miss pasensya na talaga sa kapatid ko makulit po talaga siya." Nahihiyang ani nito. The share the same look but there's an obvious difference between their attitude. Isang tikhim pa ang kumuha nang atensyon nila. This time, isang older male version naman na seryoso ang mukha at nakasuot nang salamin. He is wearing a white longsleeve polo and black slacks, not to mention that cute apron that doesn't fits him. "Patay na." bulong ni Kassidy.

"Kassidy, bakit ka nandito? Hindi ba may pinapagawa pa si mommy?"

"Eh kuya si Shey kasi nangungulit nang costumers."

"Hindi kaya." Pagtatanggol ni Shey nang sa wakas ay matanggal na nito ang palad nang ate nito na nakatakip sa bibig.

"Hershey Estelle." Seryoso at may pagbabanta sa himig nang binata.

"Kuya Gideon nama-."

"Uwi." Walang nagawa ang dalagita kundi sundin ang kapatid nito. "Ang mabuti pa ay puntahan mo ang ate Yzzy mo sa shop niya at doon ka mangulit. Huwag dito, baka mainis ang costumer at mawalan tayo ng kita. Gusto mo bang magalit si mommy? Ikakalat niya ang mga baby pictures mo-."

"Sabi ko nga pupuntahan ko na si ate Izzy." Umingos ito. "Isusumbong kita kay ate Yzzy minamaltrato mo ako." Lihim siyang napangiti habang nakatingin sa magkuya na naglalakad palayo sa kanila.

"Sorry talaga miss ikaw ang napagtripan nang kapatid kong iyon."

"No, it's okay."