الميراث

* الفصل الخامس *

قعدوا مع بعض بعد ما وصلوا الشقة، وبدأوا يتكلموا:
- أجيبلك حاجه تشربيها؟
رنيم:لا ميرررسي، انا عايزه ألحق أروح قبل ما راغب يرجع من الشغل .. عشان أنت عارفه بيستخدم معانا المعامله الميري
- اها ما انا عارفه رخم
ضحكت رنيم أوي، وأتكلمت:
رنيم:صحيح بقي قولي .. بقالك أسبوع بحاله وما عبرتنيش ، كنت فين كل ده و قالقني عليك كده!!
- قلقتي عليا! غريبة
رنيم:نعم!! غريبة أزاي؟ ده انا أكتر واحده في الدنيا دي بتحبك وبتخاف عليك .. بأماااااره حتي..
قاطعها وأتكلم بضحك:
- خلااااص خلااااص ، يا حبيبتي انا بهزر معاكي
قال الجُمله دي و سكت ، وأخدها في حضنه، وهي أتكلمت:
رنيم:ربنا يخليك ليا يارب و تفضل معايا علي طول
- هفضل معاكي طبعا ، هروح فين يعني
رنيم بضحك:مش في حته .. ما قولتليش بردو ، كنت فين كل ده
- أممممممم أهو كنت بظبط أموري ، و بحاول أبعد شويه لحد ما الدنيا تهدي كدة
رنيم:اهااااا ، طب انا عايزه أكلمك كل يوم .. انت عارف ما أتعودتش أبقي بعيد عنك ، و عارف أني ما بعرفش أنام من غيرك
- و انا كمان ما أقدرش أبعد عنك .. و بعدين انتي سبقتيني في الكلام ، كنت لسه هديكي رقمي الجديد عشان أكلمك كل يوم
رنيم بفرحه:أيوووة يااارييت
- أستني ، الأول في حاجه
رنيم:في أيه؟
- لازم تجيبي رقم جديد أنتي كمان
رنيم:أيه ده .. إشمعنا!!
- عشان أنتي عارفه راغب لو شك فيكي ، سهل أوي عنده يتجسس عليكي، ويعرف الرقم اللي بتكلميه ويسمع الكلام و يعرف مكانه بالظبط كمان فين
رنيم:أمممممم تفتكر
- اها طبعا أفتكر .. عشان كدة هبعت حد من البادي جارد يجيبلك خط جديد حالاً و بأسم مُزيف عشان تكلميني انا بس منه ، و لما تبقي في البيت و خايفه حد يسمعك كلميني علي أني صاحبتك عادي
رنيم:تماااام .. بس انا عايزه أبقي أشوفك كمان
- هتشوفيني .. هتفق معاكي ، واليوم اللي هتجيلي فيه هتنزلي عادي و تقفي بعربيتك عند أول طريق ال٢١ وهتسيبي العربية في شارع (...)، و هتلاقي هناك العربيه اللي جابتك النهارده مستنياكي .. هياخدوكي و يجبوكي هنا ، وأما تمشي هيودوكي لنفس المكان ، وهتخدي عربيتك و تروحي عادي جدًا ولا من شاف ولا من دري .. وهكذااا بقي
رنيم بحماسه:صحح كدة .. انا موووااافقه
- تمام
رنيم:المهم كنت هتقولي ايه بقي
- بصي يا ستي...
( روايات بسوم )
****************************************
في القصر...
قاعد نائل في أوضته ، و بيتكلم في الموبايل .. و هو بيتكلم الباب خبط.
نائل:ثواني .. مين؟
رائد:انا رائد
نائل:أدخل
دخل رائد وقفل الباب .. و دخل قعد علي السرير جنب نائل ، و نائل بيكمل مكالمته:
نائل:طيب تمام .. اها ما ده اللي هيحصل .. ماشي .. لالا ما تقلقوش خالص .. عيب عليك ، أنتوا برا أي حاااجه تحصل .. خلاص اووك .. تمام ، الساعة ٢ الصبح بالدقيقة هنكون عندكوا .. ماشي يا برنس .. يالا سلام
خلص نائل المكالمه ، و حط أيديه علي كتف رائد وبصله ، و رائد أتكلم:
رائد:كنت بتكلم مين؟
نائل:ما أنت عارف
رائد:الناس اللي كلمتني عنهم دول؟
نائل:اها هُما .. مستنينا الساعة ٢
رائد:تماااام اووي
نائل:المهم أنت محضر الخطط؟
رائد:اها طبعاااا .. كل حاجه جاهزة ، فاضل بس أنها تتنفذ و نخلص
نائل:حلو أووي كده
رائد:المُهم أنك أنت اللي هتفهمهُم كل حاجه ، عشان انا مش بعرف أشرح تفاصيل مع حد غريب .. بتلغبط و بغلط كتير
نائل:اها طبعا ماشي .. المهم بس أنت تفهمني كل حاجه
رائد:ما تقلقش ، من الناحيه دي أطمن .. أحنا أصلاً هنعرفهم كل خطه في ميعادها .. و النهاردة و أحنا رايحين في العربيه هفهمك أول خطه ب التفصيل ، عشان أنت تفهمه لهُم بقي
نائل:أشطا، أتفقنا
رائد:انا هقوم أنام شويه بقي
نائل:أوك .. تصبح علي خير
رائد:و أنت من أهله
مشي رائد و راح ينام .. وفضل نائل مع نفسه .. ورنيم خلصت مشوارها ، و العربيه رجعتها تاني لحد البيت .. و بعدها ب ساعتين كان راغب روح .. واليوم خلص علي الكل ، وكلهم ناموا.
( روايات بسوم )
************************************
الساعه 1:30 بالليل...
كان رائد بيلبس .. و هو بيلبس باب أوضته خبط و أتفتح و نائل دخل .. بصله رائد و أتكلم:
رائد:أيه يا نائل .. خلصت؟
نائل:اها خلصت .. أنت كل دة لسه بتلبس؟!
رائد:اهاا .. خلاص قربت أخلص أهو
نائل:طب بسرعه بقي ، عشان مش عايزين نتاخر .. ممكن؟
رائد:ممكن طبعًا .. خمس دقايق وأكون مخلص .. ينفع تقعد بقي وتسيبني أخلص
نائل:ماشي
قعد نائل ، و خمس دقايق كان رائد خلص لبس و أتكلم:
رائد:انا خلاص خلصت أهو .. يالا بينا بقي
نائل:تماام يالا
نزلوا بسرعة .. و هما خارجين قفلوا باب القصر بهدوء عشان ما حدش يحس بيهم ، و ركبوا العربية و مشيوا.
( روايات بسوم )
فوق ، في أوضه رنيم...
كانت لسه رنيم صاحيه و بتحاول تنام .. و هي علي سريرها سمعت صوت عربية نائل ، وقتها أتكلمت في نفسها:
رنيم:أيه ده؟ هو نائل رايح يتسرمح بردو ولا أيه .. أما أقوم أشوفه كده
قامت رنيم تبُص علي نائل .. و أول ما فتحت الشباك كان مشي بس لحقت نظرة سريعه قبل ما يمشي خالص ، حاولت تدقق في عربيته ، و بعدين أتكلمت في نفسها بإستغراب:
رنيم:أيه ده! ماشي و معاه حد؟ من أمتي ده! وبعدين نائل أصلاً ما لهوش أصحاب هنا .. أومال مشي مع مين!!
سكتت لثواني بتفكير ، وبعدين أتكلمت في نفسها بأندفاع:
رنيم:راااائد!! يكون رائد اللي راح معاه؟ طب رايحين فين دلوقتي مع بعض! نائل عمره ما أخد رائد معاه خروجات بالليل دي .. بس ممكن ما يكونش رائد .. بس لو مش رائد هيكون مين!! أييه ده ، انا تاعبة نفسي ليه ،  طب ما أروح أخبط علي رائد وأشوفه موجود ولا لا ، و لو مش موجود يبقي هو اللي مع نائل في العربيه
سكتت رنيم ، و خرجت من أوضتها و جريت علي أوضه رائد ، فضلت تخبط علي الباب ماحدش رد .. فتحت الباب و دخلت ، ولعت النور مالقيتش رائد ، بس لقيت الدولاب مفتوح .. بصت عليه و وقفت مكانها ، و أتكلمت بإستغراب:
رنيم:رائد!!
( روايات بسوم )
***************************************
بعد تلت ساعة...
كان رائد و نائل وصلوا المكان ، اللي أتفقوا انهم هيقابلوا فيه الأتنين اللي كان بيكلمهم نائل.
رائد:تعالي نقعد علي الترابيزه اللي هناك بعيد دي
نائل:تعالي
رائد:هما جُم؟
نائل:لا لسه .. بس هما بيجوا في مواعيدهم دايمًا
رائد:طب هما هيعرفونا ولا أيه؟
نائل:اها طبعًا .. عارفيني و انا عارفهم
رائد:تمام .. المهم فهمت و حفظت اللي قولتهولك و أحنا جاين؟
نائل:اها تمااام
رائد:يعني أكيد هتعرف تعرفهم كل الخطه؟
نائل:أها ما تقلقش .. أطمن
رائد:تمااام
بعد عشر دقايق ، كانوا الناس دول وصلوا .. أول ما شافهم نائل أتكلم:
نائل:أهُم وصلوا
رائد:طب أنده عليهم
نائل:هُما جاين علينا اهو
رائد:ماشي .. هُما أساميهم أيه؟
نائل:جاسم و لامي
رائد:تمام
أول ما وصلوا قام نائل عشان يسلم عليهم:
نائل:أهلاً بالرجاله .. عاملين ايه؟
جاسم و لامي:الحمدلله كويسين
نائل:طيب الحمدلله .. تعالوا أقعدوا عشان أعرفكوا بأخويا
جاسم:ماشي
قعدوا ، و نائل رجع مكانه جنب رائد ، و بدأ يعرفهم ببعض:
نائل:جاسم و لامي يا رائد ، الرجاله بتوعنا .. و ده رائد أخويا الصغير
جاسم و لامي:أهلاً بيك
رائد:مُتشكر .. منورين
لامي:دة نورك
جاسم:جاهزين بقي للشغل ولا أيه؟
نائل:اها اها طبعًااا .. هنبدأ نفهمكوا من دلوقتي علي كل حاجه
جاسم:تماااام
لامي:بس أول حاجه لازم نعرفها .. الهدف ده بيشتغل ايه؟
في الوقت ده بص رائد لنائل و أتنحنح ، و نائل هو اللي رد:
نائل:مُقدم شرطة
بص جاسم للامي بصدمه و ماردوش، في الوقت ده اتكلم نائل:
نائل:هااا؟؟
لامي و جاسم مع بعض:مُقدم اييييييه؟!!!
.........................
#بسمه_ممدوح