الميراث

* الفصل السادس *

لامي وجاسم مع بعض:مُقدم اييييييه؟!!!
نائل بتردد:شرطه .. مقدم شرطه
لامي:انت بتهزر صح!!
نائل:لا، دة بجد
جاسم:يعني و أحنا المطلوب مننا نخلص علي ظابط! انت عايزنا نروح ورا الشمس مش كده؟!
نائل:لالالا خااالص والله .. انا وعدي ليكوا من الأول أنكوا بعيد عن أي حاجه تحصل، ومش هتتورطوا في أي حاجه مهما حصل
جاسم:و انا أيه يضمنلي ده
نائل:انا أضمنلك ده .. انت هتموته بطبنجته هو ، يعني ده أكبر دليل أنك هتكون مش موجود من الأساس عشان تتورط .. و بعدين لما تسمع الخطه هتتأكد أنكوا هتكونوا برا الموضوع خااااالص
لامي:أممممممم كلامه مقنع يا جاسم .. بس لو..
قاطعه نائل:من غير لو .. انا مادام قولت كلمه يبقي خلاص ، و أساميكوا مش هتيجي في أي حاجه .. ولا أيه يا رائد؟
رائد:ايوة طبعًااا .. اها ما تقلقوش خالص ، نائل أستحاله يخلى بيكوا أو يورطكوا في حاجه ، لأنه كده هيكون بيورط نفسه معاكوا كمان
لامي:أممممممم قولت أيه يا جاسم؟
جاسم:قولت ما دام بنعرف نقتل مرة واتنين ، نقدر بردو نقتل عشره و لأي سبب، خصوصا لو كان السبب ده غدر مثلًا
قال جاسم جُملته دي ، و هو بيبُص لرائد و نائل..
في اللحظه دي ، حط رائد أيده علي رقبته و أبتسم أبتسامه مخطوفه ، و فضل نائل ساكت ، و لامي أتكلم:
لامي:يعني قررت نبدأ في الشغلانة دي؟
جاسم بتفكير:أممممم اها قررت
سكت جاسم و بص لرائد ونائل، وأتكلم:
جاسم:ياريت تفهمونا بقي علي كل حاجه وتعرفونا كل التفاصيل
نائل:أحم .. أحنا عايزين العمليه دي تتنفذ كمان أسبوع ، يعني الجمعه زي النهاردة
جاسم:تمام .. كمل كلامك
نائل:...
( روايات بسوم )
***************************************
في القصر...
موبايل إبتهال بيرن .. صحيت إبتهال علي صوت الجرس ، و مسكت موبايلها و ردت بنوم:
إبتهال:الو
حمزة:أيوة يا إبتهال .. أخيرًا رديتي
أول ما سمعت إبتهال الجُمله دي ، بعدت الموبايل عنها ، و قامت قعدت و مسكته تاني وأتكلمت:
إبتهال:حمزة
حمزة:أيوة حمزة .. فينك يا إبتهال كل ده
إبتهال:موجوده
حمزة:طيب ما بترديش عليا ليه ، ومش بتكلميني خالص كدة ليه؟!
إبتهال:مش بفضي خالص يا حمزة عندي شغل كتيررر جداً
حمزة:و مش المفروض انا أكون رقم واحد في حياتك، أو علي الأقل تديني جزء بسيط من وقتك ولو حتي ساعة
إبتهال:حمزة انا عايزه أنام .. أنت متصل بيا نص الليل عشان تقولي كده
حمزة:لا ، عشان وحشتيني
أول ما سمعت إبتهال الكلمه دي سكتت خالص ، و أتكلمت بصوت أول مرة تتكلم بيه .. و كأن جبروتها تجاههُ بيتهد:
إبتهال بضعف:وحشتك! أنت أول مرة تقولها
حمزة:عشان أول مرة أحسها
إبتهال:حمزة..
قاطعها حمزة:مش عايز أسمع حاجه دلوقتي
إبتهال:إشمعنا؟؟
حمزة:عايز أعرف رنيم قالتلك الكلام اللي انا قولته ليها ولا لأ؟
إبتهال:أمممم اها قالتلي
حمزة:وأنتي برضه لسه ساكته؟
إبتهال:حمزة ينفع نتقابل بكره بعد الشغل؟ نقعد في أي مكان هادي و نتكلم
حمزة بفرحه:أييه!! نتقابل بجد؟
إبتهال:اها و فيها أيه يعني!
حمزة:أصلك عُمرك ما طلبتي مني كده
إبتهال:و أديني طلبت .. هتوافق بقي ولا لأ؟
حمزة بإندفاع:موااافق طبعًااا .. دة انا ما صدقت
إبتهال:خلاص ماشي .. أنت بكره فاضي امتى؟
حمزة:انا عادي أفضيلك نفسي في أي وقت .. المهم أنتي هتخلصي شغلك و تفضي أمتى؟
إبتهال:الساعه ٤ العصر هكون مخلصه
حمزة:و المشروع بتاعك الفترة دي فين؟
إبتهال:في المندرة
حمزة:خلاص هكلمك الساعه ٤ ، و هاجي أخدك و نروح أي مكان
إبتهال:تمام .. يالا بقي تصبح علي خير
حمزة:و أنتي من أهل الخير
إبتهال:سلام
حمزة:إبتهال
إبتهال:نعم يا حمزة
حمزة:لما أكلمك هتردي عليا؟
إبتهال:مش انا اللي طلبت اننا نتقابل؟
حمزة:أيوة
إبتهال:يبقي هرد
حمزة:ياريت
إبتهال:ما تقلقش .. يالا سلام
حمزة:ماشي .. سلام
( روايات بسوم )
قفلت إبتهال مع حمزة .. و كل واحد فيهم قاعد علي سريرة ، و بيتكلم في نفسه:
إبتهال:أيه اللي خلاكي تطلبي تقابليه!
حمزة:يمكن عايزة تنهي معاك كل حاجه
إبتهال:بس أستحاله أكون عايزه أشوفه!!
حمزة:ولا عايزه تشوفك! لا ما أظنش
إبتهال:و ليه لا! ما انا ما أعرفش سبب طلبي للمقابله دي
حمزة:بس مافيش سبب تالت أكيد
إبتهال:و بعدين هو في أتنين مخطوبين بيتعاملوا مع بعض زي الأغراب كده!!
حمزة:أول مرة تكلمني كده .. هو ممكن في يوم علاقتنا دي تتغير!
إبتهال:ما أظنش علاقتنا ممكن تتغير .. أحنا أرتباطنا كُله مصلحه ، و هيفضل مصلحه لحد ما نسيب بعض خالص
حمزة:ياريت تتغير .. انا مش عايز أسيبها
إبتهال:انا تعبت..!
فضل كل واحد فيهم سرحان لحد ما ناموا.
( روايات بسوم )
*************************************
تاني يوم الصبح...
صحيت إبتهال و راحت علي أوضه رنيم عشان تصحيها .. فتحت الباب و دخلت قعدت جنبها .. واتكلمت:
إبتهال:رنيم .. يا نيييييمووو ، رنييييم
بدأت رنيم تصحى ، و بصت لإبتهال و أتكلمت بنوم:
رنيم:أييه
إبتهال:صباح الخير يا أختي
رنيم:صباح النور .. الساعه كام؟
إبتهال:٩:٣٠
رنيم:يالهووووي .. عندي محاضره الساعه ١١
إبتهال:و لسه نايمه كل ده
رنيم:ما حسيتش
إبتهال:طب قومي يالا بقي عشان عايزه أحكيلك علي حاجه
رنيم:اهااا صحيح و انا كمان عايزه أحكيلك علي حاجه
إبتهال:طب يالا ألبسي ، و انا كمان هلبس عشان أتاخرت أوي .. و خوديني معاكي في عربيتك ، و انا هنزل معاكي عند الجامعه ، و هركب أي حاجه و أكمل علي الشغل
رنيم بإستغراب:إشمعنا يعني! و مش هتروحي بعربيتك ليه!!
إبتهال:أصل حمزة هيكون معايا و هخليه يروحني
رنيم:حمزة!!! أوبااااااا هو الموضوع في حمزة كمان .. و من أمتي بقي حمزة بيكون معاكي ها
إبتهال بخجل:رنيم ، بطلي بواخه .. عادي يعني
رنيم:طب مش هتحكيلي بقي
إبتهال:هحكيلك يا حشريه ، هو دة اصلا الموضوع اللي كنت هحكيهولك .. بس يالا بقي نلبس عشان ما نتأخرش أكتر من كده ، و أحنا ماشين هحكيلك علي كل حاجه
رنيم:مااااشي .. لما نشوووف
إبتهال:هروح ألبس بقي ، و أنتي أنجزي
رنيم:أووك
مشيت إبتهال ، و قامت رنيم .. و بعد نص ساعه كانوا خلصوا لبس هما الأتنين ، و راحت رنيم لإبتهال أوضتها ، و أول ما دخلت أتكلمت:
رنيم:أديني خلصت يا ستي و أنتي لسـ..
قاطعتها إبتهال:و انا كمااان خلصت يا أختي .. يالا بقي بسرعه
رنيم بضحك:ظلمتك .. يالا بينا
( روايات بسوم )
نزلوا هما الأتنين ركبوا عربيه رنيم و مشيوا ، و هما في الطريق .. إبتهال و رنيم أتكلموا في نفس اللحظة:
- كنتي هتحكيلي أيه؟
سكتوا ل لحظه ، و بصوا ل بعض ، و ضحكوا أوي .. و إبتهال أتكلمت:
إبتهال:بنحس ببعض
رنيم بضحك:طبعًا مش أخوات
إبتهال:طب يالا بقي قوليلي كُنتي هتحكيلي أيه ؟؟
رنيم:لا قولي أنتي الأول
إبتهال:لا قولي أنتي الأول
رنيم:لا أنتي الكبيره
إبتهال:ههههههه يا رخمه ، أخلصي انتي الأول .. عشان انا موضوعي كبير كبير
رنيم:كبير كبير ههههههه ماشي يا ستي
إبتهال:هااااا يالا
رنيم:أمبارح الساعة ٢ تقريبا كده مش فاكرة أوي .. المهم أن كان نائل خارج كالعاده ، ف قومت أبص عليه لقيت معاه حد في العربيه
إبتهال بإستغراب:حد مييين!!
رنيم:انا كنت مستغربه كده بردو .. بس روحت ل رائد أشوفه في أوضته ما لقيتهوش ، و لقيت دولابه مفتوح .. ف فهمت بقي أنه هو رائد اللي كان معاه في العربيه
إبتهال:أمممممم رائد .. طب رائد أيه اللي مخرجه مع نائل في وقت زي ده ، و من أمتي بيخرج معاه أصلاً في خروجات بليل دي
رنيم:مش عااارفه .. هموووت و أعرف كانوا فين
إبتهال:أحييييه دي تبقي مصيبه يا رنيم لو نائل علمه يشرب زيه الهباب اللي بيشربه ده
رنيم:لااااااا ما أظنش
إبتهال:و ما تظنيش ليه .. ما فيش حاجه بعيده يا بنتي أصلاً
رنيم:تؤ تؤ تؤ رائد ده انا حفظاه صم .. بصي رائد ممكن يعمل أي حاجه في الدنيا ، إلا أنه يضُر نفسه .. أي حاجه فيها ضرر ليه يستحييييل أنه يعملها أصلاً
إبتهال:أزاي يعني
رنيم:مش محتاجه أزاي .. مادام المُخدرات و الحاجات الزفت اللي بيشربها نائل دي مُضره ، يبقي أستحاله رائد يقرب منها ، عشان هيخاف علي صحته ، لأنه بيخاف علي نفسه أوووي ، و من كُل الجوانب مش جانب واحد بس
إبتهال:أمممممم بس كانوا فين برضه!
رنيم:مش عارفه .. أقولك ، كبري دماغك و خلاص بقي
إبتهال :انا مُضطره أكبر دماغي .. لأني فعلاً مشغوله جداً و مش فضيالهم
رنيم:مشغوله في أيه ؟
إبتهال:الشغل يا بنتي ، و أديكي شايفه المشروع اللي انا مسكاه كبير ، و كمان حمزة شاغلني جدًا.. و حاجات كتير شغلاني
رنيم:ايووووة حمزة .. كُنتي هتحكيلي أيه بقي بخصوص حمزة ؟؟
إبتهال:بُصي..
وبدأت تحكيلها عن مكالمه الفجر و علي كل حاجه .. و خلصت و أخدت نفسها ، و كملت كلام:
إبتهال:بس و هياخدني بقي بعد الشغل نروح أي مكان نتكلم
رنيم:و..
و قبل ما رنيم تكمل كلامها .. فجأأأأأة..
.........................
#بسمه_ممدوح