الميراث

* الفصل الحادي عشر *

راغب:انا كلمت المحامي أمبارح و أول أمبارح كمان ، و بيقول أن في مشاكل في موضوع الورث ، و أنه مش عارف يوصل لأي حساب من حسابات البنوك
في اللحظه دي أبتسم نائل ، بس لحقته نظرة من رائد نبهته و وقفت إبتسامته .. و أتكلم رائد بإستغراب:
رائد:أزاي يعني!!
بصت رنيم لرائد بإنفعال ، و أتكلمت:
رنيم:أستني بس
و رجعت بصت لراغب و أتكلمت بهدوء:
رنيم:فاهمنا يا راغب واحده واحده
راغب:انا عن نفسي مش فاهم حاجه ، و كنت عايز أتابع بنفسي .. بس ل الأسف انا مش فاضي خالص
في اللحظه دي قاطع رائد كلام راغب ، و أتكلم بلهفه:
رائد:تتابع أيه أنت .. أومال المحامي ده بيعمل أيه ؟
في الوقت ده سكت رائد بعد ما لاحظ إنفعاله .. و رجع أتكلم تاني بهدوء و جديه مُصطنعه:
رائد:و هو أزاي الغبي ده مش عارف يخلص يعني ؟!! مش المفروض أنه محامي بابا بردو ولا أيه !
راغب:أيوه .. بس انا مش عارف في أيه ، لكن بقول بردو ممكن يكون مشغول في حاجه ، أو في قضيه مُهمه مثلاً ، و بيعطلنا لحد ما يخلص
نائل:اهااا ممكن مش بعيد
إبتهال:عادي يعني مش مهم .. إحنا أصلاً مش عايزين حاجه دلوقتي ولا مستعجلين
بصلها رائد بضحك ، و أتكلم:
رائد:اها عادي مش مستعجلين
راغب بإرتياح:يعني أنتوا مش متضايقين ولا حاجه من التأخير ده ؟
ردوا كُلهم ، و منهُم اللي بيتكلم ب جديه ، و منهُم اللي بيتكلم بخُبث:
- اها عادي مش متضايقين
راغب:طيب كويس .. انا قولت أقولكوا بس ، و لو كُنتوا هتضايقوا كُنت هشوف محامي تاني
في الوقت ده أتنفض رائد ، و أتكلم بإندفاع:
رائد:لا يا راغب محامي تاني أيه بس .. ده حتي يبقي عيب أننا نشوف محامي تاني ، و أنس محامي بابا من حوالي عشر سنين
راغب:اها و الله يا رائد علي رأيك .. بس انا كل اللي بيهمني راحتكوا مش أكتر من كده
رائد:اهااا .. لا ما تقلقش أحنا ما فيش ورانا حاجه
راغب:ماشي تمام .. هقوم انا بقي عشان نازل كمان شويه
رائد:نازل رايح فين ؟
بصله راغب ب غيظ و ما ردش ، و قام وقف بسرعه و أتكلم:
راغب:بعد أذنكوا
ردوا رنيم و إبتهال:
- أتفضل
( روايات بسوم )
مشي راغب .. و رائد و نائل بصوا ل بعض و قاموا علي طول و مشيوا ، و فضلت رنيم و إبتهال قاعدين ، و بيتكلموا:
رنيم:شوفتي أتضايقوا أزاي أول ما ماري و كنان جُم
إبتهال:اها أخدت بالي
رنيم:هُما عايزين منهُم أيه بقي
إبتهال:مش عايزين شريك تاني في الورث .. مع أن كنان مالهوش حاجه يعني
رنيم:مش فاهمه .. مالهوش أزاي ؟
إبتهال:كنان حفيد مش أبن ، و ورثه هياخده من فلوس أبوه ، مش من فلوس جده
رنيم بإستغراب:و هو عايش ؟
إبتهال:لا طبعاً .. بعد عُمرٍ طويل إن شاء الله ، بعد الشر عليه يعني
رنيم:اهااا .. أومال هُما متضايقين ليه !
إبتهال:ما انا قولتلك .. خايفين حد يشاركهُم في الورث
رنيم:أممممم الطمع مالي قلوبهم
إبتهال:ما تقلقيش .. جزائهُم قريب
ضحكت رنيم جداً ، و أتكلمت:
رنيم:ماشي يا معلم لما نشوف
إبتهال بمزح:يالا بقي يا بت نقوم نعمل أي حاجه بدال القاعده دي
رنيم:ماشي يا ستي ، يالا بينا
( روايات بسوم )
****************************************
في أوضه المكتب...
قاعد نائل مع رائد .. و رائد بيكلم المُحامي في الموبايل:
رائد:برافو عليك يا متر
أنس:أي خدمه يا أستاذ رائد
رائد:هو ده الشغل .. أهو أنت كده يا أنس بقيت حبيبي ، و هظبطك علي الأخر
أنس:أفضالكوا مغرقاني يا رائد بيه .. و بعدين انا تحت أمرك في أي وقت
رائد:تسلم .. المهم أن كل حاجه تبقي ماشيه تمام
أنس:طبعاً .. زي ما حضرتك تؤمر ، و أزيد بشويه كمان
رائد:أيوووه كده
أستمرت المكالمه بينهم لدقايق ، و بعد ما خلصوا كلام و رائد قفل ، بص لنائل بإبتسامه ، و نائل أتكلم:
نائل:مالك مُنشكح كده ليه ؟
ضحك رائد ، و رد:
رائد:لا انا مش مُنشكح ، أنت اللي خرمان
نائل:ما تحترم نفسك يا أبني
رائد بضحك:لا مؤاخذه
نائل:قولي مبسوط ليه بقي
رائد:ولا مبسوط ولا حاجه .. انا بس متطمن
نائل:ما تطمني معاك
رائد:أنس مظبط الدنيا علي الآخر .. و خالي بقي راغب يتابع براحته
ضحك نائل جداً ، و أتكلم:
نائل:عمل أيه تاني ، أشجيني
رائد:عمل اللي راغب قال عليه برا
نائل:بس كده !
رائد:ليه و هو ده شويه ؟
نائل بضحك:لا بس انا طماع
رائد:طب ما انا عارف .. بس معلش بقي أركن الطمع ده شويه دلوقتي ، لحد ما نخلص كل المُهمات اللي معانا .. و بعدين هنطمع براحتنا
نائل:ماشي يا عم أمري لله
( روايات بسوم )
****************************************
فوق في أوضه راغب...
قاعد راغب علي سريره .. بيتفرج علي الأوضه بعد ما ماري وضبتها ، و بيتنفس العطر الجميل اللي ماري مليت المكان بيه ، و بيغمض عينيه و هو مستني ماري تيجي من أوضه كنان بعد ما تنيمُه .. و هو مغمض عينيه بدأ يسرح و يفتكر الماضي .. بدأ يفتكر أول يوم شاف فيه ماري ، في أولي ثانوي و هُما لسه 15 سنه..
( روايات بسوم )
************** فلاش باك *************
قاعد راغب علي كرسي في سنتر صغير ، و حاطط رجل علي رجل و سرحان .. و فجأه لفت إنتباهه وجود بنت واقفه قدامه .. نزل رجليه بسرعه و إنتبه ليها ، و ما سمعش من كلامها كله الإ آخر كلمات:
ماري:أكيد ولا أيه ؟
رد راغب بتركيز ، و هو بيحاول يفهم الكلام اللي كانت بتقوله:
راغب:ها ؟ أكيد أيه !
ماري:مش فاهمه
راغب:كُنتي بتقولي أيه ؟
ماري بإستغراب:ما سمعتنيش ؟
راغب:لا
ماري:طيب شكراً
سكتت ماري ، و قبل ما تمشي لحقها راغب ، و أتكلم:
راغب:ثواني
بصتله ماري ، و ردت:
ماري:نعم ؟
راغب:انا كُنت سرحان و الله ، أسف بجد .. ممكن تقوليلي بقي ، كُنتي بتسأليني علي أيه ؟؟
أبتسمت ماري ، و عادت كلامها تاني:
ماري:كُنت بقولك أن مستر اللُغه العربيه قال أنه المفروض عندنا النهارده درس الساعه 4 ، بس ما فيش أي حد جيه حتي المستر .. هو في درس النهارده أكيد ولا أيه ؟
راغب:طيب أنتي في سنه كام ؟
ماري:أولي ثانوي
راغب:و انا كمان أولي ثانوي .. و فعلاً المستر قال أن في حصه النهارده الساعه 4
ماري:يعني جاي ؟
راغب:اها بإذن الله جاي .. بس هو تلاقيه أتأخر عشان النهاردة أول يوم بس ، مش أكتر
ماري:اها .. طيب ميرسي
راغب:العفو
مشيت ماري خطوه ، و لحقها راغب تاني و أتكلم:
راغب:رايحه فين ؟؟
بصتله ماري ، و أتكلمت:
ماري:هطلع أقف برا
راغب بإستغراب:براااا !!! و فين رجولتي لما تقفي براا ؟ تعالي تعالي
ضحكت ماري علي كلامه ، و أتكلمت:
ماري:نعم
راغب:أقعدي هنا ما فيش بنات تقف برا .. انا هطلع أقف برا
ماري:لا طبعاً .. هو عشان انا أقعد أنت تطلع برا !!
راغب:ما أنتي شكلك مكسوفه .. و عيب في حقي يعني أسيبك تقفي برا ، و انا قاعد هنا و حاطط رجل علي رجل كمان
ضحكت ماري بخجل ، و أتكلمت بإبتسامه:
ماري:لا مش مكسوفه ولا حاجه
راغب:طب أقعدي بقي ، و انا هطلع أقف برا شويه
قال راغب كلامه و قام وقف علشان يمشي .. بس ماري لحقته قبل ما يمشي ، و أتكلمت بإندفاع:
ماري:لاااا
بصلها راغب ، و رد ب إستغراب:
راغب:لا أيه !
ماري بخجل:قصدي يعني خليك .. مالهوش لزوم أنك تُخرج برا و كده
راغب بتُقل:ما انا مش عايز أتسبب ف أنك تكوني مكسوفه
ماري:لا عادي .. خليك بقي
راغب بإبتسامه:ماشي يا ستي
سكت راغب ، و مشي قعد في آخر كُرسي في الأستراحه .. و بص لماري و أبتسم:
أتكسفت جداً ماري من نظرته ليها ، و بصت في الأرض بخجل .. و قعدت في صمت.
( روايات بسوم )
****************************************
- راااغب .. يا حبيبي
فاق راغب علي صوت ماري بتنادي عليه .. بصلها بانتباه و أتكلم:
راغب:هااا .. نعم ، أيه يا ماري
ماري:أيه روحت فين .. سرحان و سايبني كده بنده عليك .. أنت نسيت أني جيت ولا أيه !!
في اللحظه دي ، مسكها راغب من أيديها و شدها قعدها جنبه ، و أتكلم و هو بيبُص في عينيها:
راغب:انا أقدر أنسي بردو .. ده أحلي يوم في حياتي ، و حلمي أنك تبقي جنبي من زمان أووي
ماري:أممممم أومال كُنت سرحان في أيه يا أستاذ
راغب:عايزه تعرفي كُنت سرحان في أيه يا قلب الاستاذ
ماري بدلع:اهااا
راغب:طب هاتي حضن و انا أقولك
ماري بكسوف:راغب بقي
راغب بمزح:راغب بقي .. راغب بقي أيه ، ما أنتي كُنتي شغاله أحضان فيا من شويه أيه اللي حصل
ضحكت ماري ، و أتكلمت بكسوف:
ماري:بس بقي
أتكلم راغب و هو بيغمز لها:
راغب:يا حلاوتك و أنت مكسوف يا شقي
أتنحنحت ماري بكسوف ، و راغب أتكلم بتُقل:
راغب:يعني مش عايزه تعرفي كُنت سرحان في أيه
في اللحظه دي .. حضنته ماري أوي ، و أتكلمت بلهفه:
ماري:أيوووه عايزه أعرف
راغب:أيووه كده ، ما كان من الأول
ماري بخجل:يا رااااغب بقي ، الله
راغب بضحك:بحبك
ماري بفرحه:طب كُنت سرحان في أيه بقي ؟
راغب:كُنت سرحان فيكي
ماري بإستعباط:أزاي يعني
راغب:أفتكرت أول مره شوفنا فيها بعض
ماري بحنيه:بجد ؟
راغب:اها و الله .. أنتي فاكره اليوم ده ولا نسيتيه ؟
بصتله ماري بحُب ، و أتكلمت:
ماري:هو انا أقدر أنساه
قالت الجُمله دي و سكتت ، و حطت أيديها علي وش راغب ، و هي بتبُص في عينيه .. و راغب أتكلم:
راغب:يعني لسه فاكره ؟
ماري:طبعاً .. و فاكره كل حاجه مرت علينا ثانيه بثانيه ، مافيش لحظه عيشتها معاك نسيتها
أبتسم راغب بحُب ، و أتكلم و هو بيقرب منها:
راغب:انا بحبك اوي
ردت ماري بصوت واطي جداً:
ماري:انا اللي بحبك أوي ، و بعشقك أوي ، و بمووت فيك أووي
راغب:..
( روايات بسوم )
****************************************
في أوضه إبتهال...
قاعده إبتهال ، و رنيم قصادها بتعيط، وابتهال بتتكلم:
إبتهال:يا بنتي بطلي عياط بقي
رنيم:مش قادرة يا إبتهال
إبتهال:و هتفضلي مش قادرة كده لحد أمتي
رنيم:مش عارفه بقي
إبتهال:طب عشان خاطري تهدي ، و تبطلي قلق .. هو مش راغب قالك أنه هيتصرف
رنيم:أيوه
إبتهال:يبقي خلاص بقي .. مالهوش لزوم العياط ده خالص
رنيم:انا بحاول ، بس كل ما بفتكر مش بقدر أبطل عياط
إبتهال:ما تفكريش خالص ، ولا كأن في حاجه أصلاً .. ماشي ؟
رنيم بتنهيده:حااضر
إبتهال:حضرلك الخير يا حبيبتي
( روايات بسوم )
****************************************
في أوضه المكتب...
موبايل رائد رن ، و هو بيتكلم مع نائل:
رائد:أستني كده أشوف مين
نائل:ماشي
مسك رائد موبايله و بص فيه ، و أول ما شاف الأسم أتكلم بتعجُب:
رائد:حمزه !!
.....................
#بسمه_ممدوح