الميراث

* الفصل العاشر *

و قبل ما راغب يتكلم .. قاطع كلامه دخول طفل جميل جداً شبه راغب بالظبط عليهُم .. و بيجررري بلهفه و بيصرخ من الفرحه و هو بيتكلم:
الطفل:باااااااااابي
سكت راغب للحظات بعدم إستيعاب ، و أتكلم بصدمه:
راغب:كناااااااااان !! .. قلب بااااااابي
سكت راغب ، و حضنه جااااااامد بفرحه:
أتصدموا كُلهم من اللي حصل ، و إبتهال أتكلمت بإستغراب:
إبتهال:كناااان .. رجعت امتي يا حبيبي ؟
بصلها كنان ببرائه و ماردش .. و راغب أتكلم:
راغب:رد علي عمتو يا حبيبي
رفض كنان بخجل و برائه .. ضحك راغب جدًا و أتكلم بإشتياق:
راغب:وحشتني أوووي يا حبيبي
فضل راغب يبوس في كنان بحُب .. و إبتهال بتتفرج عليهُم بفرحه .. و رنيم بتضحك و بتلعب في شعر كنان و أيديه .. و أتكلمت:
رنيم:كبرت يا نون ، أخر مره شوفتك كُنت صغنن اوي
بصلها كنان بنظره كوميديه ، و رد عليها:
كنان:انا ! سوفتيني فين ؟
ضحكوا كُلهم ، و رنيم أتكلمت بنفس طريقته الطفولية:
رنيم:سوفتك هنا و أنت صغنون خالص .. أخر مره شوفتك كنت عندك سنتين بس ، دلوقتي بقي عندك كام سنه ؟؟
حاول رائد يهزر ، و هو بيبص لنائل عشان يستحمل و ما يتكلمش:
رائد:أكيد لسه سنتين زي ما هو .. مش شايفاه صغنون أزاي
ضحك رائد ، و كنان أتكلم ب إندفاع و هو بيشاور بأيديه الأتنين:
كنان:لااااا انا كبيييير .. عندي كده
ضحكوا كلهم علي برائته ، و رنيم أتكلمت:
رنيم:يااااه ، عندك عشره بحالهم
ضحكوا تاني ، و فجأه الكل سكت لما كنان أتكلم:
كنان:بابي ، أنت بتحيط ليه ؟!
أتنحن راغب و حاول يتكلم بقوه ، و هو بيداري دموعه:
راغب:فين بعيط ده ؟
كُلهم بدأوا يبُصوا لبعض ، و راغب بيحاول يداري الموقف ، و بيلاعب كنان و يعاكسه:
راغب:قولي بقي .. أنت جيت أمتي ؟ و جاي من لبنان لوحدك كده ! أيه الشطاره دي
كنان ببرائه:لا باااابي تي مامي محايا .. أهي واقفه هناك حند العربيه بتاحتها
قال كنان الكلام ده و هو بيشاور بأيديه علي ماري "والدته".
( روايات بسوم )
أول ما سمع راغب الجُمله دي .. ساب كنان لإبتهال بلهفه ، و قام بسرعه راح عند ماري و وقف قدامها.
فضلوا هُما الأتنين ساكتين و بصين لبعض ، و راغب سرحان في عيونها .. و هي كل نبضه في قلبها بتسحب روحها و ترُدها تاني.
مسك راغب أيديها بطلقائيه ، و بدأ يتكلم بصوت كله حنين:
راغب:أخيراً رجعتي ؟ كُنت متأكد أنك مش هتفضلي طول عُمرك هربانه مني ، و هترجعيلي في أقرب وقت
ماري بتتبت علي أيديه أكتر و هي بتتكلم بشوق و حُب:
ماري:بس انا ما أقدرش أهرب منك ولا أتأخر عليك .. انا جيت بسرعه أهو
راغب:لا مش بسرعه .. السنتين دول عدوا عليا كتيررر أووي .. مُت في كل ثانيه فيهم مليون مره
في اللحظه دي عيون ماري دمعت و ما قدرتش ترد .. سابت أيد راغب و حطيت أيديها علي وشه ، و فضلت تمسح في دموعه و هي بتبُص في عينيه .. و راغب أتكلم بوجع:
راغب:كرهتيني بسبب أبويا صح ؟ و بعدتي عني عشان أطلقك مش كده ؟
حطيت ماري أيديها بسرعه علي شفايف راغب .. و بصتله نظرة كُلها إشتياق ، و حطيت راسها علي صدره و لفت أيديها حواليه و غمضت عينيها.
لف راغب أيديه علي راسها و ضمها ليه أوي ، و أتكلم:
راغب:رُدي عليا .. كرهتيني ؟
ردت ماري بصوت مكتوب:
ماري:لو كرهتك مش هترمي في حضنك كده
راغب:يعني..
قاطعته ماري:هتفضل حبيبي و هتفضل جوزي و أبو أبني و هفضل أعشقك .. و هتفضل راغب حبيبي بتاع ثانوي اللي أول ما أشوفه روحي بتطير في السما
راغب بدموع:وحشتيني أوووي
ماري:أول ما عرفت أن والدك مات نزلت مصر علي طول و جيتلك هوا .. عشان أكيد بعده مافيش أي حاجه هتقدر تبعدنا عن بعض
بعد راغب عنها بسرعه ، و مسكها من وشها و أتكلم:
راغب:حتي و هو عايش ما كنش في حاجه تقدر تفرقنا عن بعض .. انا حاربته كتير و وقفت قصاده بدل المرة مليون مرة .. بس أنتي اللي أستسلمتي و سيبتيني و هربتي مني .. دوخت عليكي ، و في الأخر والدتك قالتلي أنك سافرتي لبنان ، بعد ما ضغطت عليها جامد عشان تتكلم
ماري:بس..
قاطعها راغب:بس ساعتها انا فقدت الأمل .. و أتأكدت أنك كرهتيني .. ما رضيتش أدور عليكي ولا أجيبك ، و سيبتك و أستعوضت ربنا في كل حاجه
ماري:أسمعني يا راااغب .. انا بحبك و كنت بموووت من غيرك .. بس عملت كده خوف عليك .. أقسم بالله بعدت عنك عشان تعيش
راغب بإستغراب:أزاي يعني ؟؟ مش فاهم !
ماري: هقولك عل..
في الوقت ده ، لفت نظر راغب أن كل أخواته مركزين معاهُم و شافوا كل اللي حصل .. أتخنق راغب جداً ، و حط أيديه علي كتف ماري و زقها ناحيه باب القصر ، و أتكلم بضيق:
راغب:تعالي نتكلم جوه .. عشان انا ما بحبش رمي الودان ده
ماري:حاضر
مشي راغب و ماري قدامه ، و قبل ما يدخلوا القصر ، رائد أتكلم:
رائد:أيه يا راغب ؟ رايحين فين و سايبينا
قال الكلام ده ، و بص لماري و كمل كلامه:
رائد:مش هتيجي تسلمي علي أخوات جوزك يا ماري ولا أيه ؟
ماري بخنقه:اها أسفه .. عاملين أيه ؟
و قبل ما حد يرُد ، راغب أتكلم:
راغب:معلش هتكلم معاها شويه و بعدين نبقي نقعد مع بعض تاني .. خالي بالك علي كنان يا إبتهال
إبتهال:حاضر يا حبيبي
( روايات بسوم )
مشي راغب علي طول و ماري معاه ، و طلعوا علي أوضته .. قفل راغب الباب و بص ل ماري ، و أتكلم:
راغب:أقعدي يا ماري عشان نتكلم
قعدت ماري علي السرير و بصتله ، و هو كمل:
راغب:عايز أفهم بقي
ماري:تفهم أيه ؟
راغب:أفهم معني كلامك
ماري:أنهي كلام ده ؟؟
راغب:مااااري ! مشيتي و سيبتيني ليه ؟ و خايفه عليا من أيه !!! و أعيش أزاي ؟ هو أنتي لو قعدتي انا كنت هموت يعني ؟!!
ماري بعياط:أيوه يا راغب كنت هتموت .. انا ما بعدتش عنك بمزاجي
( روايات بسوم )
في اللحظه دي ، قعد راغب جنبها و أخدها في حُضنُه ، و أتكلم بحنان:
راغب:أهدي بس عشان خاطري
ماري بتنهيده:حاضر
راغب:ممكن بقي تفهميني كل حاجه
ماري:حاضر .. بعد اللي باباك عمله فينا و البهدله اللي شوفناها بسببه ، و بعد ما حرمني أقعد هنا معاك أو حتي في شقتك ، و روحت أترميت في بيت أهلي و انا معايا أبنك .. يعني حته منك و حته من أبوك اللي بنفسه بهدلني و بهدله .. ما سبناش في حالنا و كان كل تفكيره أنه يبعدنا عن بعض و بس .. و حتي مُجرد التفكير ما كنش عايزك تفكرُه فيا .. بس ما كنش يعرف أن ب اللي بيعمله ده بيتعبك أكتر و بيخليك بردو تفكر ، بس أكتر من الأول بكتير
راغب:حبيبتي .. فهميني عشان خاطري .. عمل أيه تاني ؟
زاد عياط ماري ، و تتبت في حضن راغب أكتر و هي بتتكلم:
ماري:في يوم و انا نايمه .. و كنت و الله تعبانه أوووي و كنان كمان كان تعبان ، و كنت هموت عليه اليوم ده .. بس لازم البلاوي تيجي مع بعضها
راغب:حصل أييييه ساعتها ؟
( روايات بسوم )
************** فلاش باك *************
منال " والدة ماري " داخله أوضه ماري ، تصحيها من النوم، وبتتكلم بصوت عالي:
منال:يا ماااري .. قومي يا بنتي قووومي
صحيت ماري من النوم مخضوضه ، و أتكلمت بفزع:
ماري:أيييه يا ماما .. في أيه ؟
منال:في واحد برا علي باب الشقه .. شكلُه يخوف من الناس اللي بيطلعوا في التيلفزيون دول
ماري بإستغراب:ناس أيه يا ماما بس ؟
منال:يا بنتي الناس اللي بعضلات دول ، الكبااار أوي دووول
ماري بقلق:أيه ده !!! و عايز مننا أيه ده ؟
منال:عايزك أنتي .. معاه ظرف و عايز يسلمهولك بنفسه .. و مش موافق أني أخده منه أبداً
ماري بقلق:ظرف أيه ده ؟
منال:و الله يا بنتي ما أعرف .. قومي بسرعه أنتي و أطلعيله خلينا نعرف في أيه
ماري:حاضر يا ماما
( روايات بسوم )
قامت ماري بسرعه ، لبست الروب و خرجت .. وقفت علي باب الشقه و أتكلمت:
ماري:أيوه .. حضرتك عايزني ؟
- مش حضرتك مرات راغب باشا يا فندم ؟
ماري:أيوه انا .. في حاجه ولا أيه ؟
- عزب بيه المغربي باعت لحضرتك الظرف ده
ماري بإستغراب:ظرف أيه ده ؟؟
- ما عنديش علم بحاجه حضرتك .. أوامري أني أسلمهولك و بس
ماري:أوك ماشي .. شكرًا
- العفو
سلم لماري الظرف و مشي علي طول.
أخدت ماري الظرف ، و دخلت و قفلت الباب .. قعدت علي السفره عشان تفتحه .. و قبل ما تفتحه منال أتكلمت:
منال:أيه ده ؟ انا مش فاهمه حاجه !!
ماري:ولا انا
في اللحظه دي كانت فتحت ماري الظرف .. و أول ما شافت اللي فيه ، أتكلمت بإستغراب:
ماري:ظرف فيه فلوس ! و باسبور ؟ و جواب ؟!
منال:طب أقرأي بسرعه الجواب ده ، و أكيد هنفهم
ماري:ماشي
مسكت ماري الجواب و بدأت تقرأه:
- إلي مدام ماري .. اللي أتجوزت أبني غصب عني و أتحدتني ، و عملت كل شئ انا رفضه .. أحب أقولك يا مدام أني بردو هكون أفضل منك ، و هساعدك و مش هاخد منك أبنك و أحرمك منه ، مع أني أقدر .. هتلاقي في الظرف اللي وصلك ، فلوس و باسبور سفر عشان تروحي علي لبنان و تبعدي عن مصر خااالص و ما أشوفكيش فيها أبداً .. أظن كده كرمي واضح و عداني العيب .. بس معلش يا مدام ، لو في خلال أسبوع ما كُنتيش مسافره أنتي و أبنك و أختفيتي خالص هتزعلي .. أيوه هتزعلي ، و كمان لو قولتي ل راغب علي أي حاجه هتندمي فعلأ .. طبعاً أنتي مش عارفه هعمل أيه .. بس انا هقولك ...
أولاً: هاخد منك أبنك و هحرمك منه
ثانياً: هرفع عليكي قضيه ، و هلبسك تُهمه مش هتاخدي فيها أقل من 25 سنه سجن و هتتشطبي من نقابه المُحامين
ثالثاً: هقتلك جوزك اللي بتعشقيه ده .. اها أبني بس ما تفرقش معايا .. هموته عشان تبعدي عنه و عشان نرتاح منك و من قرفك ..
و خليكي عارفه أن مهما حصل .. مليم واحد من تركتي مش هتوصليله لا أنتي و لا أبنك ،
و تأكدي يا مدام يا محترمه أنك لو وصلتي كلمه واحده ل راغب هنفذ كلامي .. بس ما ترجعيش تعيطي .. و لو خايفه علي نفسك و علي أبنك ، قبل ما الأسبوع يخلص تكوني أختفتي خالص .. و مش عايز منك شكر علي الفلوس و الباسبور اللي بعتهوملك .. مع أنهم كتير أوووي علي واحده زيك .. بس معلش راحت أبني أهم .. يالا بقي و من غير سلام ،،،،، " عزب المغربي " ،،،،،
أتصدمت ماري من اللي قرأته ، و أتكلمت بصريخ:
ماري:أيييييييه الكلاااااام ده يا ماما ، انا مصدووووووومه .. مش ممكن
منال:أهدي يا بنتي بس .. و الله انا مصدومه أكتر منك .. بس هنعمل أيه ، حسبي الله و نعم الوكيل ، و القوي في الأقوي منه
ماري بصدمه:يعني أييييه ؟؟؟ نعمل أييييه يعني أيه !!!! هساااافر ؟ و أبعد عنك و أبعد عن راغب ؟؟! أزاااي طيب أزااااااي .. انا ما أقدرررش .. أمووت ، من غيررر راغب أمووووت .. حرام يا رب كده ، حراااام.
في اللحظه دي ، حضنتها منال و حاولت تهديها ، و ماري مُستمره في العياط و الصراخ:
ماري:انا اللي فيا مكفيني .. بيجوووا عليا ليييه ؟؟ انا مش عايزه منه حاجه ، ولا عايزه حاجه غير أبني و أعيش هنا معاكي .. أحس بنفس راغب معايا في نفس البلد و دي أقل حاجه .. أسافر أزاي و أبعد أزاي ؟؟! انا تعبت ، أقسم بالله تعبت .. من يوم ما حبيت راغب و انا تعبانه و متبهدله .. حاولت أبعد كتير و ما قدرتش ، يبقي هبعد أزاي دلوقتي ؟!!! ردي عليا يا أمي أرجوووكي .. قوليلي أعمل أيه !!!
منال بعياط:مش عارفه أقولك أيه يا بنتي .. انا قلبي بيتقطع عليكي .. بس ما ب اليد حيله .. انا خايفه عليكي و علي أبنك ، و أكيد أنتي خايفه علي جوزك أكتر من نفسك .. و عزب ده راجل واطي و ما بيرحمش
ماري:جوزي ! .. يعني هو بجد ممكن يقتل راغب ؟؟ يقتل أبنه !
منال:اها و الله يا بنتي أيوووه .. اللي زي دول بيعملوا أي حاجه عشان الفلوس و النسب .. ممكن يقتل أبنه عشان يحافظ علي فلوسه ، و يحافظ علي النسب و يبعدك عنهم خالص .. الناس اللي زي دول ما عندهُمش لا قلب و لا رحمه يا بنتي
أتكلمت ماري ب دموع و فقدان أمل ، و هي بتقعد علي الأرض ....
ماري:يعني خلاص ؟ لازم أخبي علي راغب ! و أسافر و أبعد عنه و أعيش من غيره ، و أفضل باقي حياتي أتعذب !!!
منال بحزن:حكم القوي يا حبيبتي
ماري بتعب:مش قادرة مش قااااادرة
( روايات بسوم )
****************************************
سكتت ماري و بعدت عن راغب و بصتله ب حزن ، و راغب أتكلم بإندفاع مع دموع:
راغب:أزااااااي .. عملتي كده أزاي ؟؟! و أزاي سمعتي كلامه !!!
ماري بدموع:خوفت عليك يا راغب .. خوفت أووي
راغب:انا كنت هعرف أحميكي و أحمي نفسي و أحمي أبننا
ماري:لا ما كنتش هتقدر .. انا فكرت الف مره قبل ما أسافر .. بس خوفت أقولك ، و أنت تحاول تعمل أي حاجه ، والدك يعرف و يأذيك .. انا ما ليش غيرك يا راغب ، وجودك في الدنيا و انا بعيد عنك ، أهون عليا مليون مره من أني أقعد علي قبرك و أعيط عليه .. انا بحبك
قرب راغب منها و حضنها أووي ، و فقد قدرته علي التحمل و عيط علي عياطها ، و بعدين بص في عينيها و أتكلم:
راغب:من النهارده مش هتبعدي عني تاني أبدًا .. لا أنتي ولا كنان .. هتفضلوا في حضني لحد آخر يوم في عمري ، أنتوا حياتي و من غيركوا أموت
ماري:بعد الشر عليك يا حبيبي
راغب:ربنا ما يحرمنيش منك أبدًا
ماري:ولا يحرمني منك أبداً يا راغب
راغب:ممكن توعديني بحاجه
ماري:أيه هي ؟
راغب:أولاً انا أخدتلك حقك خلاص و..
قاطعته ماري:أز..
قاطعها راغب:و ما تسأليش أزاي .. المهم دلوقتي ، توعديني أنك تنسي كل اللي فات و تتأكدي أنك مش هتبعدي عن حضني تاني أبداً .. بس عشان تعيشي مرتاحه لازم تنسي كل اللي فات ، و تعيشي معايا كل اللي جاي
ماري:و انا موافقه .. المهم أبقي معاك و جنبك
راغب:و انا مش هبعد عنك مهما حصل
ماري:بحبك اووي
راغب:و انا بموت فيكي .. صحيح أنتي جيتي النهارده ولا أمبارح ولا أمتي ؟
ماري:انا جايه من المطار جرررري علي هنا علي طول .. حتي ما روحتش أشوف ماما و بابا
راغب بفرحه:بجد ؟؟ للدرجه دي كُنت واحشك ؟
ماري:أووووي أوووي يا راغب ، و مازلت واحشني
راغب:مش هوحشك تاني أبداً خلاص
ماري:ياااارب بقي
راغب:بس بقولك أيه .. قومي كده ظبطي هدومك في الدولاب هنا و ظبطي الدنيا ، و حمي كنان و نايميه ، أوضته زي ما هي مقفوله .. عقبال ما انا أنزل أقعد مع أخواتي أقولهم علي موضوع كده و بعدين أطلعلك .. و بليل نروح عند مامتك و باباكي .. موافقه ؟
ماري بفرحه:موااااافقه طبعاااا
راغب:ماشي يا حبيبتي
قام راغب وقف ، و قبل ما يمشي وقف و بص لماري بتفكير و أتكلم:
راغب:صحيح عرفتي أن بابا مات أزاي ؟
ماري:مره كُنت بكلم ماما و قالتلي ، بس مش فاكره يعني قالتلي عرفت منين
راغب:اها .. و أنتي طبعا أما صدقتي
ماري بضحك:بصراحه اها
ضحك راغب و أتكلم:
راغب:طب يالا بقي أعملي اللي قولتلك عليه .. و انا هنزل و هبعتلك كنان مع هدير
ماري:أوك يا حبيبي
( روايات بسوم )
نزل راغب ، و بعت كنان مع هدير لماري ، و قعد مع أخواته و بدأ يتكلم معاهم:
راغب:انا سيبت ماري ترتاح من السفر ، و لما تفوق نبقي نقعد مع بعض
رائد:عادي مش مهُم .. هي كانت مسافره ليه صح ؟
راغب بغيظ:مش موضوعنا .. المهم دلوقتي أني عايزكوا في موضوع تاني
نائل بفضول:أتكلم .. موضوع أيه ؟
راغب:انا...
.....................
#بسمه_ممدوح