الميراث

* الفصل الثاني و العشرون *

قاموا هُما الأتنين و خرجوا من القصر .. راحوا تحت شباك رنيم ، و أول ما وصلوا وقفوا هُما الأتنين في صدمه ، و  ما حدش فيهم قادر يتحرك ولا يتكلم ....
و فجأه بعد ثواني رائد أتكلم ب رعشه و صدمه ....
رائد:أييييه ده !!!!
بص نائل في كُل مكان ب عدم إستيعاب ، و أتكلم و أطرافه ب تترعش ....
نائل:أزااااي !! مش مُمكن
رائد بصدمه:مُستحيييل بجد .. راحت فييين ! كُلهم بيروووحوا فيين ؟!!
نائل:انا مش قادر أستوعب
في اللحظه دي ، بص رائد في كُل مكان ب صدمه ، و شاور علي الحيط و أتكلم ....
رائد:آثر الدم من ضرب دماغها في الحيط أهو ، واضح جداً .. غير اللي في الأرض ، دي حتي لو عايشه مش هيبقي فيها نفس تتحرك
نائل بصدمه:يعني أيه ؟؟!!!
رائد بإنفعال:مش عااااارف ، انا هتجنن
( روايات بسوم )
أستمروا هُما الأتنين في صدمتهُم أكتر من ربُع ساعه ، و ما حدش فيهُم قادر يستوعب اللي بيحصل .. و بعد ما فاقوا من الصدمه ، جريوا هُما الأتنين بعيد عن القصر و بدأوا يدوروا علي رنيم في كُل مكان ....
بعد وقت طويل في البحث عن رنيم .. فقدوا الآمل ف أنهُم يلاقوها ، و رجعوا ل المكان اللي ماتت فيه تاني ، و وقفوا ب تعب و أتكلموا ....
نائل:طب أحنا كده هنعمل أيه ؟
رائد بيآس:مش عارف
نائل:طب و الدم ده هنعمل فيه أيه !!
رائد:أكيد لازم نمحي آثره تماماً ، و ننضفه زي ما عملنا قبل كده في عمليه راغب
نائل:أيوه أكيد
رائد:طب يالا ننضف المكان دلوقتي ، و بعد كده نفكر هنعمل أيه في المصايب اللي أحنا فيها دي
نائل:ماشي ، يالا
مشيوا و دخلوا القصر ، جابوا الأدوات اللي هينظفوا بيها ، و خرجوا تاني و رجعوا ل مكان الحادثه .. بدأوا هُما الأتنين في تنظيف المكان ، لحد ما محوا أي آثر ل أي حاجه .. و بعد ما خلصوا دخلوا القصر ، و قعدوا في المكتب و أتكلموا ....
رائد بضيق:انا مش عارف أيه اللي بيحصل ده ، و قلقان أوي
نائل:و انا كمان .. بس بعد اللي حصل النهارده ده ، أكيد العفاريت هي اللي بتعمل كده
رائد بخوف:طب أزاي !! لو العفاريت هنا في القصر يبقي أزاي إبتهال أختفت في المُستشفي ؟!
نائل بتفكير:مش عارف .. بس كلامك صح
رائد:أحنا لازم نشوف بيت تاني نقعد فيه و نبعد عن هنا خالص
نائل:أيوه طبعاً ، أحنا مُستحيل نقعد هنا أكتر من كده
بصله رائد ب قلق ، و ماردش .. أخد نائل نفسه ، و كمل كلامه ....
نائل:المُهم أننا ننسي بقي اللي حصل و نركز في الفلوس اللي جايلنا
رائد بتفكير:علي رأيك ، المُهم دلوقتي الفلوس .. و كويس أنهُم بيختفوا ، بيوفروا علينا تعب كتير
نائل:دلوقتي بقي لازم تكلم المُحامي ، و تخليه يشوف شُغله و يبيع الشركات و يقسم الفلوس و يخلص نفسه .. عشان نأخُد الفلوس بقي و نمشي من هنا خالص
رائد:تمام .. بُكره الصُبح هكلمه
نائل:ماشي .. انا هطلع أنام بقي
رائد بتعب:و انا كمان
خرجوا هُما الأتنين من المكتب و طلع كل واحد فيهُم علي أوضته ، و ناموا ....
( روايات بسوم )
*****************************************
تاني يوم الصبح ...........
صحي رائد ، و بعد ساعه نزل قعد في المكتب و أتصل ب المُحامي .. بعد لحظات رد ، و نائل أتكلم ....
رائد:ألو
أنس:أيوه يا أستاذ رائد .. أزيك
رائد:الحمد لله يا متر ، أنت عامل أيه ؟
أنس:تمام الحمد لله .. ها طمني ، وصلتوا ل أيه ؟
رائد:كُل خير
أنس:عملتوا أيه يعني ؟
رائد:خلصنا عليهُم كلهُم خلاص
أنس:حلو أوووي .. يعني كده ما بقاش في غيرك أنت و الأستاذ نائل مش كده ؟
رائد:ب الظبط كده .. المُهم أنت بقي تقولي هتعمل أيه ؟
أنس:هعمل المطلوب و اللي المفروض يتعمل
رائد:طمني طيب
أنس:هبيع الشركات كُلها ، و هجمع كُل الفلوس ، و هحُط فلوس بيع الشركات علي كُل الفلوس اللي في البنوك .. و بعد كده هقسم كُله ب النُص ، و هحُط ل كُل واحد فيكوا نصيبه في حسابه في البنك
رائد:و نصيبنا ده هيكون حوالي كام مثلاً ؟
أنس:مش أقل من 7 مليون جينيه ل كُل واحد فيكوا
في اللحظه دي أبتسم رائد جداً ، و أتكلم ب فرحه ....
رائد:وااااااو ، حلو أوووي .. ورينا همتك بقي
أنس:ما تقلقش .. كُله هيبقي تمام
رائد:و انا مستني .. بس هتأخُد وقت قد أيه ؟
أنس:أسبوعين بإذن الله .. يعني علي بدايه السنه الجديده كده
رائد:مش كتير كده ؟!
أنس:لا خالص علي فكره .. اللي انا هعمله ده هيأخُد وقت كبير و حسابات أكبر .. بس انا هحاول أني أخلص بسُرعه ، و ما تنساش أن النهارده 14 ديسمبر ، يعني بدايه السنه الجديده مش بعيده ، و زي ما قولتلك أسبوعين
رائد:خلاص تمام .. هستناك ، بس حاول تنجز
أنس:في أسرع وقت بإذن الله
رائد:ماشي ، ما تنساش بس أول ما تخلص تكلمني علي طول
أنس:أكيد طبعاً
رائد:تمام ، يالا سلام
أنس:سلام
( روايات بسوم )
قفل رائد مع أنس .. و قعد مع نفسه ، و بعد وقت خرج من المكتب ، و طلع علي أوضه نائل ، خبط و دخل علي طول .. و بدأ يقرب من نائل و هو بيتكلم ....
رائد:نائل ، قوم يا ناااائل .. ناائل
في اللحظه دي .. صحي نائل ، و أتكلم ب نوم ....
نائل:أيه يا رائد ، عايز أيه ؟
رائد:قوم كده فوق عشان عايزك
نفخ نائل نفسه ب تعب ، و أتكلم ....
نائل:أقعُد طيب .. هقوم أخُد شاور و أجيلك
رائد:مش وقت شاور دلوقتي
نائل بتوهان:لا وقته .. ما انا مش هقوم أقعد معاك كده ، و تفضل تقولي أنت سكران و مش فايق و تقرفني
رائد:خلاص يا عم .. قوم خُد شاور بس بسُرعه ، و انا قاعد أهو مستنيك
نائل:ماشي ، مش هتأخر
( روايات بسوم )
قام نائل ب نوم ، و دخل حمام أوضته و أخد شاور ....
بعد نصف ساعه كان خلص نائل و خرج ، قعد علي السرير جنب رائد و هو بيتكلم ....
نائل:خلصت أهو
رائد بإستهزاء:نُص ساعه ؟! ما بدري
نائل:معلش بقي
بصله رائد ب إهمال ، و ماردش .. و نائل أتكلم ....
نائل:كُنت عايزني في أيه ؟
رائد:انا كلمت المُحامي من شويه
نائل بإنتباه:بجد ؟ و قالك أييه ؟؟
رائد:قالي ...
بدأ رائد يحكيله ، كُل اللي حصل بينه و بين المُحامي .. و بعد ما خلص نائل أتكلم ب فرحه .... 
نائل:تمام أووي كده .. مش بعيده أول السنه ، و أسبوعين مش كتير يعني
رائد بأمل:أيوه ، هيعدوا زي ما كُل اللي فات عدا
نائل:صح .. يارب بقي يعدوا بسُرعه
رائد:يااارب .. المُهم دلوقتي في حاجه مهُمه
في اللحظه دي .. بصله نائل ب تركيز ، و أتكلم ب إهتمام ....
نائل:حاجه أيه ؟!
رائد:لازم نخلص من حمزه ...
نائل:.....
.........................
#بسمه_ممدوح