الميراث

* الفصل الثاني عشر *

رائد:حمزه!!
نائل بتوهان:حمزه مين ؟
رائد:حمزه خطيب أختك
نائل:اهااا
رائد:أسكت بقي عشان أرد ، و كأنك مش موجود ها
نائل:ماشي
رد رائد علي حمزه ، و شاور لنائل يُسكُت ، و أتكلم:
رائد:أيه يا حمزة عامل أيه ؟
حمزه:الحمد لله يا رائد .. أخبارك أنت أيه ؟
رائد:كويس و الله .. أيه بقي المُكالمه المُفاجأه الجميله دي
ضحك حمزه ضحكه خفيفه ، و رد:
حمزه:ربنا يخليك .. بس كُنت عايزك في موضوع كده
رائد بتفكير:أمممم موضوع أيه ده ؟ خير !
حمزه:انا مش عارف أعمل أيه ، و ما رضيتش أكلم راغب و أدخله في حوارات عشان هو دايماً مشغول
رائد بإستغراب:حوارات أيه بس ؟ مش فاهم !
حمزه:انا عايزك تُقف جنبي يا رائد ، و تحنن قلب إبتهال عليا
رائد:أحنن قلب إبتهال ؟ ده أزاي يعني !
حمزه:يعني تحاول تتكلم معاها ، و تخليها ترجع في قرار أننا نسيب بعض ده
رائد بخُبث:أممممم ما أظنش بصراحه أن إبتهال ترجع في قرار أخدته .. دي أختي و انا عارفها
حمزه:يعني أيه ؟
رائد:يعني انا شايف أن ما فيش أمل .. إلا بقي:
في اللحظه دي سكت راغب ، و حمزه أتكلم بإستغراب:
حمزه:سكت ليه ؟ إلا أيييه !!
رائد:الأول بس يا حمزه .. أنت عايز تفضل مع إبتهال ليه ؟!
حمزه:كده
رائد:كده ليه يعني !
حمزه:بحبها
ضحك رائد ب إستهزاء ضحكه عاليه جدًا .. و بعدين سكت و أتنحنح و أتكلم:
رائد:و الله ؟
سكت حمزة ل ثواني .. بيستوعب اللي حصل من رائد ، و بعدين أتكلم بعدم إستيعاب:
حمزه:و الله أيه ؟
رائد بإستهزء:بتحبها و الله !
حمزه:اها بحبها .. و فيها أيه يعني ؟
رائد:لا أبداً ما فيهاش
حمزه:انا مش فاهم حاجه .. أنت بتضحك علي أيه يا رائد ؟!
ضحك رائد ، و أتكلم بإستفزاز:
رائد:بضحك عليك بصراحه
حمزه بصدمه:عليا !!! ليييه ؟؟
رائد بضحك:ليه ! حُب أيه و بتاع أيه ؟ أنت بتكلم عيل صغير يا حمزه ولا أيه ؟!
حمزه بغيظ:ما تيجي دُغري يا رائد .. مالك كده !
رائد:لااااا تعالي أنت دُغري بقي ، و قولي عايز تكمل مع إبتهال ليه .. و ما تقلقش هساعدك
حمزه:مش فاهم سؤالك .. دُغري أزاي يعني ؟!
رائد:يعني خليك صريح معايا ، و قولي إنك عايز ترجع ل إبتهال عشان الفلوس ، و عشان أبوك يعرف يضُم الشركات ليه ، و كده يعني
حمزه بإندفاع:نعممم !! ..
و قبل ما يكمل كلامُه سكت لثواني .. فأتكلم رائد:
رائد:سكت ليه ؟ عشان لقيتني فهمك يعني !
حمزه:لا طبعًا م..
قاطعه رائد:بطل بقي مُبررات .. انا هساعدك بس مش ببلاش
حمزه بتفكير:أومال ؟
رائد:أنت كمان هتساعدني
حمزه بقلق:أزاي يعني ؟ هساعدك أزااي !
رائد:هقولك و أفهمك كل حاجه يا سيدي .. بس مش في الموبايل
حمزه:أومال فين ؟
رائد:نتقابل النهارده بليل
حمزه:في البيت عندك ؟
رائد:لا طبعاًاًاً .. هنتقابل برا في أي كافيه
حمزه بتفكير:أممممم خلاص ماشي .. بس هو الموضوع بخصوص أيه يعني ؟
رائد بضحك:بخصوصنا كُلنا
حمزه:مش فاهم
رائد:هتفهم بليل
حمزه:طب هنتقابل فين ، و الساعه كام ب الظبط ؟
رائد:في كافيه *** الساعه 8
حمزه:أوك .. 8 بالدقيقه هكون هناك
رائد:و انا كمان
حمزه:تمام .. يالا سلام
رائد:سلام
( روايات بسوم )
قفل رائد مع حمزه .. و نائل أتكلم بإندفاع:
نائل:هتعمل أيه يا مجنون أنت ؟ عايز حمزه في أيه !!
ضحك رائد جداً ، و رد بخُبث:
رائد:تفتكر أنت هكون عايز حمزه في أيه ؟
نائل:ما أعرفش .. انا بسألك
رائد:هو أنت فكرك أن جاسم و لامي اللي هينفذوا عمليه راغب .. هُما بردو اللي هينفذوا عمليه إبتهال !
نائل:اها .. أومال أيه ؟
رائد:غبي ، ما ينفعش طبعاً
نائل بتفكير:أومال هتعمل أيه ؟ فاهمني
رائد:هنخالي إبتهال تحب حمزه و تتعلق بيه و تديلُه الأمان .. و حمزه بقي هو اللي ينفذ عمليه إبتهال
نائل بصدمه:أزاااااي !!!
رائد:زي الناس
نائل:و أفرض بقي حمزه خان و راح قال ل إبتهال ، أو بلغ عننا .. هنعمل أيه ساعتها ؟!
رائد:عيب عليك .. هو انا عيل !
نائل:مش فاهم
رائد:ما يقدرش يبلغ ، يخاف .. و بعدين يعني لو واحد أغريتُه ب مليون جينيه و 5% من فلوس بيع الشركات .. تفتكر هيُرفُض ؟!!
نائل:و هو حمزه ناقص فلوس ؟
رائد:أهُم اللي مش ناقصين فلوس دول بقي ، هُما أكتر ناس بيجروا ورا الفلوس ، و بيبقوا عايزين يزودوها بأي طريقه
نائل:ل درجه أنه يقتل خطيبته ؟!!!
رائد:خطيبته أييييه يا عم أنت ؟ دي مصلحه كبيره بالنسباله .. هو يعني عايز يرجع لها عشان حُب و بتاع زي ما بيقول !! أكيد لا طبعاً .. هو عايز يفضل معاها و يتجوزها عشان يعرف يلهف براحته ، و بعد ما ياخد اللي يكفيه هيطلقها و هيرميها .. يعني مش هتفرق معاه ، الفلوس اللي عايزها هياخدها .. و تعددت الطُرق و الهدف واحد
نائل:أمممم يعني أنت واثق أن حمزه هيساعدك ؟
رائد:زي ما انا واثق أنك أخويا
نائل بتفكير:ممكن
رائد بعصبيه:أكييد
نائل:طيب .. ربنا يستر بس
رائد:هيستر ما تقلقش .. و يالا بقي قوم شوف رايح فين ، و انا هطلع أنام شويه عشان الأستاذ راغب مصحينا من النجمه
نائل:ماشي ، و انا كمان هنام
رائد:طيب .. تصبح علي خير
نائل:و أنت من أهله
خرجوا من أوضه المكتب .. و طلع كل واحد فيهم علي أوضته ، و نام.
( روايات بسوم )
*****************************************
في أوضه راغب...
راغب نايم علي السرير ، و ماري نايمه علي كتفُه و بيتكلموا:
ماري:فاكر يا راغب أول مره قولتلي فيها بحبك ؟
راغب:فاكر طبعاً .. ده انا قعدت سنه و نص بحالهم بحبك بيني و بين نفسي .. هنسي أزاي بس اليوم اللي أعترفت فيه
ماري:انا كان نفسي تعترف من أول يوم شوفنا فيه بعض .. مش في تاني سنه يا رخم
راغب بضحك:أول يوم أيه بقي .. أحنا هنشتغل بعض
ماري:بس انا من أول ما عيني جت في عينيك قلبي أتخطف ، و لما أكتشفت أني بحبك ، أتأكدت أني حبيتك من أول نظره
سكتت ماري و أتنهدت ، و سرحت في أبتسامه راغب .. و بعد ثواني أتكلمت:
ماري:راغب أنت ما حبتنيش من أول نظره ؟
راغب:و الله ! هو انا لما أعترفتلك ب حُبي ليكي ، قولتلك أيه بعدها ؟
ماري:أمممم قولتلي حبيتك من أول نظره
راغب:طيب كويس ، أنتي اللي جاوبتي علي نفسك أهو
أبتسمت ماري إبتسامه كُلها حُب ، و غمضت عينيها و هي نايمه علي كتف راغب ، و سرحت في الماضي..
( روايات بسوم )
***************فلاش باك*************
ماري و راغب في تانيه ثانوي...
عدت سنه أولي عليهم و بقوا أصحاب جداً ، و بياخدوا مع بعض كل الدروس .. بس مش بيتكلموا خارج حدود الدرس ، و لا بيشوفوا بعض في أي مكان تاني كمان.
و في يوم ، ليلة آخر أمتحان في أول ترم من تانيه ثانوي .. كان راغب و ماري في الدرس .. و بعد ما الحصه خلصت ، و المكان فضي عليهُم .. وقف راغب يتكلم مع ماري شويه كالعاده:
راغب:مذاكره كويس بقي ولا أيه ؟
ماري بحماسه:طبعاً .. ما أنت عارف أني شاطره
راغب:أيوه طبعاً عارف ، و واثق أنك هتشرفينا
ماري بضحك:ما تقلقش .. بس مش المفروض انا بس اللي أشرفنا
ضحك راغب و أتكلم:
راغب:أومال مين تاني ؟
ماري:أنت كمان .. يعني انا و أنت نشرفنا
راغب:أمممم و أنتي عندك شك أني هشرفك ؟
ماري:لا طبعاً .. بس زياده تأكيد يعني
راغب:لا يا ستي ما تقلقيش
ماري:ماااشي ، لما نشووف
راغب:هتشوووفي
ماري بضحك:أوووك .. يارب نفضل شاطرين كده في سنه تالته كمان ، عشان نفسي أدخل حقوق و أبقي مُحاميه
في اللحظه دي ضحك راغب جداً ، و أتكلم:
راغب:شاطرين و نفسك تبقي مُحاميه ، أزاي يعني .. يا بنتي حقوق دي بتاعة الفشله
ماري بغيظ:و شرطه يعني بتاعه النبغات .. ما بتوع الشرطه فشله بردو
راغب بضحك:فشله بس ليهم وضعهم
ماري:و انا هدخُل حقوق بقي ، و هيبقالي وضعي بردو
راغب بغلاسه:طيب يا ستي نتعشم .. و بعدين ما تجزيش علي سنانك أوي كده
ماري:أنت رخم يا راغب
راغب بضحك:و أنتي عسل أوي و أنتي متعصبه
ماري:لا انا مش متعصبه بقي .. بس أيه رأيك اني هجيب 99% و هدخل حقوق بردو .. عشان ما تقولش عليا فاشله
راغب بحنيه:حتي لو جيبتي 50% ، انا مش شايف حد ولا أحسن ولا أذكي ولا أشطر منك في الدنيا
في اللحظه دي .. أتنحنحت ماري بخجل ، و أتكلم:
ماري:يعني انا مش فاشله
راغب:لا طبعاً
ماري:طب توعدني ما نجيبش أقل من 90% ، عشان لما انا أدخل حقوق و أنت تدخل شرطه ما نبقاش فاشلين
راغب: أوعدك .. بس أنتي توعديني ما تبعديش عني عشان أقدر أذاكر
ماري:انا مش هبعد عنك .. بس حتي لو بعدت يعني ، أنت لازم تذاكر و تنفذ الوعد
راغب بلهفه:لااااا ما تقوليش كده .. أنتي لو بعدتي عني مش هقدر أعمل أي حاجه في حياتي ، ولا هقدر أذاكر و لا أفتح كتاب حتى
ماري بتفكير:أمممم و أيه علاقة وجودي معاك بمذاكرتك بقي ؟
راغب:يعني أنتي ما تعرفيش ؟
ماري:ما أعرفش أيه ؟!
قرب راغب منها في اللحظه دي ، و مسك أيديها ، و ماري من الصدمه ماقدرتش تتحرك .. ولا قدرت تشيل أيديها من أيديه ، ولا قدرت تفارق عينيها من عينيه .. فضلت بس ساكته و بتسمعه:
راغب:لما يبقي حد بيحب حد ما بيعرفش يعمل حاجه و هو بعيد .. و لما حد يبقي بيحب حد ما بيشوفش الدنيا من غيره .. و لما حد يبقي بيحب حد بردو ما بيعرفش يذاكر و هو بعيد عنه .. عرفتي بقي أيه علاقة وجودك بمذاكرتي ؟؟
في اللحظه دي .. فاقت ماري من شرودها في عيونه ، و حاولت تبعد عنه.
ماري:راغب ، أيدي..
و قبل ما تبعد عنه ، كان قال الكلمه اللي صدمتها ، و وقفتها مكانها.
راغب:انا بحبك
بصتله ماري ب صدمه ، و ما قدرتش تتكلم ولا تتحرك .. بس ردها وصل من رعشه أيديها .. و راغب أتكلم تاني:
راغب:ماري ، انا بحبك
ماري في صدمه ، و مش عارفه ترُد .. و راغب مركز في عيونها جداً ، و بعد ثواني أتكلم:
راغب:ماري
في اللحظه دي ، ردت ماري برعشه:
ماري:قولت أيه ؟
راغب:قولت ما أقدرش أعيش من غيرك
ماري:لا مش دي
راغب:بحبك
في الوقت ده ، سحبت ماري أيديها من أيد راغب ، و جريت من المكان بسرعه .. في اللحظه دي ضحك راغب أوي ب فرحه ، و أتكلم بصوت عالي:
راغب:أستني يا مجنوووونه رايحه فييين
( روايات بسوم )
****************************************
فاقت ماري من ذكرياتها ، و هي بتضحك من قلبها .. بصلها راغب بضحك و أتكلم:
راغب:بتضحكي علي أيه يا مجنونه
ماري بفرحه:أفتكرت نفسي و انا بجري أول مره قولتلي فيها بحبك
ضحك راغب جداً ، و أتكلم:
راغب:ده أنتي مجنونه
ماري:ليييه يعني
راغب:يا بنتي اليوم ده كان بعده في أجازه أسبوعين .. و أحنا ما كُناش بنتكلم في التيلفون ولا حاجه ، و مش بشوفك إلا في الدروس و بس .. و أنتي جريتي و سيبتيني ، و قعدت أسبوعين هتجنن لحد ما الترم الجديد بدأ
ماري بضحك:أيوه عارفه
راغب:و هو ينفع كده يعني
ماري:أيوووه ينفع .. تستاهل
راغب:مش بقولك مجنونه
ماري بحُب:أحم .. مجنونه اها ، بس بيك
أبتسم راغب بفرحه ، و غمز لها و أتكلم:
راغب:و انا مجنون بمين يعني
ماري بإستعباط:أممممم ما أعرفش .. هو أنت مجنون بمين صحيح ؟
في اللحظه دي .. قرب راغب منها و بص في عيونها ، و أتكلم:
راغب:يعني أنتي ما تعرفيش مجنون ب مين ؟
ماري بدلع:لااا
راغب:طب بصي يا ستي..
في الوقت ده قاطعته ماري بإندفاع و كسوف:
ماري:راااااااغب .. مش هنروح لماما بقي ولا أييييه
راغب بضحك:لا ، مش هنروح
ماري:أخص عليك يا راااغب
راغب:هقولك حاجه بس
ماري:أيه ؟ قول
راغب:...
( روايات بسوم )
*****************************************
في أوضه إبتهال...
رنيم و إبتهال قاعدين مع بعض ، و فجأه رنيم صرخت و أتكلمت:
رنيم:إبتهااااال .. أبعدددي ، ما تجييييش هنا .. ألحقوووووني ، حد يلحقققنني .. يا راااااغب
في ثواني ، كان البيت كله أتجمع في أوضه إبتهال .. و راغب أتكلم بلهفه:
راغب:في أيه يا رنيم ؟؟ أنطقققي
رنيم قاعده قُدام الشباك في الأرض ، و بتعيط .. و إبتهال واقفه عند السرير بتترعش و مش بتتكلم:
رائد:طب حد يتكلم .. قولوا في أيه ؟؟
رنيم مُستمره في العياط ، و إبتهال بتترعش و مش بترُد .. في اللحظه دي أتكلم راغب بعصبية:
راغب:الله !!! هتفضلوا ساااااكتين كده يعني ولا أييييه ؟؟؟؟
نائل:ما حد فيكوووا يتكلم بقي ، حيرتوناااا
ماري:بس يا راغب ، بس يا جماعه مش كده .. باين عليهُم مخضوضين من حاجه
سكتت ماري ، و مشيت من جنب راغب ، و راحت حضنت إبتهال و قعدتها.
أول ما شاف راغب ماري عملت كده ، مشي و راح علي رنيم ، شالها و نيمها علي السرير .. و بص لماري و أتكلم:
راغب:روحي يا ماري قولي لهدير تجيب ليهم عصير
ماري:حاضر
نزلت ماري ل هدير بسُرعه ، و راغب قعد جنب إبتهال و أتكلم .. و رائد و نائل واقفين:
راغب:ممكن بقي نفهم في أيه ؟
رنيم بعياط:عفاريت .. عفاريت يا راغب
نائل و رائد بصوا لبعض و رائد ضحك و أتكلم:
رائد:عفاريت أيه يا بنتي .. أنتي هبله ؟
نائل بضحك:عفاريت أيه صحيح !
أتعصبت إبتهال جداً ، و أتكلمت بإنفعال:
إبتهال:لو سمحت يا راغب خليهُم يسكتوا
راغب:..
و قبل ما راغب يتكلم قاطعه رائد:
رائد:حاضر يا ستي هنسكُت .. ما هو راغب أخوكي ، و أحنا اللي ولاد البطه السوده
بصيتله إبتهال بغيظ و ما رديتش عليه .. و بصيت لراغب و أتكلمت:
إبتهال:رنيم عندها حق يا راغب .. في عفاريت في البيت ، انا شوفت ب عينيا
أتصدموا كُلهُم من كلام إبتهال ، و أتكلموا في لحظه واحده:
- أزااااي يعني ؟؟؟!!
إبتهال بخوف:ما أعرفش .. رنيم كانت قايمه تُقف في الشباك عادي .. و أول ما رفعت الستاره شوفنا خيال حد ، بس مش بني أدم شكلُه شبح كده و..
قاطعتها رنيم:إبتهال شافتُه بس .. لكن هو بصلي انا .. عينيه كان شكلها غريب كده ، و بعدين طار و أختفي
ضحك نائل ، و أتكلم:
نائل:طار !! ده غُراب
رنيم بعياط:لا و الله ، لا مش غُراب .. ده كبير أوووي ، في حجم ولد عنده 10 سنين مثلاً
رائد بإستغراب:أزاي ده !
راغب:أسكت أنت يا رائد .. انا مصدقها ، عشان دي مش أول مره رنيم تقول فيها كده
إبتهال بإندفاع:بس المرة دي انا شوفته معاها
راغب:ربنا يستر
رنيم:أحنا لازم نمشي من هنا يا راغب
راغب:اها .. شكلها كده هنمشي من هنا
نائل بإندفاع:أيييه ده ؟ أزاااي يعني ! هو النقل من بيت ل بيت سهل كده !!!
راغب:و فيها أيه يعني يا نائل ؟
نائل بإرتباك:الموضوع صعب يا راغب .. و بعدين المفروض ناخد الخطوه دي ، لما كل واحد فينا يستلم ورثه
راغب:و الله ؟ و ده ليه بقي ! أيه علاقه أننا نروح بيت تاني ب الورث ؟!!
نائل:عشان نبقي مُستقرين ، و نعرف كل واحد ليه أيه ب الظبط
راغب:أممممم ربنا يسهلها يا نائل
في اللحظه دي أتكلم رائد بسرعه ، قبل ما نائل يتكلم:
رائد:عادي يعني يا جماعه .. لو الموضوع أتكرر كتير يبقي لازم نمشي ، لكن مش من مره ولا أتنين هنسيب حياتنا بقي ، ولا أيه ؟
راغب:هشوف..
قاطع كلام راغب دخول هدير و ماري الأوضه .. بصلهم راغب و أتكلم:
راغب:حطي العصير هنا يا هدير
هدير:حاضر يا راغب بيه
حطيت هدير العصير و مشيت .. و مسك راغب العصير ، و عطاه ل رنيم و ل إبتهال .. و أتكلم:
راغب:أشربوا كده العصير و أهدوا .. و لو عايزين تغيروا الأوض بتاعتكوا لحد ما نغير البيت كله ، انا ما عنديش مُشكله
إبتهال:لا ما فيش داعي .. ربنا يسترها لحد ما نمشي بقي
راغب:خلاص ماشي .. أهدوا كده بس و أخرجوا اقعدوا برا شويه .. عشان انا مُضطر أروح ألبس دلوقتي انا و ماري ، لأننا رايحين ل مامتها
إبتهال:ماشي يا حبيبي .. تروحوا و ترجعوا بالسلامه إن شاء الله
راغب:ربنا يخليكي يا حبيبتي .. يالا عايزين حاجه مننا ؟
أبتسمت رنيم و إبتهال ، و أتكلموا مع بعض:
-لا ، سلامتكوا
ردوا راغب و ماري:
- الله يسلمكوا
في اللحظه دي أتكلم رائد:
رائد:هنزل تحت انا و نائل بقي
إبتهال:ماشي
راغب:و أحنا كمان بقي .. يالا يا ماري
ماري:ماشي يا راغب يالا
نزل رائد و نائل .. و مشيوا راغب و ماري ، و دخلوا علي أوضتهم .. و نامت إبتهال جنب رنيم.
( روايات بسوم )
بعد نص ساعه باب أوضه إبتهال خبط ، و إبتهال أتكلمت:
إبتهال:أدخل
فتح راغب الباب ، و دخل و هو شايل كنان و معاه ماري .. و أتكلم:
راغب:أحنا نازلين دلوقتي
إبتهال بحُب:توصلوا بالسلامه يا حبيبي
راغب:الله يسلمك يا حبيبتي .. عايزين حاجه نجيبهالكوا معانا و أحنا جاين ؟
إبتهال:لا شكراً .. سلامتكوا يا حبيبي
راغب:طب و أنتي يا رنيم مش عايزه حاجه ؟
رنيم:لا يا حبيبي شكراً .. هات بس كنان نبوسه
راغب بضحك:بس كده ؟ خُديه كُله
رنيم:ياااريت .. بس ماري مش هتوافق
ماري بضحك:لا هوافق .. خُديه و ريحيني منه شويه
ضحكت رنيم ، و أتكلمت:
رنيم:يا حبيبتي ربنا يخليهولك يارب
ماري بفرحه:يارب يا نيمو ، و يخليكوا ليا
رنيم:يااارب .. يالا بقي عشان ما تتأخروش
ماري:خلاص ماشي
أخدوا رنيم و إبتهال كنان باسوه ، و سلموا علي ماري و راغب .. و خرج راغب و ماري و معاهم كنان.
و بعد ساعه كانوا وصلوا عند بيت منال " والدة ماري "... نزلوا من العربيه ، و دخلوا البيت و خبطوا علي الباب .. و أول ما الباب اتفتح..
......................
#بسمه_ممدوح