My Ghost Lover || K.TH Ft SANA

ABKMEP 6※

Dinala ako ni Hoseok sa isang abandonadong bahay, medyo malayo ito sa amin kaya sumakay pa kami ng cab papunta roon.

"Sigurado ka bang nandito siya?"
Tanong ko kay Hoseok habang tinititigan ang isang magandang bahay ngunit napabayaan na.

"Oo naman! Halika ka na dali! Nasa loob ang Bf mo." Hinatak niya ako paakyat, madali naman akong nakapasok dahil hindi naman nakasara ang pinto. Hinatak ko ang bestida ni Hoseok nang makaramdam ako ng kakaibang lamig nang makapasok ako sa lumang bahay na iyon.

"Hoseok, natatakot ako." Sabi ko sa kanya.

"Wag ka mag-alala nandito ako, tyaka akala ko ba nag-aalala ka kay jowa mo? Tara na dalian na natin!"
Hinatak na niya ako paloob hanggang sa makarating kami sa salas.

Magulo ang bahay, sira sira na ang mga gamit, puro alikabok na rin sa loob. Alam mo yung mga bahay sa zombie movies? Ganun ang itsura.

Nakita ko siyang nakaupo sa isang sulok habang yakap-yakap ang mga binti nya. Agad ko naman syang nilapitan.

"Bf ko! Andito na ako."

--------------------------------------------------------

Bf ko's pov

"BF KO, andito na ako."

Bigla akong natauhan nang marinig ko ang malambing na boses ni Yhaly, tiningan ko siya at halatang halata sa mukha niya ang pag-aalala. Sa likod niya nakita kong nakatayo si Hoseok.

"Pa'no n'yo nalamang nandito ako?"
Tanong ko sa kanila.

"Hinanap ka namin ni Yoongi, kasi itong si Yhaly ay nababaliw na kahahanap sayo alam mo ba yun!"
Si hoseok ang sumagot sa tanong ko.

Tinitigan ko ulit si Yhaly.

"Sorry Gf ko, hindi na muulit, hindi na ulit ako mawawala sa tabi mo."
Niyakap ko siya, naramdaman kong tinugon nya ang yakap ko at mas mahigpit pa.

"Okay lang, basta next time pag mawawala ka nang bigla, bumalik ka agad huh! Ayokong mawala ka sa akin. " Para na siyang maiiyak kaya niyakap ko muli siya.

Naabala ang sweet moments namin nang may narinig kaming bumagsak, sabay-sabay kaming napalingon.

Agad na tumayo si Yhaly upang tingnan at nung nakita kong yung picture frame ang nalaglag ay madali akong tumayo upang pigilan siya, nguni't huli na ako dahil hawak-hawak na niya ito.

"Teka, BF KO, kamuka mo 'tong nasa frame huh! Di kaya, dito ka dati nakatira?"  Kita ko ang pagka-bigla sa mukha niya. Pero wala kong planong sabihing may naaalala na ako.

Flashback 7 months ago

Galing ako sa opisina kung saan ako nagta-trabaho. Pagod na ako at gusto kong magpahinga pero nagugutom din ako kaya nag-init muna ako ng tubig para sa noodles na kakainin ko. Hindi kasi ako marunong magluto, madalas ay sa labas ako kumakain. Nakaupo ako sa couch habang naka-on ang t.v nang may narecieve akong mensahe.

"Naka-uwi ka na ba? Pahinga ka na okay! Kita ulit tayo bukas kapag may time ka! I love you! *^O^* "
Mensahe sa akin ng girlfriend ko.

Di naman sa mayabang pero gwapo ako, mabait, kwela, matalino at higit sa lahat dedicated sa trabaho. Pero may isang bagay akong pilit na itinatago sa mga tao yun ay ang ---

Naputol ang malalim kong iniisip ng marinig kong sumipol ang takure na pinag-initan ko ng tubig.  Nilagay ko ito sa cup noodles at tinakpan saglit. Pumasok ako sa kwarto at nagpalit. Matapos n'yon ay bumalik na ulit ako sa sala nang biglang may nag door bell.