El Mahica Academy: Enchant School

PROLOGUE

Minsan nang umalis, muling babalik.
Minsan ng nawala, muling makikita.
Minsan ng naging masalimuot, ngunit makakamit ang kaligayahan.

Ngunit bago makamit ang kaginhawaan kailangan matalo ang kasamaan.
Kailangang wakasan ang paghihirap at kailangang wakasan ang kadiliman na bumabalot sa puso.

Isang Licanian na may lahinf Darkenian ang tatapos sa kaguluhan.
Sya ang tarapos sa nasimulang digmaan.
Sya ang ang magsisilbing instrumento upang wakasan ang kasamaan.

Upang matapos ang digmaan, kailangan nyang ibuwis ang kanyang buhay upang makamit ang kapayapaan nang sanlibutan.

***

Isang libong taon na ang nakakalipas... ang lahat ng tao sa mundo ay may mga kapangyarihan pa o tinatawag pang Magus.

Ngunit nang magsimula ang digmaan sa pagitan ng kabutihan at kasamaan...

Marami ang nawalan at sinagad ng sukdulan ang kanilang kapangyarihan.

Namuhay nang magkahiwalay ang mga walang kapangyarihan at ang mayroon.

Napagdesisyunan ng mga Charmers na ihiwalay ang kanilang mundo kung saan naninirahan ang mga may kapangyarihan upang maiwasan ang gulo. Ngunit nagpatuloy ang labanan ng magkabilang kampo.

Lumipas ang mga panahon.

Tuluyan ng nakalimutan ng mga tao ang tungkol sa kabilang mundo. Ang mundo ng mahika...

Kahit mabuti ka o masama. Walang makakaligtas sa batas ng kalikasan...

Sa batas ng Dyos.

Sa oras na masaid ang kapangyarihan sa katawan mo mawawala ang iyong alala at makakalimutan mo ang mga nangyari. Iyan ang parusa sa mga taong nilulubos ang biyaya ng kalangitan sa kanila...

●○●○●
Sa kabila mg digmaan ay isisilang ang nakatakdang tumapos dito.

Isisilang ang batang babae na pagkakalooban ng lahat ng kapangyarihan dahil sa nananalaytay sa kanyang dugo.

Dugo ng isang Licanian at Darkenian ang nanalaytay sa kanya.

Sya ang itinakda ng mga Dyos.

Sya ang itinalaga.

Sya si Alaira Danae Zuneria.