My Guy (series)

Official 6

Busy kami sa Fashion week at naghahabol kami ng oras sa pananahi, Nagkaroon pa ng aberya dahil ang isa sa mga suppliers ng Couture nagkaroon ng problema kaya hindi sila nakapa-deliver ng mga tela. Ang problema namin ngayon saan kami kukuha ng mga tela.

“Guia natawagan mo na ba si Laura?”tanong ko kay Guia dahil may sinuggest si Laura sa amin noon na pwedeng mag-supply ng tela sa Couture ng minsang makausap namin siya ni Shiela noon sa Italy. May Fashion showcase kasi noon sa Italy at kaming dalawa lang ni Shiela ang lumipad noon sa italy at si Laura naman pumuntang italy para sa Wine auction.

Remember Laura Chua? Finn’s girlfriend (which is one of TJ’s bestfriends) nung nagkita kami sa Italy noon mag-asawa na sila ni Finn. Siya lang ang nakakita sa akin pero si Finn? Tanga rin yun tulad ng bestfriend niya kaya hindi niya ko nakita tulad ng asawa niya.

“Yes she already called at sinabi niya sa akin tawagan mo raw itong number na ito para makausap yung CEO ng kompanyang iyon.”sabi ni Guia at may inabot sa akin na post it note, Agad ko naman iyong kinuha at dinial sa phone ko para tawagan. We’re in rush and we badly need those fabrics for Summer Season in this Fashion Week.

After ng ilang rings, Agad akong sinagot ng nasa kabilang linya at pinapapunta nila ako sa Company nila para makausap ko raw yung CEO ng company nila para sa deal na isa sila sa magiging suppliers ng Couture Line. May tinapos lang akong ilang works bago ako umalis at tumuloy sa appointment ko sa CEO ng kompanyang iyon.
 

Agad kong nakita ang building ng Company na magsusupply sa Couture. Napamura na lang ako ng makita ko ang malaking Logo ng GGC sa Entrance at tuktok ng 14th floor ng building na ito. The Gonzales Group of Companies, Nahampas ko ang manibela ko at agad kong tinawagan si Shiela at Guia pero patay ang mga phones nila.

Pinark ko ang sasakyan ko sa Parking Lot ng GGC Building. Asar na asar akong lumabas ng sasakyan ko at naglakad papunta sa elevator dito sa Parking Basement. Humanda sa akin si Shiela at Guia dahil hindi nila sinabi sa akin ang tungkol dito.
 

Papasara na ang elevator ng may kamay na humarang sa pinto at agad na pumasok.

“Oh my gosh! Miss Fuentabella.”it’s her, Lyka De Guzman. Pumasok siya sa loob ng elevator at ang laki ng ngiti niya, Napatingin ako sa kanya at may dala siyang purse and paper bag na sure akong pagkain ang laman.
 

Pipindotin niya sana ang button ng floor na pupuntahan niya ng mapansin kong natigilan siya, Kanina ko pa kasi pinindot ang floor na iyon dahil iyon ang sinabi sa akin ng kausap ko kanina sa phone bago ako tumuloy dito. Kitang-kita ko kung paano ako tignan ni Lyka ng hindi man lang ako tumitingin sa kanya. Malamang nagtataka siya kung bakit ako nandito sa isa sa kompanya ng mga Gonzales.

“Miss Fuentabella, May business ka ba sa kompanyang ito?”tanong sa akin ni Lyka, I want to tell her it’s not her business but i don’t want to be rude so i told her yes. After that wala na siyang ibang tanong, Tahimik lang kaming naka-sakay dito sa elevator.

Nang tumunog ang elevator hudyat na nakarating na kami sa floor na pupuntahan namin nauna akong lumabas. Agad akong pumunta sa secretary’s desk na nasa labas ng pintuan ng Office ng CEO nitong kompanyang ito.

“I am the owner of Couture Clothing Line.”iyon na lang ang sinabi ko at pinapasok niya ko sa loob ng Conference room imbes na sa office ng CEO.
 

Pagpasok ko palang naabutan ko siya na nakaupo sa harapan at nasa gilid naman niya ang isang lalaki. Napatingin silang dalawa sa akin pagpasok ko.