قصتي!!!

1

وفيقي اديك النعاسا راه غدي نموت بالجوع .وخرجي بعديني واش مبقا لي ينعس فهاد الدار حتا نهار الحد ،مشات حلات الشرجم وخرجات،اه حرام عليك انيهال عرفاني مكنحملش الضو دبا غدي نوض بسيف عليا
آه اصبحنا واصبح الملك لله
سلام آه سمحولي زربت عليكوم
انا ملاك 20سنة قصيورة شوية فورمتي زوينة سكسي "قمة التواضع"هه شعري قهوي واصل عند الخصر ديالي عويناتي عسليين وعاديين آه وعندي تقيبات الزين فالخدود ديالي بزوج كنقرا فمجال تسسير المقاولات هدا العام التالي ديالي نشاء الله نجاح عيشا مع الا والاخت ديالي فمدينة الحسيمة ولاكن الاصل ديالي من مدينة تازة
الم ديالي اسمها فاطمة مثال للام المكافحة والمثالية هي فعقدها الرابع
اما الشنيولة ديال ختي فهي نيهال عندها 18 سنة ههه مسكينا عندها الباك هاد العام ختي هي التناقض ديالي انا وياها مختالفين بزاف شكلا و فكارا هي طويلة ورقيقة وشعرها كحل وسميمرة ولاكن عزيزة عليا حيت هيا لي بقات لي من الاب ديالي لي مات ملي كانت عندي10 سنين
اوا نوض نشوف ديك الشنيولة قبل ما ترجع تفرع ليا راسي هههه
انا:اوا هاني فقت كاين شي فطور الالة ولا فيك غير الهدرة
نيهال:مالكي سحابليك خدامة عندك ودوزي ديري متخشي فوجهك
انا: ياك واخة الالة اوا انا نوجد الفطور مي والله حتا نتي تغسلي الماعن
نيهال: ههه اوكي اوا طلقي راه فيا الجوع وباقي تابعاني الحفاظة
مشيت غسلت وجهي هه وقاديت شعكاكتي لي كانت كتخلع ودخلت الكوزينة نوجد الفطور "اه نسيت نقول ليكوم هوايتي هي الكوزينة والله ههه" درت فطور زوين وفطرت انا وديك الحمقة هي ناضت غسلات الماعن وانا قاديت الدار ودرت الغدا طاجين ديال الزيتون بالحامض وشلاضة خفيفة وتغدينا غير بجوج حيت الام ديالي كترتاح من الخدمة نهار الخميس مشي الاحد كملنا جمعنا داك الشي نيهال مشات تراجع معا صاحبتها لي ساكنا حدانا وانا جا الوقت المفضل ديالي دخلت البيت ديالي اول حاجة درتها هي سديت الشرجم ودرت الظلام فالبيت اه مكنحملش الضو والله كيوترني كرتاح فالظلام وكنقدر نسرح بالخيال ديالي بزاف ونفكر فكل حاجة ماعلينا هه خديت الحاسوب ديالي وقاديت بلاصتي اول حاجة درت موسيقى ودرت ليكيت هه ياكما نويتو غدي نراجع ولا غدي نخدم شي tp هه لا انا كنكره داك المجال لي كنقرا والله فيه بزاف ديال البروتوكول ههه موهيم حليت الفايسبوك ديالي ندرب دويرة كيف ديما انا فالفايسبوك دايرة بحال داك الموظفين الاشباح مكنتفاعلش بواف ومكنديرش جيم ولا كمونط نو انا غير كنراقب ههه ايوا كيف ديما اول واحد غير شافني فتحت بدا بالميساجات شكون من غير الحميمقة ديالي نوال هي صاحبتي بالروح وختي وكلشي هي كتقرا فلافاك دايرة ادب انجليزي هه ناس بغاو يهاجرو لامريكا هه آه شحال حلمنا بزوج
نوال: افين اختيتو ،توحشتك ،
انا : وينو حتا انا اختيتو ديالي
نوال : ختيتو بغاك تخرجي معاي ضروري هاد العشية اش بان ليك
انا:حرام عليك والله مفيا لي يخرج
نوال: عفاك عفاك عفاك
انا: ههه اوكي أالحوب هه عارفاني منقولش ليك لا
نوال: ايوا نوضي وجدي راسك وحالي داك الشرجم هه تبانيلي باغا تنعسي
انا:(انا ونيهال سكنين حدا بعضياتنا) نضت نوجد راسي صايبت شعري درتو عادي ولبست كسيوة طويلة فالابيض وجاكيت ديال الجينز وصندالة بلا فالازرق والابيض اما الميكب هه مكنعرف منين نبداه درت غير قلم العين وعكر فالغوز مجيت نكمل حتا وصلات الحمقة ديالي هه هزيت صاكي وساروتي وخرجنا
انا: ايوا فين غدي تدينا
نوال: فين فنظرك كيف ديما
انا : والله حتا حشومة عليك هه دوك القساريات وداك مالين الكسوة حفضونا ههه نقيسو 20 لبسة ونديو وحدة وليت نحشم
نوال:ايوا لي مشرا يتنزه اختي ههه
مشينا دخلنا وبدينا ندورو مخلينا حتا محل مدخلنا ليه وقيسنا اي حاجة بانت لينا ولحسن الحظ جينا فترة ديال التخفيظات هدا علاش شرينا هاد المرة ههه نوال شرات تجينات و قمجات وكسيوات طوال وصبيبيط وصندالة حيت كنا مقبلين على فترة ديال الصيف اما انا حيت كان قريب وقت السوتنونس عندي ختاريت لباس رسمي لي عبارة على سروال توب فالاسود وقمجة فالابيض وجاكيت فالاسود وصباط اسود عالي واحد سروال خفيف صيفي فيه وريدات وشوميز خفيف زرق بارد وكلاكيت ايوا كملنا مشينا كلينا ورجعنا ودعتها حيت غدا كان خصها تمشي لمدينة وجدة حيت حسيمة مفيهاش لفاك غدي نتوحشها حيت غدي طول هاد المرة علا حساب الامتحانات
طلعت للدار لقيت ماما جات وحتا ختي اول حادة درتها دخلت للدوش المكان لي كنرتاح فيه دوشت وخرجت صليت لي عليا ومشيت راجعت شويا ونضت تعشيت دبا وقت النعاس كنت عيانا نعست دغيا
آه اصبحنا واصبح الملك لله .نضت دغيا صايبت شعري ومشيت فطرت لقيت نيهال وجدات فطور حتا هي قارية رجعت لبست عادي هبطت مشيت نتسنا الطوبيس دايرة لكيت كيف ديما جا وطلعت كان الزحام بزاف اوف مفيا لي يسمع نكير داك العساس تاني الحمد لله ملي وصلت مكانش فالباب تسلت ودخلت قريت الحصص ديالي وعلمونا بنهار السوتنونس صافي رجعت للدار
توالت الايام نفس الروتين ونفس الملل الوحيدة لي كانت تخرجني من هاد الحالة بعيدة دبا عليا نوالتي الحمقة
هاد النهار كان اليوم الموعود اه منعستش ليل كامل الخلعة والخوف من الفشل ياربي تعاوني
نضت دغيا من بلاصتي دوشت وصليت ولبست داك اللبس لي كنت شريت قاديت شعري مرولي حاولت نقاد ميكب تقيل شوية وخا مكنعرفش جيت بحال شي مديرة هه كنحمق اول حاجة درت سلفي صافطتو لديك الحمقة هه وهزيت الحاسوب وخرجت بعد ما فطرت كانت فيا واحد الخلعة فشكل حيت ديما الخوف من الفشل ومن الهدرة قدام الناس وبالاخص بالفرنسية اللي انا مكنتقنهاش بزاف كان ديما مسيطر عليا اوفف
وصلت للمركز ودخلت القاعة هه كلشي كان يشوف فيا بالاخص الدراري والمسمومات لي كيقراو معاي صدمتهوم حيت معمر شافوني هكا دازو بزاف ديال التلاميذ قدامي اما انا مكنتش معاهوم تمنيت تشق الارض وندخل فيها وانا غارقة فالخوف ديالي حتا سمعت سميتي نضت وانا كلي كنتفتف حاولت نركز ونقدم العمل ديالي وهدا لي درت المد لله ساليت وخا مكنتش راضية على راسي مي نتمنى يتقبلو افكاري داز داك النهار كلو خايب
دازت الايام عادي وداز حتا الامتحان خدمت لي قديت عليه واليوم النتائج نضت صباح بكري ومشيت المركز وكلي امل وخوف فنفس الوقت الحمد الله لقيت الاسم ديالي فالسبورة مفداتني فرحة رجعت نجري للدار باش نكمل الفرحة ديال ماما حيت حتا ختي دات الباك ديالها ملي قلتها ليها فرحاااتت بزاف مسكينا وحتا نوال كانت فاليدات والحمد الله نجحات ورجعات للحسيمة
دوزنا ديك الايام ديال الصيف غير الدوران والبحر انا وختي ونوال
اليوم مقديتش نخرج دوزت نهاري غير فالفايسبوك حتا جات عيني علا واحد خينا شابع عياقة ومخلوع فراسو كترة البوزات وكل نهار بسيارة جديدة صارحة اش نقول ليكوم كيحمق هه اول مرة ندير جيم اه درتها لكاع التصاور لي نزل بلا منحس هه درتها وكنت نتسنا انه يصافط ليا رسالة ولا مي مدار حتا ردة فعل الشي ليعصبني بقيت نقلب ونشوف اي معلومة عليه وتمنيت فخاطري توقع شي معجزة ونكون حبيبتو ههه ملي رجعت الوعي ديالي نعلت الشيطان وخرجت من الصفحة ديالو عرفت راسي عيقت هاد المرة فالخيال ديالي هه طفيت داك المشقوف هه وحاولت ننعس ولاكن كانت الصورة ديال داك التيتيز كدور فبالي آخ قلبي لا يتحمل هذا دازت ايام الصيف بحرارتها واجوائها المرحة ودبا جا وقت ندبر على سطاج ولا خدمة كان شهر 9
تتمة