دازت ثلاث ايام على الخطبة ..واليوم مامات عثمان <لالة لطيفة>وختو <سهيلة >رجعو عند ملاك لدارهوم وجابو ليها بزاف ديال حوايج ...الشيء لي معجبش ملاك ..
ملاك:خالتي شكرا بزاف ولكن سمحيلي هاد الشي بزاف وانا منقدرش نقبلو
لطيفة:لا ابنتي هادي قاعدتنا ونتي دبا بحال بنتي وولا باغياني نتقلق منك
ملاك:ولكن..
لطيفة:مكاين بو ولكن صافي مغدي نقبل منك حتا عدر
ملاك تحت سنانها:اوف هاد العائلة كلها ديكتاتورية
سهيلة:قلتي شي حاجة
ملاك:ا لالا والو قلت غير لي بغيتي اخالتي
لطيفة ايوا هكدا ابنتي الله يرضي عليك ..ايوا يالاه نوضي وجدي راسك باش نخرجو انا وياك وسهيلة
ملاك:فين غنمشيو
لطيفة:حتا لتما وغادي تعرفي ايوا سربي ابنتي يلاه
ناضت ملاك وهي كتجنن مقدها عثمان دبا زادتها حتا ماماه وحتا ديك ختو لي فيها الطيران والهدرة كتر من خوها ..لبسات عليها دغيا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وخرجات مشاو فالطموبيل ديال سهيلة ..وصلو لواحد القيسارية كبيرة ..وملاك مزال مفاهمة والو غير كضور فعينيها
لطيفة:يلاه نزلي ابنتي
نزلات ملاك وغير تابعاهوم حتا وصلو لعند صحاب المجوهرات
سهيلة:هادا كايبان مزيان اماما ندخلو عندو
لطيفة:واخا اجي املاك
ملاك:علاش حنا هنا
لطيفة:واش نسيتي بلي غتزوجي وكل وحدة كتزوج كتشري مجوهرات
ملاك:لا عارفة غير بغيت نقول..
سهيلة:وناري املاك صافي زيدي اصاحبتي ياك نتي وعثمان كتبغيو بعضياتكوم ايوا متكونش عندك حساسية من هاد الامور
مزادت حتا كلمة ملاك وهي فخاطرها مكرهاتش طير على ديك سهيلة تنتفها ..دخلو وطلبو يشوفو الجديد ..جبد ليهوم هداك السيد كلشي طلبو من ملاك تختار لي عجبها ..وحتا هي دارت لي قالو مفيها لي يسمع كلامهوم تاني خداو داك الشي ومشاو لمحل ديال الملابس النسائية وهنا غدي تكون صدمت ملاك ديال بصاح ....
ملاك:سهيلة علاش جينا لهنا
سهيلة:هههه خويا قالها ليا
ملاك شداتها الفقصة وخرجات عينيها مكرهاتش يكون عثمان قدامها وتبرد فيه هاد الشي لي كايدير حطات راسها وتبعات سهيلة اما لطيفة مشات لواحد الكافي تما ترتاح
سهيلة :اجي نشوفو هاد غوب دو نوي
ملاك:لا بلاش راه عندي
سهيلة :نو انا عارفة دوق ديال خويا ههه وزيدي مالكي
اما ملاك غير كدور عينيها وكتفكر فهاد الوحلة تاني ..خدات سهيلة من كلشي فداك المحل وكلشي كان معري فوق القياس وغالب الالوان كانت فالكحل والموف والاحمر والزرق غامق وملاك غير لي سولتها سهيلة كتقول ليها اوكي ..وهي عارفة انها مغدي تلبس والو من هاد الشي حيت هدا غير زواج شكلي وصاف و انو عثمان دار ليها هكدا غير باش يعصبها ..مشاو عند لطيفة ورجعو لدار غير حطو ملاك وشدو الطريق لطنجة باش يكملو تحضيرات العرس
اليوم نهار العرس فاقت ملاك ونوال لي كانت ناعسة معاها ... فطرو منبعد ملاك دخلات دوشات وخرجات مشاو للصالون قادات شعرها هي ونوال وحتا ميكب ...رجعو للدار لبسات ملاك
أنت تقرأ
قصتي!!!
Romanceهادي اول مرة نكتب شي حاجة .هدي قصة مغربية فيها التشويق والحزن والحب ...... ههه قبلو عليا البنات
