تتمة....
آه يملاك حتا كتقولي خلاص قربت نرتاح وكيرجع كلشي من جديد ..اش غاديري دبا فين غتحطي الراس ...كلشي غدرك كلشي خلاك نتي اليوم بوحدك ...جا وقت الحسم نتي امام خيارين وخاصك تختاري واحد..واش تزيدي تكافحي وتكملي على قبل جاد...ولا تستسلمي لسليم وتخليه يتحكم فيك كيف يبغي ....
صاف حبسي البكا وقرري املاك معندكش وقت طويل....
كان الصباح طلع وهي باقي كتبكي فوق سريرها
ملاك:عاوني ياربي ياربي 😢😢😢😢😢
اما عثمان فاق بكري وخرج يدير رياضة الجري وفنفس الوقت كيفكر
واخيرا تحركات ملاك من بلاصتها دخلات لدوش وخرجات لبسات حوايجها وقادات راسها كانت كتحبس دموعها غير بزز ..خدات طموبيل وشدات الطريق للشركة ...غير دخلات مشات نيشان المكتب ديالها دارت جاع الخدمة لي كانت تسناها تما وفنفس الوقت كتطلب الله متشوفش كمارت سليم تما
وماهي إلا لحضات حتا تدق الباب ...
ملاك:اوووف معنديش النفس لي تشوف داك الكلب
دخلات السكريتيرة
ملاك:وي اشنو
السكريتيرة:آنسة جيت نخبرك بالحفل لي غيكون غدا من طرف شركة موسيو بناني
ملاك:تحت سنانها..مغنتفكش مهاد بناني ..
السكريتيرة:عفواا
ملاك:قلت ليك وأنا مالي اش دخلني
السكريتيرة:الحضور إلزامي من طرف جميع الأعضاء وكيف كتعرفي نتي المسؤولة على المشروع
ملاك:فهمت
خرجات السكريتيرة وخلات ملاك وسط اختبار جديد
ملاك:واش مغنساليش انا من هاد الشي عيييييييييييت مليييييت ومنين خرج هاد الزفت ديال الحفل ثاني ..اه اكيد كل من تحت راسك اعثمان انا كنعرفك مزيان لكن والله حتا غندمك غير بلاتي باغي تلعب ايوا مرحبا بيك
كملات خدمتها وجات خارجة واذا بيها كتلاقا مع سليم وجه لوجه
سليم:ملاك وأخيرا رجعتي لعقلك مرحبا بيك
ملاك:موسيو سليم السلام
سليم:كيفاش موسيو
ملاك:سمحلي اسيدي كملت خدمتي ودابا وقت خروجي حتا للغد فحفل عثمان البناني (دارتها بلعاني )
سليم:ايييه وليت أنا السي سليم هههه وهو عثمان ايوا اوكي ا مدام ملاك اه نسيت مدموزيل هههه
تعصبات من التلميحات ديالو وزادت وخلاتو ......
تاجهات لأقرب محل كيبيع ملابس السهرات باش تشري متلبس للغد ومنبعد مشات نيشان للدار ...قررات متفكر فوالو هاد الليلة ..دبرات علا فيلم كوميدي وجدات اش تاكل وجلسات مكمشة بوحدها وسط الظلام كتفرج حتا نعسات تما ....
اما عثمان فكان فرحان وكاره فنفس الوقت ..فرحان حيت غادي يشوف ملاك وكاره حيت غادي يشوف سليييم ..
مقدرش ينعس هز الطموبيل وخرج كيدور حتا وقف قدام دار ملاك ..وبقا شحال وهو تما وعنيه على الشرجم ....كان البرد وحتا الشتاء كطيح لكن مغيرات والو عثمان مقادرش ينعس بعيد عليها وفضل ينعس وسط الطموبيل هاد الليلة .....
وأخيرا طلع الصباح فاقت ملاك بكري
ملاك:اوووف فين نعست انا كلشي كيضرني ..
دخلات نيشان للدوش عمرات الماء سخون ودخلات فيه دوزات تما شي ساعة ولا كثر..
غير كملات مشات لمرايا وكتشوف آثار عثمان لي مبغاوش يمشيو ..وفغفلة منها ترسمات على وجها ابتسامة 😊
ملاك:اوووف ودبا اش غندير باش نحيد هاد الشي ..مكاين حتا حل مغير الميكب 😤😤😤
سمعات التيليفون كيصوني
ملاك: تفو شكون هاد المرض عند الصباح
هزات تجاوب ودخلات لمطبخ توجد قهوة
ملاك:وي مسيو سليم
سليم:غانتسناك بلاتي باش نمشيو بجوج
ملاك:لا اسيدي بلا متعذب راسك وتسناني غادي نجي بوحدي وأصلا خاصك تكون تما بكري ولا البناني مغيعجبوش الحال
سليم:لي بغيتي
قطع عليها والنار شاعلة فيه
سليم:اوكي املاك غير ديري وكثري
اما هي فرحات حيت تهنات من سليم دوزات نهارها عادي جدا حتا وصل الليل هزات الطموبيل تاجهات لأقرب صالون تقاد راسها...
وبالنسبة لعثمان فهو كان بقاعة الحفل وكيف العادة فأتم أناقتو وكلشي حاط العين عليه
أنت تقرأ
قصتي!!!
Romanceهادي اول مرة نكتب شي حاجة .هدي قصة مغربية فيها التشويق والحزن والحب ...... ههه قبلو عليا البنات
