ملاك:اي راسي اوفف لطيفة:غير خليك موركة ابنتي بقات ملاك غير كدور فعينيها ولطيفة كدوز ليها على شعرها ..حتا دخلت عندها سهيلة ببلاطو ديال الماكلة سهيلة:ملاك علا سلامتك يلاه نوضي تاكلي شوية ملاك:لا مافياش لطيفة:لا غير حاولي ابنتي سهيلة:صافي اماما غير خلينا بجوج وانا غانحاول معاها خرجات لطيفة وخلاتهوم جات سهيلة حدا ملاك .. سهيلة:اش وقع علاش عثمان دار ليك هاكدا ملاك:متجبديش ليا سميتو عافاك ..انا دخلت لبيتو لي ساد سهيلة:اويلي اش داك تما ياك حدرتك ملاك:اه ولكن بغيت نعرف اش مخبي تما سهيلة : راه انا لي هادي زمان وانا فهاد الدار وعمري دخلت تما ولا حتا قربت جيهتو ملاك:لكن انا لقيت واحد التصويرة تما وهي السباب فهاد الحالة انا خديتها وخبيتها فالبيت عندي وعثمان لقاها سهيلة:اينا تصويرة هادي ملاك:عثمان واحد البنت زوينة وكانت مصورة حتا مع العائلة وحتى واحد البيبي صغير سهيلة رجعات صفرا فوجهها ومقدرات تقول والو ناضت من حدا ملاك وبقات دور فالبيت ملاك:اه اكيد نتي عارفة شي حاجة اسهيلة شكون هاديك سهيلة:عافاك متحرجينيش انا منقدر نقول ليك والو عثمان لي خاص يعاود ليك فهميني ملاك:عافاك اسهيلة سهيلة :انا نقدر نقول ليك حاجة وحدة لكن مغنزيدك حتا كلمة حيت عثمان والله حتا يصفيني وخا ختو ملاك:اوكي غير قولي لي تقدري عليه سهيلة:هاديك جيهان كانت مراة عثمان تزوجو ملي كان عاد كيقرا ف فرنسا لكن ملي رجعو المغرب بعد الموت ديال بابا وقعو بزاف ديال حاجات خايبين وتفارقو عثمان كان كيحماق عليها كتر من اي حاجة فهاد الدنيا ودبا متزيدي تسوليني علا والو عافاك ملاك صدمها كلام سهيلة معرفات باش تبلات كل مكانت كتفكر فيه شنو سباب فراقهوم واش يقدر يكون عثمان عاد كيبغيها هدا علاش كيعدبها هي واش هداك البيبي ولدهوم ضرها راسها من كثرة الافكار سهيلة:زيدي تاكلي راه الطبيبة قبيلة قالت خاصكي تردي البال لراسك حيت حالتك كتاثر على البيبي زادت تاكل بدون احساس كانت غير كتخشي فوجهها لكن معارفة اش كتاكل بالها كل مع كلام سهيلة ..غير كملات رجعات تنعس وحتا سهيلة خرجات وطفات الضو ديك الليلة دوزاتها غير تخمام ومرة مرة بكا حتا طلع الصباح ..واكيد كانت خدات قرار ودبا جا وقت تنفدو ناضت مشات لبيتها جبدات صاك كبير شوية جمعات كسوتها واكيد غير لي جابت معاها مهزات حتا حاجة من لي خدا ليها عثمان ..دخلات للدوش غسلات حالتها ودارت بزاف ميكب باش تخبي داك الزروقية لي فوجهها .ولبسات حوايجها
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
