دازت مدة شهر ..ملاك مزال فمدينة افران ورجعات كيف الاول رتاحت نفسيا وجسديا ...مهدي ونوال علاقتهوم غاديا من زيان بزاف كيحماقو على بعضياتهوم وخا كيتناقشو مرة مرة ولكن هدا حال الدنيا ضروري شوية ديال الاختلاف باش متبردش اي علاقة ..كيف العادة ملاك كانت جالسة فجردة ديال الفندق وخا البرد حتا صونا تيليفون ملاك:ههه الحمقة ديالي لباس عليك نوال : على سلامتنا ملي جاوبتينا ملاك:هه لا راه غير خرجت ونسيت تيليفون نوال:ام ايوا ملي هكدا اوكي ..مزال مهداك الله ترجعي ولا ملاك:والله معرفت ولفت هنا بزاف وخايفا نرجع نشوف داك الويل نوال: معندكي مناش تخافي واصلا كيف قلت ليك هداك غبر دبا هادي شهر مبان وحتا واحد معندو شي خبار عليه مهدي بوحدو لي مكلف بالشركة ملاك :اوكي الا كتاب غدا نرجع اختي نوال: هه اوكي غادي نتسناك داز داك ليل عادي وملاك دارت بلي قالت ليها نوال فاقت مع الفجر جمعات حوايجها وقادات راسها
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وشدات الطريق لمدينة طنجة ..كانت كتفكر كيدير تتغلب على خوفها من عثمان الى رجعات شافتو ... دازت مدة اسبوع على رجوعها وقدرات ترجع لحياتها الطبيعية بسبب غياب عثمان .وحتا الخدمة فالشركة رجعات ليها بالحاح من مهدي ولكن خدات قسم جديد غير مساعدة عثمان...كان اغلب وقتها فالخدمة لي كانت مزيرة ...هاد الصباح فاقت ملك غير عادتها كانت عيانة بزاف وكتقيا لكن رغم ذلك لبسات حوايجها وخرجات لخدمتها
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
دارت خدمتها كيف كل نهار وفوقت خروجها وقف عليها مهدي فالباب مهدي:ملاك لباس طلعي نوصلك ملاك:لا بلى منعدبك امهدي انا غادي ناخد طاكسي مهدي:لا متقوليش هكدا يلاه طلعي طلعات مع مهدي وكانت كتمنا انه ميجبدش معاها موضوع عثمان لي مبقاتش تحمل تسمع حتا سميتو مهدي: ملاك لكن قبل ميكمل هضرتو طلبات منو ملاك يوقف ونزلات كتقيا نزل مهدي عندها ملاك:صافي خليك تما بلا متجي امهدي عافاك مهدي:لا اش كتقولي املاك راه عادي متحشميش مني قرب منها وعطاها الما باش تغسل ملاك: شكرا وسمحلي عفاك مهدي:متقوليش هكدا واش نمشيو للطبيب ملاك:لا مكاين لاش غير البرد وصافي مهدي:اوكي لي بان ليك ولكن راكي صفرا بزاف الى بغيتي خودي عطلة رتاحي واحد اليومين ملاك:اه اوكي شكرا وصلها لدار ومشا عند نوال لخدمتها اما ملاك .طلعات لدار وهب على حالتها لي كلاتها كتردها ..واخا جات نوال وعيات تطلبها يمشيو للطبيب مبغاتش ..مشاو ينعسو لكن ملاك حلف لجاها ..بقات تجلب حتا لحظة وحدة جات واقفة ملاك:لالالالالا ميمكنش ياربي ميمكنش مستحيل بقات تبكي وكتعاود فكلمة لا ميمكنش ..حتا دخلات عليها نوال لسمعات بكاها نوال:ملاك مالك اشنو وقع واش عثمان رجع قولي مالكي اما ملاك كانت فصدمة مقداش تنطق بحتا كلمة وغير كتبكي حتا صرفقتها نوال نوال:ملاك بركا من هاد التمهبيل قولي اش كاين ملاك:شنو نقول ليك شنو هئ هئ هئ انا صافي خاصني نموت نوال:واش حماقيتي ملاك:اه حماقيت حماقيت شكون فبلاصتي ميحماقش نوال:عفاك عاودي ليا مالك خلات نوال ومشات تاني للحمام كتجري ترد ونوال بدات كتزيد تخلع ....خرجات ملاك نوال:لالالالا متقوليش ليا املاك آه ياربي اش هاد الشي ملاك:اه انا حاملة انوال فهمتي دبا عرفتي علاش خاصني نموت نوال:الله ياربي شكون لي قال ليك هاد الشي واش درتي الاختبار ملاك:لا ولكن تفكرت بلي الدورة هادي شهر ونص وهي غايبة نوال:لالا باقي امل ميمكنش نتي اصلا عندك ممنضماش ياربي متكون تا حاجة من هاد الشي ملاك:وشنو هاد الدوخة والتقيا انوال بلا متحاولي تصبريني هاد المرة صافي دوزو ديك الليلة بلا نعاس وحدة كتشوف فلخرا وكتفكر فهاد المشكيل الجديد دازت ديك لليلة بحال العام وغير وصل صباح خرجو لبنات نيشان لعند واحد الطبيبة نسائية ،،معرفة ديال نوال ..لقاوها خاوية مكانش بزاف ديال الناس دخلو عندها ونوال لي تكلفات تهدر حيت ملاك مقدرات تقول حتا كلمة بالاخص ملي سولتها واش مزوجة دارت التحليل ديالها وكانت الصدمة كثر من كل لي عاشت ملاك فحياتها الطبيبة:مبروك عليك عندك شهر ملاك جمدات فبلاصتها ودنيها كيصفرو مبقات تسمع حتا حاجة من غير كلمة مبروك لي كادور فراسها لكن نوال فيقاتها من حالتها وخرجاتها من بعد ما ودعات الطبيبة ملاك:سمعتي انوال خليني عليك عفاك نوال:ملاك شدي راسك نتي خاصك تكوني قوية باش نعرفو اش نديرو ملاك:اه كتقولي هكدا حيت مشي المصيبة ديالك صرفقاتها فالزنقة ورجعات عنقاتها نوال:واش نسيتي بلي مشاكيلك ديالي حتا انا ملاك:هئ هئ هئ سمحيلي اختي ولكن اش غندير دبا نوال:طلعي نمشيو للدار ونفكرو فشي حل مشاو للدار ...ودوزو النهار كامل كيفكرو اش يديرو حتا نطقات نوال نوال:الاجهاض ملاك:شنووووووو نوال:كيف سمعتي هدا الحل الوحيد لي عندك املاك اما ملاك زادت صدمتها معرفات متقول وطلبات من نوال تخليها تفكر ومشات تنعس ...ولكن فين هوا النعاس دوزات الليل كتفرج فتصاور الدراري الصغار فالتيليفون وكتفكر اش دير ... صباح الصباح واول حاجة دارتها نوال مشات عند ملاك تشوف اش قالت نوال:صباح الخير ملاك:وفينهوا هاد الخير نوال :اش قلتي ملاك:لا منقدرش انوال هو اشنو دنبو وحتا ربي ميبغيش انوال انا ميمكنش ندير الاجهاض ولدي غدي نربيه بوحدي وخا نعرف نخوي هاد البلاد نوال: ولكن.. ملاك:مكاين بو ولكن مغديش ندير اجهاض اخر كلام عندي قربات عندها وعنقاتها نوال:وخا اختي الحبيبة لي بان ليك وانا ديما معاك متنسايش ملاك:اه عارفة اختي نوال:ملاك مهدي ضروري يعرف راكي عارفة غادي يجي نهار ويعرف ملاك:اه ماشي مشكيل قوليها ليه وفهميه من الاول مبغيتوش يغلط فيا نوال:وعثمان ملاك:متجبديش ليا سميتو عمرو يحلم يشوف ولدي نوال:اوكي لي بان ليك انا غادي نعيط لمهدي يجي عندنا للدار ونعاود ليه
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ايه شكون يتيق فالدنيا الغدارة هدا حالها دغيا كضور عليك وكتخليك تعاني وتعدب لكن كلها وكيعيش قدرو ولي جات مرحبا بيها ....
