خديت طاكسي وقصدت الوجهة ديالي والشعور بالفشل وعدم القبول مرافقني كيف ديما ...واو مستحيل يكون هذا نفس العنوان طلبت من الشيفور يتحقق واكد لي بلي هدا هو العنوان ..او انا اش فهمني فالسيارات ..نزلت وانا كنتسائل اش غندير انا هنا ..نسيت نقول ليكوم المقاولة كانت ديال بيع السيارات..توكلت على الله ودخالت ..وجهتني الموظفة تما لواحد القاعة كانت كبيرة والاثاث ديالها كان كلاس بزاف بقيت جالسا شحال ....واخيرا جا شي واحد ..كان شاب ثلاثيني داخل بكل ثقة بسيف ميتيق فراسو الطولة والزين والعضلات واللحية مقادة اه تزعطت فيه...نسيت راسي وانا ساهيا فيه حتا فيقني صوتو ... هو:آنسة مرحبا بيك ملاك:آه آ،سم،ح،شكرا هو:كنقدم ليك راسي انا مهدي مدير ديال هاد المقاولة ملاك:متشرفين اسيدي انا ملاك ، وشفت الاعلان لي دايرين هدا علاش انا هنا مهدي:مشرفين انسة ملاك ممكن نطالع على الملف والوثائق ديالك ملاك:اه تفضل اسيدي مهدي: امممم،اوكي انسة ملاك عندك فكرة على طبيعة العمل لي طالبين ملاك: اسيدي ولاكن ملي شفت مقاولة ظنيت غتكو شي حاجة متعلقة بالمجال لي قريت ولا كاين شي غلط اسي مهدي مهدي:(وعينيه محيدوش من ملاك الشئ لي وترها)لا مكاين حتا غلاط انسة ملاك غير الخدمة ديالك هدا الى وافقتي عليها غدي تكون مساعدة خاصة ديال المدير ملاك:(وعلامات الاستفهام على وجهها) كيفاش مساعدة خاصة وشكون المدير ياك قلتيلي نتا المدير اسيدي مهدي:وي انسة ملاك انا المدير ولاكن كاين مدير تاني ولي هو الشريك ديالي ولي كيملك اكبر عدد من الاسهم اما الخدمة لي قتليك عليها هي انك غدي تكوني مساعدة ديالو فترتيب المواعيد ديالو واي حاجة كتعلق بالخدمة وايضا بالمنزل ديالو كتحظير الملابس الخاصة بالاجتماعات وغيرها انسة ملاك وغدي تكوني مرافقتو الخاصة فجميع الحفلات والرحلات ايوا اش بان ليك آه اما من ناحية المبلغ الشهري ديالك هوا عندك فعقد العمل هاكي طالعي على كلشي وقرري ملاك:(ولونها تبدل عارفة معندها زهر(قات تحت سنانها،)بفف اخر يامي نولي خدامة مهدي: قلتي شي حاجة ملاك : لا اسي مهدي والو (خدات العقد بقات تقرا فيه حتا وصلات لواحد النقطة عينيها خرجو ...لا ميمكنش واقيلا غالطين..مستحيل...السي مهدي سمحلي يمكن كاين شي غلط فالراتب الشهري هاد الشئ بزاف علا خدمة بحال هدي مهدي : لا مكاين حتا غلاط انسة ملاك هاد الخدمة غدي تحتاجي بزاف ديال مصاريف حيت نتي الوجه ديال المدير ديالك ايوا دبا اشنو موافقة ولا ملاك: (تلفات مسكينة مناحية كتفكر فهاد الخدمة العجيبة ومن جيهة كتفكر فالبطالة لي كتعيش وحتا الفلوس لي عندها قربو يساليو وميمكنش تبقا نوال ديما هزاها)واخيرا نطقات ،اه موافقة اسي مهدي .... امتا يمكن لي نبدا مهدي: دبا وي تفاهمنا من غدا غدي تبداي حيت كاينا فهاد الاسبوع بزاف ديال الخدمة واحد الحفل فاخر السيمانة ملاك: اوكي نشاء الله الصباح نكون هنا مهدي: لا مشي هنا غدي تكوني فهاد العنوان وهاكي الساروت وتما السي حسن غدي يفاهمك اش خاصك ديري ودبا مدام تفاهمنا نخليك عندي اجتماع نخليك حتا مرا خرا بالسلامة ملاك: بسلامة اسيدي ،بقات مصدومة اش هدا ياربي اش مزال مخبي ليا غدا تاني وشكون هاد حسن اوف ناضت ملاك خرجات وكل ما كيدور فراسها هو الغد وآش مخبي ،وصلات للدار كانت نوال رجعات عودات ليها كلشي ودعماتها نوال نفسيا واكدات ليها بلي غالبية رجال الاعمال لي كتستقبلهوم وكالة السياحة كيكون عندهوم مساعدين خاصين ،واخيرا رتاحت ملاك مسكينة ،ناضت تنعس بكري باش تقدر تواجه الغد ، اصبحنا واصبح الملك لله .فاقت ملاك وكلها تخوف خدات دوش وقادات شعرها عبارة على سنبلة فالجانب ولبسات هكا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
