فاقت ملاك الصباح ولقات راسها تحت الغطا ناعسة حاولات تتفكر اش وقع البارح لكن كل معقلات عليه هو ملي طاحت فوق السرير ..شمات ريحت عثمان فالبيت قلبها بدا يضرب تاني بالجهد ...ناضت من بلاصتها بزربة قادات شعرها ولبسات بيجامة خفيفة وهبطات كتجري لتحت ..لقات كلشي مجموعين فالصالون جات عينيها على عثمان آه شحال كانت موحشاه وبدون شعور مشات عندو وعنقاتو الشي لي خلاه يستغرب لكن رغم ذلك حتى هو عنقها ..اما لطيفة وبنتها بقاو غير كيضحكو لكن ملاك متفاكتش من عثمان حتا دوا معاها عثمان:ملاك ههه سهيلة:ههه الناس والرومنسية لطيفة:سكتينا نتيا ههه راه بسيف البنت عاد عروسة وهو غادي ومخليها بسيف متوحشو اما ملاك عاد عاقت براسها وبعدات على عثمان وجلسات حداه كانت غدي تموت بالحشومة من هاد الموقف وباش غادي تبرر لعثمان هاد الشي لي دارت اوف املاك شحال فيك ديال الزربة ههه ..مقالت حتا كلمة ملي جلسات عكس عثمان وماماه وختو لي كانو عاطيينها لضحك والهدرة ..لكن كانت مرة مرة كتشوف فنضرات عثمان ليها وفالضحكة لي كيدير ملي كتشوف فيه وهنا كانت كتزيد تموت بالحشمة من ااشي لي دارت جا وقت الغدا وتغداو مجموعين وملاك كانت مزال على حالتها ملي كملو عثمان هبط لتحت وبقات ملاك شوية ديال الوقت وتبعاتو وتصدمات ملي شافتو داخل لداك البيت بقات مخبية تحت الدروج وحاضياه حتا بان ليها تاني خارج وهاز شي ميكا كبيرة فيدو ..خرجات قدامو ولكن هاد المرة كانت الصدمة ديال عثمان مشي ملاك تجمد فبلاصتو وبان فيه معصب ملاك:اشنو هدا عثمان:اش جاية نتي ديري هنا ومشي شغلك فهاد الشي يلاه طلعي لبيتك ملاك:لا شغلي انا بغيت نعرف اش فداك الميكا واش مخبي فداك البيت باش مبغينيش ندخل ليه عثمان:ملالالالالالالالاكك متخلنيش نفقد اعصابي عليك حيدي من قدامي ملاك:لا حتا تقول ليا اش تما اه ولا يكما شي وحدة قاتلها تما ولا كتعدبها يمكن اه نتا مجرم ممكن دير اي حاجة هنا عثمان فقد اعصابو وتغمضو عينيه مبقا عارف اش كيدير كحالت الدنيا فعينيه وبلا ميحس صرفق ملاك حتا طاحت فالارض وشدها من شعرها وكيدوي معاها عثمان: والله وباقي نسمع هاد الهدرة حتا تكوني نتي هيا ديك الوحدة لي معدبها وقاتلها فداك البيت فهمتي ودبا منبغيش نسمع حسك ولا نعرف بلي الحاجة وسهيلة عرفو هاد الشي لي وقع يلاه تحركي لبيتك ومنبغيكش تخرجي منو حتا نرجع وحسابك باقي مسلاش حتا نرجع وغادي نتفاهمو خلاها غارقة فدموعها ودفعها بدون رحمة وهز ديك الميكا وخرج ...كل مكان كيدور فراسها هو كلام عثمان ..ناضت بزربة مسحات دموعها وقادات شعرها وطلعات لبيتها كتسلت باش متشوفهاش سهيلة ومها ..غير دخلات طاحت فبلاصتها كتبكي وتشهق وتنتف فشعرها وكتفكر فنفس الوقت فلي مزال كيتسناها ..بقات هكداك حتا نعسات ..ومفاقت غير علا صوت سهيلة سهيلة:ملاك ملاك فيقي ناضت مخلوعة وجات جالسة فوق السرير سهيلة:بسم الله عليك مالكي ناعسة ياك لاباس ملاك:لا والو غير حاسة براسي عيانة وصاف سهيلة:ملاك ايلا كان عندك شي مشكيل مع عثمان تقدري تعاودي ليا انا راني حاسة بشي حاجة غريبة ملاك تمنات تعاود ليها اصلا هيا مكترتاح حتا كتخرج لي فقلبها ..لكن كلام عثمان خلعها الشي لي خلاها متقول والو وتنكر كلشي ملاك:ههه لا مكاين والو اختي غير انا باقي متولفت وصاف آه واكيد ايلا كانت شي حاجة غدي نقولها ليك نتي اللولة سهيلة:هه اوكي ايوا يالاه تهبطي تعشاي ملاك: والله مقديت غير بالصحة ..اجي واش عثمان رجع سهيلة:لا باقي مرجع اوكي علا خاطرك نخليك تصبحي على خير ملاك:تصبحي علا خير خرجات سهيلة اما ملاك ناضت خدات دوش بالزربة وقادات شعرها وبدون شعور لبسات واحد غوب دو نوي فالزرق غامق هيا براسها معرفاتش علاش كدير هكدا ضنات اناها حماقت ومبقا كيبان ليها حتا واحد من غير عثمان ...لكن فنفس الوقت مفهماتش علاش كتمنعو ملي كيقرب ليها كلشي تخربق عليها مشات نعسات لكن متغطاتش وحتا هاد الحركة مفهماتش علاش دارتها ..بقات كتفكر فمصيرها وحياتها فالضلام حتا قطع هاد الافكار الباب لي كان كيتفتح ..حسات بالسخانة والبرد فداتها فنفس الوقت قلبها رجع يضرب كتر وكتر ريحت عثمان كانت اول حاجة كتشمها ملاك لكن هاد المرة ماشي بارفان ريحت الشراب لي ولفات تشمو فيه ورجع بحال نوع من انواع البارفان ديالو ..وهادي اول مرة فنفس الوقت ماتخافش منو ملي تشم هاد الريحة .ناضت جلسات فوق السرير وشعلات الضوء لي كان حداها جات عينها فعين عثمان كان غير كيتلاوح لكن هاد الشي ممنعوش يغرس عينيه فملاك ويقرب ليها حتا وقف قدامها وحتا ملاك ناضت وقفات مقابلة معاه عنقها وزيرها لصدرو بجهد وحتا هي ممنعاتوش حتا لاحها فوق السرير ونزل عندها حط فمو على فمها وبقا يبوس فيها ويديه كيتساراو فجسم ملاك بالكامل نزل لعنقها كيبوس فيها كان شعور زوين بالنسبة لملاك لكن حالت عثمان كانت غريبة كان يبوس ملاك ويبكي حسات بدموعو سخانين كينزلو فوق وجهها تصدمات من هاد الشي وخلاتو على ديك الحالة كان كل مزاد فدموعو كيزيد يزير على ملاك وكانها غدي تهرب منو ..ضروها يديها بزاف وحتا كرشها حيت كان ناعس فوقها ..حاولات تهدر معاه ملاك:عثمان ملاك:عثمان عفاك راك كضرني متنساش بلي راني حاملة مجاوبهاش ونزل لكرشها عراها وحط راسو فوقها وكيبكي ..وحتا ملاك قلبها حن على حالتو وبقات تلعب ليه فشعرو داز شحال ديال الوقت وهو هكداك وحتا ملاك مقالت حتا كلمة حتا ناض عثمان جلس قدامها وشد ليها وجهها بين يديه وطبع قبلة كبيرة على فمها حتا تقطعات فيها النفس ومنبعد طلقها وناض من فوق السرير مشا دخل لدوش اما ملاك خرجات للبلكون كتنهج معرفات اش هاد الشي لي واقع ليها ..حتا حسات بيدين عثمان محاوطينها من خصرها اما راسو كان فعنقها وحتا هي هزات يدها وحطاتها فوق يديه وهنا حسات بالابتسامة على شفايفو .وبخفة كبيرة هزها عثمان بين يديه وحتا هي عنقاتو بيديها بجوج وغرسات عينيها فعينيه دخلها وحطها فبلاصتها وغطاها ودخل حتا هو كانت ناعسة قدامو وهو محاوطها بيديه بجوج وفمو كان حدا ودنها كان لابس غير شورط قصير ومن الفوق ملابس والو وحتا رجليها كان دايرهوم بين رجليه ومزير عليها ..هدر معاها فودنها غير بشوية عثمان:حبيبتي سمحيلي على قبايلة ورجع كيبوس فيها فعنقها ..اما ملاك تبنجات من كلامو لي تغرس فقلبها وكلمة حبيبتي لي بقات غير هيا كدور فراسها ..مقدرات تخرج حتا حرف من فمها لكن شدات ليه فيدو وزيرات عليه وكانها كتقول ليه سمحت ليك عثمان:ملاك مالكي مباغياش دوي معاي ملاك:امم لا هاني كندوي معاك عثمان:ايوا ملاك:ايوا شنو عثمان:ماعرفت ملاك:ههه كيفاش ماعرفت عثمان:علاش كضحكي ملاك:ايوا اش ندير نبكي عثمان:نن انا حبيبتي منخليهاش تبكي الله يصبر قلبك املاك اش هاد الشي كتسمعي ..كانت هاد الكلمة بحال البنج ملاك:حبيبتك عثمان:مالها معجباتكش ملاك:لا غير فشكل وصاف عثمان:ايوا مغتقولي ليا حتا نتي والو ملاك:امم بحلاش عثمان:ملالالاك راكي عارفة علاش كندوي ملاك:منقدرش كتجيني تقيلة عثمان:لا غدي تقوليها دابا يالاه سربي ملاك:عثمان وصاف عثمان: راني كنتسنا ملاك:اوووف مخلاهاش تكمل من اوفف ديالها حتا رجعات تحت عثمان وهو فوقها وفمو فمها وحتا ملاك بادلاتو عثمان:يلاه قولي ملاك:حبيبي عثمان:هههه نتي ديالي انا املاك فهمتي والى حاولتي تغدريني غدي نقتلك ملاك:اش كتخربق كيفاش نغدرك عثمان:كيف سمعتي انا الراجل الوحيد فحياتك وايلا شفتي فشي واحد من غيري والله حتا نقتلك احياتي كنواعدك نزل من فوقها ورجع عنقها كيف لول ..اما ملاك بقات غير حالة فمها من هدرتو ومقدرات تقول والو لكن عثمان باقي كيدوي عثمان:مالك احياتي ساكتة ..ههه ياكما خفتي مني ملاك:نتا كتخلعني اعثمان بعدني عافاك زيرها عندو عثمان:متبقايش تقولي ليا بعد مني انتي بلاصتك هنا حداي فهمتي ،،ومتخافيش احياتي حيت انا منقدرش نآديك لكن ايلا درتي معاي شي حاجة مغديش نرحمك ملاك:عثمان صافي اوف عثمان:شش صافي متعصبيش ملاك:عثمان واش باقي ممتيقش بلي هدا ماشي ولدك عثمان:لا هدا ولدي ونتي مراتي ونكان كنت شاك بلي ماشي ولدي جاع متكوني هنا بين يدي ملاك:وعلاش داير ليا هاد الحالة عثمان:متسوليني علا والو دبا منبعد نتي خليك غير معاي وديري لي قلت ليك ملاك:اوكي لي بغيت عثمان:ههه يلاه سكتي ونعسي خلي ولدي يرتاح ملاك:نن هادي بنتي ماشي ولدك عثمان:واه عولي هداك راه ولد ودابا تشوفي ملاك:اوكي غادي نشوفو هادي بنتي وسميتها هيام عثمان:اش هاد هيام عاوتاني ملاك: هي شي حاجة كتر من الحب والعشق عثمان:وعلاش هاد الاسم بالظبط ملاك:حيت بنتي هي الهيام ديالي عثمان:هههه حمقة ديالي ايوا حلمي راه هداك ولدي وسميتو جاد البناني ملاك;ههههه فراسك بلي كتعجبني هاد السمية مشحال هادا عثمان:وشكون هاد جاد لي كتعرفي باش يعجبك سميتو ملاك:اوف اش كتخربق هدا مجرد اسم مالك عثمان:هه اوكي ايوا صافي خلينا نعسو راه الربعة ديال الصباح هادي ملاك:اوكي تصبح على خير عثمان :ونتي ولدي علا خير ملاك :ههه كعرار عنقها ونعسو كانت احسن ليلة فحياة ملاك واخيرا قدرات تبين حبها للانسان لي عشقو قلبها ولكن متوقعاتش حتا هو يكون كيبغيها لهاد الدرجة ،،ورغم الخوف ديالها منو لكن ممنعاتش راسها من انها تعطيه قلبها ولي زاد فرح قلبها هو ملي عتارف عثمان بالبيبي ..لكن كانت صورة عثمان مع هاديك البنت مزال كدور فراسها وقررات تبحت فهاد الموضوع بلا علم عثمان
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
