صباح جديد ..ملاك كتحاول تفتح عينيها كتقلب على اي صورة فراسها مقدرا تفكر والو ملاك:اوف راسي سمعاتها نوال لي كانت واقفة عند الشرجم نوال:ملاك ختي فقتي علا سلامتك ملاك:اش وقع فين انا نوال:صاف غير رتاحي دبا منبعد وندويو ملاك مزال كتقلب فالذاكرة ديالها حتا قدرات تفكر كلشي وقع ..وناضت واقفة بالزربة نوال:فين غاديا ملاك ملاك:ولدي بغيت ولدي انا غاديا عندو انا مغنخليهش عندو انوال هداك ولدي انا نوال:عفاك غير بلاتي خلينا نفكرو اش نديرو راه عثمان هداك املاك ملاك:معنديش الوقت لي نضيعو فالتفكير فهمتي انا دبا كل مكيهمني نرجع ولدي صاف حايدي من قدامي انوال دفعات نوال ومشات للخزانة جبدات حوايجها لبساتهوم
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
نوال:فين غادي تمشي راكي عاد خارجة من عملية املاك واش نتي عارفة عثمان فين لا ايوا فين غاديا ملاك:انا مكيهمني والو دبا وعثمان غادي نلقاه وخا معرفت اش ندير نوال: انا غادي نمشي معاك فين وبلا متقولي لا فتحات ملاك الباب بلا متجاوب نوال وهاد الشي كيعني بلي وافقات تمشي معاها ... لكن ملي وصلات ملاك قدام باب المستشفى لقات سليم واقف قدامها ..متيقاتش عينيها وقفات جامدة فبلاصتها ملاك:سسليييم سليم:اه سليم املوكتي نوال:واش نتا مكتفهامش واش نسيتي اش قلت ليك سليم:مغاديش تسلمي عليا املاك ملاك:حيد من قدامي ممسالياش ليك دبا تقول هدا لي كان خاصني غير نتا تبان قدامي فهاد الوقت دفعاتو من قدامها وزادت مكملة طريقها سليم:انا عارف عثمان فين كاين هاد الكلمة خلات ملاك تجمد فبلاصتها معرفات باش تبلات ...... ملاك:اش قلتي سليم:اه كيف سمعتي انا عارف عثمان فين نوال:اش كتخربق نتا وباش عرفتي هو فين ملاك متيقيش فكلامو عفاك ملاك:سليم ديني عندو نوال :لا لا املاك ملاك :نوال مدخليش عفاك سليم مقداتو فرحة مشا كيجري فتح باب السيارة لملاك باش تركب اما نوال مقدرات تقول حتا كلمة منبعد لي سمعاتو من ملاك ... مكنتش كتوقع شي نهار انها تسمع كلام قاسح من ملاك ...لكن الغضب عما لملاك عينيها مبقات عارفة اش كدير ولا اش كتقول ومبقاش هامها انها تجرح بكلامها اقرب الناس ليها ....
