قصتي!!!

6

خدات طاكسي ملاك ومشات للشركة ...
مهدي:انسة ملاك صباح الخير ،فينهوا عثمان
ملاك: صباح الخير اسي مهدي خليتو فالدار وجبت معاي الطقم ديالو الخاص بالاجتماع
مهدي: ايوا كيف جاك الخدمة معا مهدي وخا هو قاسي شوية
ملاك :لا اسيدي باقي متعرفت على السي عثمان وجدت ليه كلشي وخرجت من الدار قبل ما يكمل الدوش وخليت ليه ملاحظة فوق الطابلة
مهدي: اش درتي املاك الله يهديك طلبي الله يكون مزاجو اليوم مقاد راه مكيبغيش بحال هاد التصرفات كان عليك تسنايه موهيم سيري وجدي دبا كل مغدي يحتاج فالاجتماع راه خليت ليك وراق فالمكتب طالعي عليهوم ومتعاوديش هاد الفعلة نخليك دبا
ملاك:(تحت سنانها الله ياربي هدا بنادم ولا بوعو لي كلشي داير ليه حساب بفففف) اوكي اسي مهدي سمحلي
مشات ملاك للمكتب وهيا كتفكر فهاد المصيبة واش غدي يدير ليها داك بوعو هه حتا دخل عندها امين (امين هو موضف فالشركة شاب زوين بزاف عندو 28 سنة )
احممم صباح الخير نقدر ندخل
ملاك:اه تفضل مرحبا
امين:شكرا ايوا منتعرفوش على البوجوسا ديالنا
ملاك:(فنفسها دبا كملات هدا لي كان خاص بففف) ههه اه مرحبا انا ملاك مساعدة السي عثمان الخاصة
امين: ومخباش الاعجاب ديالو بملاك،ايوا سعدات السي عثمان ...هه انا امين موظف هنا وجارك هنا هه المكتب ديالي غير حداك
ملاك : هه مشرفين ا امين
قاطعهوم مهدي ملي دخال وعنيه على امين وقاليه بصوت صارم
امين اش كادير نتا هنا خاصك تكون مشيت مع حمزة دبا
حط امين راسو ودع ملاك وخراج بسرعة
مهدي: انسة ملاك فين حاولي تسربي دوك الوراق ومتلهايش
خرج وسد الباب بقوة وعلامات الاستغراب علا ملاك
ملاك: هدا مالو عوتاني ينفخ عليا يخخخخ خاصهوم يشوفو طبيب نفساني هاد الناس بفففف
هزات ملاك طقم عثمان وداتو القاعة لي كيبدل فيها فالمكتب ديالو وهيا هبطا معا الدروج حسات براسها دخلات فحيط
ملاك: اش هدا ياربي هدا كلو بنادم
زاد وخلاها تما بلى ميقول حتا كلمة
ملاك:ايييييه نتا يكما عجباك صحتك داير بحال الحيط وزايدها بقلة الاداب ملفوق الله يعطيك مصيبة الحيوان راني كندوي معاك ولا طرش بفففف بنادم مريض
زادت ملاك وخلاتو واقف عاطيها بدهار حيت وقف ملي بدات تسب فيه ولاكن مدارش عندها ومدار حتا ردة فعل
عثمان :مزير علا يديه من بعد مسمع ديك الهدرة من ديك مو لسان ههه وكيتمتم هاد الويل غدي تبقا تخرج ديما قدامي وآش جابها هنا تاني عندها الزهر عندي اجتماع اما كنت غنوريها اش كنسوا البرهوشة هدا لي بقالي يخخ علا صباح
طلع عثمان النفس وخرجها مزيان باش يبرد شوية ومشا المكتب ديالو
مهدي: صباح الخير اثاحبي فين حتا لدابا هههه ولا بايت فايق شكون هدي هههه
عثمان:اش كتخربق عند الصباح خليني عليك اصاحبي واش غنبقى نقوليد ديما انا كنكره النساء وما يجي منهوم
مهدي: مالك معصب وعروقك خارجين علا الصباح ياك لاباس
عثمان:اوالو غير واحد البرهوشة طلعتها ليا علا الثباح عندها الزهر عندي ميدار
مهدي: ايوا برد متخليش جاد العمري يشوفك هكا راك عارفو كيف داير ومبقا ليه والو ويجي يلاه وجد راسك راه المساعدة ديالك قدات ليك كلشي
عثمان: فكرتيني فهاديك زيدها حتا هي زعمات ومخليالي ملاحظة صحاب ليها خدام عندها آآه مكتسمعش امهدي قلت ليك جيب ليا مساعد مشي مساعدة النسا راه مكلخين ولاكن يدوز الاجتماع وغنعرف شغلي معاها
مهدي :وهو كيضحك،هههههه الا غير مزال معرفات سيستام ديال الخدمة اصاحبي راه دكية غدي تعجبك ههه بغيت نقول خدمتها
عثمان : خرج بعدني نتا باغي طلعها عليا هاد الصباح نتلقاو فقاعة الاجتماع
خرج مهدي وعثمان قاد راسو وهز وراقو ومشا القاعة لي كانت عامرة حيت كلشي وصل دخل بكل ثقة وريحتو سابقاه
مهدي :السي جاد مرحبا بيك عندنا تفضلو جلسو
داز الاجتماع وعثمان كيف ديما خرج منتصر من الاجتماع ديالو مع جاد لي هو المنافس الاول ديالو ،وتقرر انه غدي يكون حفل كبير هاد الاسبوع على اثر هاد الصفقة ....
بارك عثمان لمهدي النجاح ديالهوم وكيف ديما مهدي رد عليه ،الفصل كلو ليك خويا عثمان راك عارف جاد مشي ساهل ولاكن ديما كتنتصر عليه ..
بقاو ضاحكين بسبب طعم الانتصار حتا خرجو من باب الشركة
مهدي : ملاك مبانتش ليا فين مشات
عثمان: شكون هاد ملاك عوتاني
مهدي: الله يهديك اصاحبي المساعدة ديالك خاصها تكون هنا مبانتش كاع
عثمان: هنتا اش قلت ليك هدي مبايناش ليا بغا تخدم ولاكن مغديش نرحمها غير بلاتي وقاليك سميتها هلاك هدي راه موصيبة انا مفهمتش هاد التناقض فالاسماء بففف
مهدي : صافي غير سير نتا للدار وانا غدي نتفاهم معاها ومغديش تعاود آه وبلاتي نتلاقاو نحتافلو فبلاستنا كيف ديما
عثمان: اوكي وعندك تجيبلي شي وحدة كيف المرة الفايتا راه والله منضمن ليك اش ندير معاك
مهدي : هههه اوكي اوكي
مشا عثمان وخلا مهدي تما لي كيقلب علا ملاك حتا كتبان ليه جاية
مهدي: ملالالالاكك واش غدي نبقى غير نبرر ليك كل شوية فين كنتي عثمان يلاه مشا وراه مقلق منك بزااافف
ملاك : وهي كتقفقف سممح.ل،سمحلي اسي مهدي ولاكن راني تعطلت كنت نقاد شي وراق عاد ساليت
مهدي : اوكي نتمنا هاد المشكل كيتعاودش وسمحيلي غوت عليك ولاكن لمصلاحتك راه عثمان مكيتحملش هاد التصرفات يلاه اجي طلعي نوصلك فطريقي
ملاك:ملاك تلفات،امم لا بلا منعدبك اسيدي انا غادي ناخد طاكسي
مهدي: لا مكاين عداب صافي طلعي بلا كترة الهدرة
حطات ملاك راسها وقلت اوكي اسي مهدي وطلعات
مهدي: بلا ديك السي قول ليا غير مهدي ملي نكونو برا من الشركة
زادت الصدمة ديال ملاك وردات عليه بصوتها المبحوح...اهوخا اسي آه امهدي
مهدي: دبا وي ايوا فين ساكنا بعدا وعاودي ليا علا راسك ايلا بغيتي
ملاك:انا ساكنة ف(******************) اه اوكي سميتي راك عرفها انا مشي من طنجة جيت من الحسيمة وساكنة معا صاحبتي هنا
مهدي :امم عليها كنقول هاد الزين كامل منين جا قوليلي ريفي
ملاك تزنجات وحمارت وبقات غير تفتف بسيف باش جمعات الكلمات ونطقات ،....لا انا مشي ريفية انا غير ساكنة فيها مع العائلة ديالي ودوزت كل حياتي فيها لحد الان ولاكن انا اصلي من مدينة تازة
مهدي:وهو كيضحك هههههههههه اووووووه كيفاش حتا مجاتش فبالي راه باينا قوليلي هاد الزين تازي
ملاك نسات راسها وبقات حالا فمها فالضحكة ديالو لي حمقاتها وعاقت براسها
ملاك :( فنفسها;اويلي الله يهديك املاك) مالك واش كتعرف هاد المدينة وعلاش استغربت هكدا
مهدي:لا غير صدفة زوينة هادي حيت عثمان الاصل ديالو من نفس المدينة وحتا الام ديالي انا اصلها من تما ولاكن الوليد من طنجة ههه ولاد البلاد تجمعو
ملاك فرحات فلداخل ديالها (شحال زوينة ملي تلقا شي واحد من نفس مدينتك كتحس بالامان وبلي مشي بوحدك وخا مكاين حتا علاقة كتربطكوم ولاكن مجرد شعور الانتماء كافي باش يولد الاحساس بالامان ونفي الشعور بالغربة )
واخيرا ملاك طلقات ضحكتها ولي بقا مهدي غير حال فمو فيها
ملاك:هههههههههههههه قول والله ههه كيف قالو ناس وجدة توازا عمرو البلاد
مهدي :اش كتقولي نتيا ههه وشكون قاليك هاد الهدرة
ملاك:ههه لا هدي غير نوال صاحبتي كانت تقرا فالجامعة فوجدة وشي وحدين فصحاب الشرق عندهوم حساسية من توازا ايوا وكان يقولو هاد الهدرة للطلبة لي اصلهوم من تازة ونوال كانت تزعق بيها معاي
مهدي : هههه آه اوكي ايوا خاصكي تجي معاي شي نهار عند الوليدة غدي تفرح بزاف
ملاك: آه نشاء الله علاش لا،آه صافي غير هنا راني وصلت ساكنا فهاد العمارة وشكرا بزاف وسمحلي عدبتك معاي
مهدي: الله يودي ههه مرحبا بناس البلاد يلاه تهلاي فراسك حتا للغد اه ومتنسايش علاش تفاهمنا
ملاك ضحكات ليه وقالت ليه اه مفهوم اسي مهدي،
مهدي: ههههه غير دويت فالخدمة ونتي تقلبها السي ههه يلاه باي
مشا مهدي وملاك دخلات للدار فرحانة لقات نوال تما عنقاتها وجلسات تعاود ليها كلشي
نوال: هههه انا علا الناس ولاو يركبو فالطوموبيلات افينك آ خالتي فاطمة اجي تشوفي بنتك هههه
ملاك:هههه تفكيرك فاسد هههه
نوال :ههههه ايوا العايلة ديالي اش ناوية ديري هاد العشية
ملاك: ناوية نعس الا خليتيني هههه راه غدا خدامة ابنتي
نوال : لواه نبق مشي تنعسي ونتي وليتي غاملة غير النعاس وخدمتي نهار فضحتينا ههههه ولا نسيتي مخططاتنا ليكنا نديرو ابنتي
ملاك :اش تحت راسك راني عارفاك اشمن موصيبة تاني
نوال :ههههه نوو بيبي مشي موصيبة غير شوية ديال النشاط وكسر الروتين
ملاك :نووووو مستحيل تكوني تفكري فداك الشي لي فبالي هداك راه غير تخربيق ديال المراهقة
نوال:عفاك املاك كان اكبر تحدي عندنا عفاك واصلن حنا مغنديرو وال خايب اختي ناخدو غير عصير عفاك عفاك عفاك
ملاك: الله ياربي اش هاد الحمقة لي بليتني بيها دبا شكون الفاسدة ا المنحرفة ادوي ههه ولا خلاها كبور ازمطتك اشعيبية هههه ،اوكي مي بشرط كبف قلتي غير عصير اوكي ومنطولوش ومندويو معا حتا واحد هههه ونتي غدي تخلصي كلشي ختك يلاه نهارها الاول وراهي زيرو ديرهام
نوال: يخليك ليا ههه انا نخلص الحوب ايوا نوض ناكلو شي حاجة باش نرتاحو ونوجدو راسنا
كلاو البنات فجو ديال الضحك واللعب ههه وهوما كيتسناو الوقت المحدد بفاغ الصبر حيت هدا كان تحدي ديالهوم ملي كانو صغار بسبب حب الاستكشاف والمغامرة
الساعة تشير الى 21.00ليلا البنات ناضو يقادو راسهوم