قصتي!!!

10

دخلو ملك للمستشفى..... وبقاو يتسناو قدام الباب حتا خرج وطمنهوم عليها وبلي معندها والو غير فقدات الوعي ديالها والصباح يقدرو يخرجوها ...طلبات نوال دخل عندها لاكن الطبيب اكد ليها بلي خاصها ترتاح وراهي ناعسة دبا بسبب الابرة لي خدات .....
صباح جديد ...اشعة الشمس لي ختارقات الشرجم كتلامس وجه ملاك .
.حلات عينيها بصعوبة لقات نوال شادالها فيدها وناعسا ....
ملاك:ن،و،ا،،،نوال اي نوال وفيقي
نوال:ههه ملوكتي صافي فقتي علا سلامتك
ملاك : فين انا اش كندير هنا
نوال: جبتك انا ومهدي صافي رتاحي منبعد وندويو انا غدي نمشي نقاد كلشي باش نخرجوك اوكي بيبي
جا مهدي ودا هو ونوال ملاك للدار ... بقا معاهوم حتا لليل عاد مشى وعطا لملك عطلة ديال اسبوع باش ترتاح
نهار جديد فالقصة ديالنا ....
مشا مهدي للشركة روتار اليوم اصلا مكيناش خدمة بزاف ...قاد شي وراق وجا خارج تلقا ب عثمان فالكولوار حاول يتجنب يدوي معاه
عثمان: وعليكوم السلام
مهدي: اش بغيت خليني عليك هاد الساعة
عثمان: هديك منوياش تخدم ولا ولفات كل نهار عدر جديد
مهدي: وباز ولله مكتحشم البنت كانت بسبابك فالطبيب وباش تسول فيها جاي تقول هاد الهدرة
عثمان: هههه نسول فيها هدا لي بقالي معندي ما يدار انا نقابلها بحالك
مهدي: انا عطيتها عطلة ديال اسبوع اوكي نخليك
عثمان: والله الى تبارك الله اش باليك تجري عليا انا ولا بقا تاخد القرارات فبلاصتي ولا نسيتي بلي هادك خدامة عندي اسي مهدي ولكن عندك الزهر راني مسافر اما انا نوريك هاد الفعايل لي راك دير ومتبقاش دخل فيا فهمت
تحكم مهدي فاعصابو بصعوبة وتحرك وخلا عثمان كيدوي
دازت مدة 10ايام ملاك رجعات للخدمة ديالها .... عثمان مزال مسافر وحتا واحد معندو خبار عليه ...ملاك ولات عندها الخدمة خفيفة حيت مبقاتش تمشي لدار عثمان بحكم انه مسافر....ووقت الفراغ ولا عطل الاسبوع كانت كدوزها هي ومهدي ونوال فالدوران والضحك واللعب ...خدات عطلة من عند مهدي ديال اسبوع ملي شدات الراتب ديالها ومشات لمدينة الحسيمة تزور ماماها وختها لي توحشاتهوم بزاف ... خدات بزاف ديال لكدويات ليهوم وعطاها مهدي سيارة باش مشات وستغلات الفرصة ودات ماماها وختها لمراكش وافران ودوزت اسبوع زوين معاهوم واليوم وقت ترجع لطنجة حيت العطلة لي خدات سلات ....ودعات عائلتها كيف ديما بلبكا وشدات الطريق لمدينة طنجة ...
دازت مدة شهر ... اليوم كان عيد ميلاد نوال..دارت ليها ملاك حفل فدار وقادات كلشي هي ومهدي وطبعا نوال مفراسها والو ..حتا رجعات من الخدمة بليل وفاجئوها ....اما المفاجأة الثانية كانت لملاك ....مهدي ستاغل الفرصة وعتارف لنوال بالحب ديالو ...نوال كانت غدي الطير بالفرحة ...اما ملاك نكان مقرساتها نوال جاع متفيق .... وحتا هي فرحات بزاف لنوال وحتا مهدي حيت هوما اعز الناس عندها فهاد المدينة وكدا بقات غديا الايام ..نوال ومهدي عايشين قصة حبهوم ولكن عمر خلاو ملاك بوحدها فين ممشاو كيديوها معاهوم وخا كانت تعتارض مكنوش يقبلو ......اليوم سافرت نوال ومهدي لاسبانيا بسبب الخدمة ديال نوال ومهدي مشا معاها ....بقات ملاك بوحدها فالدار ..اما الشركة كان امين فين مدور تلقاه حداها ..... دازت 20 يوم علا سفر نوال ومهدي
ملاك هاد الليلة حسات بالخوف مقدراتش تنعس بسبب صوت الرعد والبرق تكمشات وسط الغطا بقات هكداك حتى داها نعاس ..... اصبحنا واصبح الملك لله ...
اوفف شكون كيصوني عند الصباح اوففف..
ملاك: الو شكون
حسن: ملاك بنتي صباح الخير سمحيلي صدعتك عند الصباح
ملاك: اه با حسن سمح ليا لباس عليك
حسن: اه لباس ابنتي غير بغيت نقول ليك خاصك تجي اليوم للدار راه يمكن السي عثمان رجع انا مزال مرجعت من البلاد ولكن قالها ليا الحارس ديال تما
ملاك:اه شكرا ابا حسن انا غنمشي تما
ناضت ملاك كتجري طلات بان ليها الشتا بزاف ...دخلات خدات دوش سخون وخرجات قادات شعرها سامبل وميكب خفيف ولبسات