وجدت cv ديالي ودفعت فجميع الابناك والشركات لي كانو طالبين موظفين ولاكن مكانت حتا نتيجة .
واحد النهار كنت ندور انا ونوال وقالت لي بلي غدي تمشي لمدينة طنجة دبر خدمة تما .صراحة عجباتني الفكرة حيت الحسيمة مفيها والو الصراحة وخا هي مدينة زوينة وقررت بلي غنمشي مع نوال الى قدرت نقنع الام ديالي نوال فرحات بزاف هه بسيف شكون يهز ليها هبالها من غيري
رجعت للدار وجبدت مع ماما الموضوع رفضات ولاكن بقيت حتا قناعتها
داك الصباح فقت فرحانة بزاف حيت اليوم غدي نمشي انا ونوال فالعشية جمعت باليزتي وكل حاجة نحتاجها لبست سروال خفيف وقميجة مع صبيبيط ودرت شعري ذيل حصان مع ميكب خفيف ودعت ماما وختي بالدموع غنتوحشهوم بزاف وبديت رحلتي نحو المجهول حياة جديدة وكلشي جديد مدازش بزاف ديال الوقت وهاهي مدينة طنجة ياااه شحال زوينة اقل حاجة تقال فحقها هي رائعة طلبت ربي وانا فسيارة الاجرة انها تكون فال خير عليا داني نعاس ومفقت غير على صوت نوال كتفيقني حيت وصلنا
كان التوقيت ديال ادان المغرب وكانت بزاف ديال الحركة وبزاف ديال الناس واحد البرد زوين كيبعت الامل والطمانينة فالنفس دخلنا لواحد العمارة وبالظبط الطابق التالت كانت ديال عائلة نوال بحكم انو اصلها من هاد المدينة كانت شقة زوينة فيها جوج بيوت وكوزينا وحمام وصالون صغيرة عجباتني بزاف خاصة الاطلالة لي كتحمق من البلكون كل وحدا فينا خدات بيت باش ترتاح من العيا
اصبحنا واصبح الملك لله .ياه من البارح وحنا نعسين ههه لقيت ماما عيطات بزاف وليت دويت معاها وطمنتها ومشيت نشوف نوال لقيتها مزال غارقة فنعاسها بقيت ندغدغها حتا فاقت خرجنا نفطرو برا ومنها ندوزو النهار كامل نكتاشفو المدينة ونشريو لي خاصنا
دازت 7ايام تعرفت على المدينة مزيان وعلى اجواءها
نوال دبرات خدمة فواحد المركز ديال السياحة وختكوم مزال كدور كل عشية جنب البحار الله غالب مزال مالقيت حتا خدمة
أنت تقرأ
قصتي!!!
Romanceهادي اول مرة نكتب شي حاجة .هدي قصة مغربية فيها التشويق والحزن والحب ...... ههه قبلو عليا البنات
