قصتي!!!

14

سلام البنات بليز شوية ديال التفاعووول راه مكنربح والو من داك الشيء غير كتعطيوني حماس باش نكمل ..ومرحبا حتا بالتعليقات ديال الانتقاد حيت بيها مغنرجعش ندير نفس الغلط اوكيي حبوباتي وتحية خاصة للمتبعة الوفية oumaimeElmadi
~~~~~~~~~~~~~~~~~~~~~~~~~~~~~~~~
...دموعها لي كانو كيبردو عليها حتا هوما هجروها وخلاوها تواجه مصيرها واهم حاجة المجتمع لي مكيرحمش ..فكرات اش غدي تقول لماماها كيفاش تقدر تشوف فيها .شحال قدها تشرح وحتا واحد المشكيل مغادي يعدرها ولا يفهمها ..تمنات الموت ..تمنات يكون اخر نفس ليها فالدنيا لي مرحماتش ضعفها ..نسات الوجع والحريق لي كان فيها وسط هاد الافكار حتى فقدات الوعي ديالها ... وهاهي الشمس كتلاعب وجه ملاك الشاحب ولي كلو بقع زرقا بسباب الضرب صباح الصباح وهي مزال على حالتها حسات بالدفئ فجسمها حاولات تفتح عنيها لي بصعوبة باش تحلو بقات كتشوف فين هيا كان بيت ماشي كبير بزاف والديكور ديالو تركي بامتياز ..تفكرات الليلة الكحلة لي دوزات تفكرات عثمان وكيفاش مرحمهاش ..اول مرة تحس بالكره والحقد فقلبها تمنات تقتلو ومترحموش حتا هي ..حاولات توقف وهي كتسند الحيط والسرير لي كان حداها .لوجع غادي وكيتزاد وحتا رجليها مقدراتش تجمعهوم بسبب فض بكارتها بوحشية هدا علاش مقدراتش تتحمل وجلسات على جنب السرير ..كتبكي واخيرا دموعها رجعو حتا هوما شفقو على حالتها كانت كتبكي بكل حرقة وتنتف فشعرها وفرمشة عين حبس الوقت وسيطر السكات ودموعها حبسو قلبها كيضرب كتر من العادي ..تحل الباب وبعد ثواني دخل عثمان جات عينو فعينها كان غادي وكيقرب عندها ..اما ملاك كانت كترجف وكتطلب فيه
ملاك:هئ هئ هئ عفاك متقربش لييييا عفاك
ولكن عثمان حاول يهدنها وزايد وكيقرب ليها
عثمان:شش مغندير ليك والو غير تهدني وخلينا ندويو
قرب حداها ويلاه بغا يجلس وملاك تعطيها لغوات ..كانت كتغوت بهستيريا وتنتف فشعرها بحال الحمقة عثمان معرف اش يدير حاول يقرب يشد ليها يديها ولكن مكانت غير كتزيد
ملاك:هئ هئ هئ هئ هئ خرج بعدني متقربش ليا الحيوان كنكرهك كنكرهك متبقاش توريني وجهك خرجج هئ هئ خرج هئ هئ
ملقا عثمان حتا حل من غير انه يخرج ويسد الباب ..اما ملاك بقات كتبكي هكداك حتا غيبات تاني ..لكن هاد المرة ملي فاقت فالصباح لقات راسها فوق السرير ناضت مخلوعة وكتحاول تفكر اشنو وقع ولكن معقلات علا والو ..معرفاتش شكون حطها هنا ..اكيد هو
ملاك: غدي نقتلك اعثمان الحيوان والله حتا نتاقم منك كنحلف ليك غدي ندمك غير بلاتي
حسات براسها ولات شوية هدا علاش ناضت من بلاصتها تكتاشف البيت ..كانت كتعرج وكتمشا بصعوبة .مشات للشرجم حلاتو وبان ليها جردة كبيرة كلها ورد وشجر عجبها داك المنظر نسات همومها لحظات قبل متسمع الباب كيتفتح تاني وترجع لواقعها المشؤوم دخل عثمان وفيديه شي ميكات ملاك: خرج عليا واش مكتفهمش الحيوان الله يلجيها ليك الوحش كنكرهك
اما عثمان مردش عليها وحتا عينيه مهزهومش فيها دخل حط دوك الميكات فوق السرير وخرج
ملاك:مشيا بلا رجعة تفو
رجعات بعينيها لديك جردة ولكن فضولها مهناهاش هدا علاش مشات لدوك الميكات تشوف اشنو فيهوم ..حلاتهوم
ملاك: الحيوان ديرها يغرق فيها فيل بولادو وجاي يدير راسو كنهمو الله يعطيه الحبس الكلب
كان جايب ليها عثمان فدوك الميكات حوايج لي تلبس وشي غاسول ديال المنطقة ..وحتا ملاك متردداتش خداتهوم ودخلات للدوش لي كان فالبيت وتما لقات الفوطات وكلشي تحتاجو دخلات تحت الدوش وكتغسل كل بلاصة قاسها فيها عثمان كرهات لحمها كتغسل وتبكي كانت كتحس بدموعها سخن من الماء ديال الدوش دوزات شحال ديال الوقت وهيا فالدوش .لكن ملي خرجات لقات الماكلة فوق السرير
ملاك: الحيوان اش دخلو عندي تفو
كان فيها الموت ديال الجوع بسيف هادي شحال ما كلات ولكن تار الانتباه ديالها الدويات لي كانو حدا الماكلة واحد الورقة ...هزاتها تقراها وكان فيها الاتي <<البارح ملي غيبتي جبت ليك طبيب وقال بلي جاك انهيار عصبي وخلا ليك دوك الدويات ..حاولي تهدني شوية >>>
من بعد ماقرات لي كان تما مكتوب بقات تضحك وتبكي فنفس الوقت
ملاك:نتهدن هه واش معندكش القلب الحيوان قليك نتهدن الله يعطيك الويل تفو ..
تسدات ليها الشهية وخا كانت غدي تموت بالجوع وحتا داك الدوا متاقتش تشربو دخلت تحت الغطا وحاولات تنعس ونفس الوقت تفكر فشي حل باش تفاك منو