عثمان صبرو بدا كيتقاضا قرر انه يمشي يدخل علا ملاك لكن قبل ميتحرك حتى خطوة تفتح باب الغرفة وخرج داك الشخص .....عثمان زادت النار فعينيه ملي عرف داك الشخص مكانش غدي يتردد يقتلو لكن دبا الوقت غير هوا عندو شيء اهم هدا علاش تحكم فراسو ومخلاش الغضب يعميه كيف موالف
تاكد بلي داك الشخص خرج من المستشفى وعاد مشى عند ملاك للغرفة فتح الباب ودخل ..اول حاجة جات عليها عينيه كانت ملاك لي غارقة فنعاسها ...
وقف جامد فبلاصتو لاول مرة يتلف لهاد الدرجة بقا شحال كيتامل فيها لكن سرعان مرجع لحالتو
سمع صوت البيبي لي كان ناعس وسط المهد ديالو خلا ملاك ومشا قرب عندو ...دموعو غدروه هاد المرة
وبلا ميحس نزلت دمعة من عينيه وحتا النار لي كانت فقلبو طفات ...مكيعنيش هاد الشي بمرة لكن بعدا فهاد اللحظة كان شعور جديد و غريب كيحس بيه عثمان ...
هو نفس شعور ملاك ملي شافت ولدها اول مرة ان صح القول
قرب عند البيبي هزو بين يديه وباسو فجبهتو ..
رجع وقف لاخر مرة قدام ملاك وكأنه كيتوعدها بالقادم ...ومنبعد فتح الباب وخرج
لقا السائق ديالو قدام المستشفى (قبل ميدخل عند ملاك تاصل بيه باش يجي )فتح ليه الباب وطلع وهو شاد ولدو بين يديه
السائق:مبروك اسي عثمان
عثمان: شكرا
السائق:فين تبغي نمشيو اسيدي
عثمان:للدار ديالي ..وتاصل ليا بمراتك ترجع تخدم فالدار حيت يقدر نبقا هنا شي يامات ومنها تقابل حتا الولد
السائق:اه وخا اسيدي
اما عند ملاك فكانت بدات كتفيق وغير فتحات عينيها اول حاجة شافت انو ولدها مكاينش فبلاصتو ..قلبها تقبط لكن قالت تقدر تكون خداتو الممرضة ملي كانت ناعسة
وفالوقت لي ملاك مزال مضاربا مع افكارها دخلات نوال كتجري
ملاك:اوف اويلي خلعتيني مالكي اش جابك دبا
نوال:امم هه والو غير قلت نجي وصاف اجي فين الكتكوت
ملاك:اه اوكي الكتكوت جابك الله تمشي تشوفيه عند الممرضة وقول ليها تجيبو عندي
نوال:اه اوكي ح........
لكن قبل متكمل نوال هدراتها دخلات الممرضة
الممرضة:انسة ملاك غدي نبدل ليك الضماد قبل متخرجي
ملاك:اه تفضلي ..اجي البيبي واش ناعس
الممرضة:اه جاد الصغيور راه.....
تصدمات ملاك ملي سمعات اسم جاد الدنيا دارت بيها قلبها تزير ..شداتها الرجفة فذاتها كاملة
نوال:ملاك مالكي اختي ملاك
الممرضة: انسة ملاك باش كتحسي .
نوال:حيدي نتي من قدامي
دفعات الممرضة وقربات عند ملاك ..لي كانت جالسة ومكتحرك حتا حاجة ومبقات نطقات بحتا كلمة
الممرضة:واش كاين شي مشكيل انا غدي نعيط للطبيب
ملاك:ولدي فين فين ديتو ولدي
الممرضة:تهدني ولدك راه خداه الاب ديالو السي عثمان البناني وهو لي عمر الوراق ودار حتا الاسم ديال الطفل ودفع حساب المستشفى ..علاش مشفتيهش راه كان عندك فالغرفة
كانت صدمت ملاك كبر من انها تتحكم فاعصابها.. البكا مبقاش كافيها وحتا الدموع نشفو فهاد الدقائق المعدودة
ملاك:خرجي عليا خرجي خرجييييييييييي الله ياخد فيكوم الحق
ناضت كتجري بحال الحمقة مبقات حاسة لبحريق لوالو ولا بالاحرى مبقاتش حاسة حتا اش كدير ..
نوال:ملاك اجي عفاك راكي عاد مريضة وقفي عفاك اختي
لكن هيهات ملاك مبقات كتسمع والو النار شاعلة فقلبها والنفس تقالت فصدرها حسات بلي فقدات عضو من اعضائها ومستحيل شي حاجة تعوضو ولا حتا تقدر تبرد داك الشي لي كتحس بيه فديك اللحظة
اكيد حتا حاجة متقدر تنسي ملاك ولدها احساس الامومة كيخل الام ترتبط بولدها بطريقة قوية بزاف ممكن تتخلى على اي حاجة فالكون ...
وهذا شعور كل شخص سوي..الامومة غريزة فكل امراة واقوى من كل الاحاسيس الاخرى كالحب لانها حاجة بيولوجية عكس الحب لي مرتبط بالنفسية فقط
حلات ملاك باب الغرفة وخرجات لوسط الكولوار كتغوت وكلشي لي كان تما تجمع عليها ...كلشي كيسول اش واقع ..شنو المشكيل لكن تدخلو الممرضات ودخلو ملاك للغرفة وحقنوها بإبرة مهدئ
نوال:اشنو عطيتيها
الممرضة:إبرة مهدئ باش ترتاح
نوال:اوكي صاف انا معاها غير خرجي
خرجات الممرضة ...وبقات نوال كتفكر اش دير اول حاجة جات لبالها هي تاصل بسهيلة
يسجن العصفور بذنب الجمال
كذلك البعض يجرح بذنب الطيبة
أنت تقرأ
قصتي!!!
Romanceهادي اول مرة نكتب شي حاجة .هدي قصة مغربية فيها التشويق والحزن والحب ...... ههه قبلو عليا البنات
