قصتي!!!

5

خدات طاكسي وعطات ليه العنوان حيت مكتعرفش فين جا
تكات على الزاج وكتفكر فاشنو مخبي ليها هاد النهار
فيقها وقوف الطاكسي لي خلصاتو وخرجات كان حي راقي بزاف ريحت الورد كتغطي المكان وكانها في قنينة عطر مشي حي كان باب ضخم قدامها قربات ودقات الجرس وما هي الا لحضات حتا تحل ولقات راسها قدام راجل متقدم فالسن رجل خمسيني سولاتو ملاك وهي كتمتم
ملاك: كاين السي حسن اسيدي انا صافطني السي مهدي
هو: مرحبا بيك ابنتي انا هو حسن السائق الخاص ديال السي عثمان تفصلي دخلي
دخلات ملاك وهي دايخا بكترات السميات مبقات عارفة معامن غدي تخدم ولاكن سحر الفيلا او القصر جدبها عمرها شافت ولا حلمات تدخل لشي بلاص بحال هدي ،كانت كلها ورد ومسبح كبير وكلشي مقاد وزاد هاد الانبهار فكل خطوة كديرها حتا دخلات لوسط الدار لي كانت مفرشا مزيان وداك الشي عصري بزاف وكلاس كانت خايفة تقيص غير شي حاجة ومعندها حتا باش تغرمها
حسن :بنتي هدي دار السي عثمان ساكن بوحدو من بعد ممشات المساعدة ديالو لي تزوجات ، سيدي كيبغي الجد فالخدمه والوقت هوا الوقت اه ومكيبغيش كترة الاسئلة والاعذار
ملاك: اه اسي حسن فهمت ،واش عثمان،بغيت نقول السي عثمان هو شريك السي مهدي
حسن:اه ابنتي وبلا متقولي ليا ديك السي حسن عيطيلي با حسن ابنتي ولي حتاجيتيها سوليني عليها
ملاك :شكرا اسي اه ابا حسن واش تقدر تقول لي اش غندير انا دبا هنا
حسن : نتي غدي تكلفي توجدي فطور سيدي عثمان ومنبعد الكسوة لي غدي يمشي بيها اليوم الاجتماع لي عندو هاكي كلشي لي كيبغي سيدي كاين فهاد الدفتر ودبا سربي وجدي كلشي ابنتي مبقا ليه والو ويرجع
ملاك: علا هو مشي ناعس فالدار
حسن : لا سيدي كيفيق بكري بزاف وكيخرج يدير الرياضة عاد كيرجع وهدا وقت رجوعو يلاه نخليك نمشي نقضي صلاحي ونتي ديري خدمتك دغيا ابنتي بالسلامة
ملاك مسكينة بقات غير كدور فعينيها معرفات اش هاد الشي لي طاحت فية ولاكن معندها مادير دبا وقعات العقد لي المدة ديالو سنتين والى نقضاتو غدي تخلص غرامة لي وخا دير لي دير موحال تقدر تجمعها استسلمت لامر الواقع ودخلات الكوزينة لي كانت هوايتها والمكان لي حلمات تخدم فيه من صغرها ك شيف كبير ولاكن هوا تحقق حلمها وخا مشي كي بغات وهاهي فالمطبخ دبا
اول حاجة دارتها حلات الدفتر لي عطاها با حسن ولقات اش كيبغي عثمان فالفطور وبسرعة كبيرة وجدات كلشي وهي مزال ممتيقاش الوضع لي هيا فيه حطات فوق الطابلة وقدات كلشي فبلاصتو سمعات الحس ديال شي واحد الفوق طلعات تشوف وبقات تقلب حتا دخلات لواحد البيت باينا ديالو ترددات فالاول ولاكن زعمات ودخلات باليها شي حد فالدوش باينا هو جا ملي كانت لاهيا فالكوزينة تفكرات بلي خاصها تاخد طقم لي غدي يلبس فالاجتماع خداتو بسرعة وخرجات كتبات ورقة وحطاتها فوق طابلة الفطور
صباح الخير السي عثمان انا المساعدة الجديدة عند سيادتك اجتماع مع(*****) اليوم انا خديت الطقم ديالك لشركة