قصتي!!!

38

تتمة......

ملاك فقدات الأمل وفقدات حتا  ديك الشمعة لي كانت كتضوي ليها طريقها(جاد) ...كلشي رجع من ديك اللحظة  بالنسبة ليها ظلام ....هي كتعرف شكون السبب الرئيسي لي خلاها تعيش فوسط دائرة الظلام والتيه ...آه اكيد كلشي غيعرف شكون ..عثمان البناني وشكون منغيرو ..لكن بالنسبة لي مبقيتش غادي نحكم على عثمان وناخد منو موقف خايب ..حنا معرفناش اشنو عاش ولا اشنو دوز هذا علاش حكمنا عليه باطل ....

الطريق طوال بالنسبة لملاك ..تمنات تشق الارض وتبلعها لعلها تخلص من نظرات عثمان ليها ولي كانو بحال السم فقلبها ...مبقات فاهمة والو وتخلطو عليها الطرقان ...
واش تختار طريق قلبها لي كان هو سبب هاد التعاسة لي كاتعيش
ولا طريق البعد والهروب والكره ولي حتا هو عانات بسبابو بزاف ومازالها تعاني
فالبنسبة ليها  رغم اختلاف الطرق إلا أنهم كيأديو لنفس النتيجة ولي هيا المعانات والتعاسة
قلبها إلى رجعات فتحاتو لعثمان كان خوفها كبير أنه يجرحها ويخليها تقاسي من جديد
والبعد والكره الى تبعاتو أكيد غادي تحرق راسها هو الأول
حبسات هاد الافكار بمجرد موقف عثمان الطموبيل
ملاك:علاش حبستي
مردش عليها نزل وسد عليها
ملاك:اووووف اش هاد المرض واش مغنساليوش هاد النهار تفوو
دازت بضع دقائق ورجع عثمان لكن كان هاز شي حاجة ...فتح الباب وعطاها ليها
ملاك: اش هاذا
عثمان:لبسي..وكولي لي تما 
ملاك:مشكيتش عليك اوكي
دار خنزر فيها وجمدات فبلاصتها .ههه هي كتفهم مززززيان اشنو كتعني ديك الشوفات
ملاك:دور قدامك بغيت نلبس
عثمان:(حابس الضحكة بزز) هه
ملاك: علاش كتفرنس ياك لاباس
عثمان:لا والو هني غنسد عيني غير لبسي هههههههه
ملاك:هوهوهوهوهو علا بالك بلي راك حامض ومكضحكش
عثمان:امممم بصاح نتي حلوة بزاف وبالاخص ....
ملاك حمارت وتزنكات
عثمان:ههه يخليلي لي كيحشم يلاه سربي سربي هههه
لبسات عليها داك التوني لي جاب ..
عثمان:جا معاك ..اصلا انا مدامتي كلشي كيجي عليها
ملاك:ههه لا واقيلة مبقيتش نسمع مزيان مدامتك ههههه السي البناني واش تضربتي قبيلة فراسك
عثمان: قرصها من وجها ...لا ماشي قبيلة هادي شحال ملي تضربت فقلبي ...
ملاك:ممكن تكمل الطريق بغيت نمشي نعس
عثمان:اوكي ..بشرط ممكن تاكلي
ملاك:شوف متحمقنيش مبغيت والو منك ومستحيل ناكل هاد الشي ودبا بلا منقلبوها روينة تحرك
قلب وجهو عندها ورجع خنزر فيها ...اكثر حاجة كيكرها عثمان اسلوب الأمر هههه
عثمان:خدام عندك شيفور ومفخباريش
فتحات ملاك الباب وجات تنزل
عثمان:اييييه فين غاديا ياا رب ثاني
ملاك:متبقاش تحل فمك عليا هانتا ها مشقوفتك غادي نشد طاكسي
وبالتأكيد قبل مينزل عثمان من السيارة كانت ملاك شدات طاكسي وطلعات كاتجري وتحرك بالزربة
عثمان":ملااااااااااااك تفوووووووو ..اكيد غادي تموتي على يدي شي نهارررر علاش راسك قاسح علاااااااش
رجع طلع وتحرك وهو كيسب غير بوحدو
عند ملاك حطات راسها على الزاج وخلات المجال لدموعها لي خباتهوم بزاف قدام عثمان
الدموع..اه هما دوا القلب هوما الحاجة الوحيدة لي كتبرد النار لي كتاكلنا من الداخل ...شكون لي متخباتش وبكات حتا بردات شكون لي محطاتش راسها فوق وسادتها وسط الظلام وبكات دون صوت حتا نعسات ...اكيد كلشي جرب داك الأحساس كيخليك انسان آخر من لداخل وكيعطيك قوة جديدة باش تزيد تواجه وتحارب ...
اما عثمان فكان وصل للفندق وأول شخص لقاه قدامو واقف كيتسناه هو جلال
عثمان:جلال فوتني دابا متجيش فطريقي منبعد ونهظرو
جلال:(شد عثمان من يدو)لا غتشرح ليا دابا ومغنتحركش منا
عقد عثمان يدو وحتا وصلها لوجه جلال وحبس
جلال:كمل أصاحبي مالك ضربني علاش حبست
تلاح عليه عثمان عنقو وحتا جلال نفس الشي
عثمان:وكيمسح عينيه...اجي نخرجو نجلسو برا وغانشرح ليك
جلال:عثمان كتبكي لا ميمكنش اشنو لي وصلك لهاذ الحالة يلاه زيد سربي
خرجو برا وعاود ليه عثمان كلشي بالتفصيل ..جلال كان مصدوم ملي كيسمع ..واش هذا هو عثمان صاحبو لي كيعرف لا مستحيل ..
ايه كل واحد فينا عندو واحد الضعف عاشو فحياتو ..كيبقا يحاول يخبيه على حتا أقرب الناس ليه ..كيعيشو وحدو ويخلي كلشي يشوفو قوي وإنسان مثالي ..لكن الحقيقة غير كل شخص عندو وجع مخبيه فقلبو واحد النهار وفلحظة ضعف او انهيار كيقدر يبوح بيه و لأول شخص يلقاه
عثمان:ودبا تقدر تسمح ليا علا البارح
جلال:لا أنا اصلا متقلقتش منك نتا لي سمح ليا ..ودبا اشنو غادي دير ..انا مستاعد نعاونك فأي حاجة بغيتي
عثمان:شكرا بزاف معرفتش اش غاندير لكن الا حتاجيتك مغنترددش نقولها ليك
جلال:ايوا نخليك ترتاح ونتلاقاو منبعد
عثمان:اه اوكي تهلا
عند ملاك كانت دخلات لدارها ودوشات وطاحت فحالة إغماء بالنعاس
سليم حالتو هو الآخر مكانتش حسن من ملاك وعثمان ...راسو غادي يتفرجع كان باين معصب بزاااف
سليم:اش هاد التبرهيش املاك اش هاد التبرهيش
دخلات عندو السكريتيرة
سليم:خررررررررررجيي براااااااا
سكريتيرة:موسيو سليم الأمر مهم بزاف
سليم:اووووووف اوووف مكتعرفو ديرو والو بلا بيا علااااش انا مخدمكوم علااااش
سكريتيرة:شركة موسيو البناني دايرين حفل فهاد الويكاند والحضور ضروري وإلزامي على اعضاء شركتنا
سليم:هههههههه لا صاف كملاااات واش مغنتهناااااش منك اسي بنااااني
سكريتيرة :عفوا مفهمتش
سليم:اه تسناي نعاود نشرح ليك .واخرجيييييي غبري من قدااااامي
سكريتيرة:سمحلي اموسيو اه مقدرتش نتواصل مع مادموزيل ملاك ممكن تبلغها
سليم : سدي الباب وراك
غير خرجات وهو يهرس كلشي كان قدامو
سليم:نتا لي بديت اسي بناني ايوا وجد راسك غادي نخليك تندم ..هز جاكيتو وزدح الباب وخرج 
ملاك فاقت علا صوت دقان فالباب لا هذا ماشي دقان هذا راه التهراس ناضت كتجري وهي كتظن أنه عثمان ..لبسات عليها وخرجات فتحات الباب
دفعها ودخل...
ملاك: سلييييم اش جابك عندي ..خرج عليا دابا
سليم:ملاك مكلعبوش فهمتي نتي بديتي ودبا غادي تكملي انا ممستعدش نخسر بسباب هاد التبرهيش ديالك
ملاك :معجبهاش الحال سليم دوي مقاد معاي انا صاف مبقيتش بغيت نخدم معاك ومبغيت والو منك خرج عليا
سليم:تعصب وناض شد ملاك من دراعها وزير عليها ..لا ماشي كيف كيصحاب ليك الغزالة نتي نهار وقعتي معي مقريتيش الشروط وهذا كان اكبر غلط ليك ولكن اكبر ربح ليا ههههه
صدمة ملاك كانت  كبيرة الشخص الوحيد لي حطات راسها عليه هاهو اليوم كيطعنها
آآآه املاك اش هاد الدنيا اش هاد البشر إيه هو هذا الأنسان إلى مغدرك غادي يغدرك كون متأكد
ملاك:س س سليم لا لا ميمكنش هههه
سليم:اه مخليتي ليا حتا حل كنت متوقع هاذ النهار حيت نتي وحدة ضعيفة وجبانة وعزيز عليك الذل
نترات يدها من سليم وصرفقاتو وبكل قوة
ملاك:ششش اوياااااك اوياااك وتتجرأ مرة أخرى خرج عطيني بالتيساع خرررررررج
سليم:(شاد على وجهو) مقبولة منك ..على قبلك كلشي يهون ..اوكي انا غادي.... غدا نلقاك مع الصباح فالمكتب ديالك وكأن شيئا لم يقع
خرج وزدح الباب
سليم :نتا السباب نتا السباب ا البناني حتا حياتي ولات تكرهني نتا
اما ملاك طاحت كتبكي
ملاك:الله ياربي الله اش درت اش درت هئهئهئ

تتمة.......

الحياة محيرة احيانا ..لا بد من الحزن لكي نعرف السعادة.والضوضاء..لكي نقدر الهدوء
..والغياب..لكي ندرك قيمة الحضور