ماما: سربي عفاك باقي تابعني شحال من حاجة ...اه صافي هادو علقوهوم تما وحتا داك الورد حطو منو تما ...... هههه زربات عليكوم سهيلة غير مدوخوش غادي نفهمكوم اش واقع بالتفصيل لطيفة:صافي هانا ساليت سهيلة:اوكي انا غدي نوصلك تما ونمشي نجيب لي باقي ..راكي عارفة مفيا لي يسمع الهدرة معند عثمان ###انا نقول ليكوم اش واقع اليوم هو عيد ميلاد جاد اه دازت سنة كاملة ..ولي غادي يسولو اش وقع وفين هي ملاك انا نقول ليكوم ملاك بعد مرجعات لطنجة حاولات بزاف باش تاخد ولدها لكن قوة عثمان والنفوذ لي عندو خلاوها متنجح فوالو...وبقا عندها الحق فانها تشوف جاد مرة فالشهر فقط لكن منبعد مدة عثمان حرمها حتا منديك المرة ولي غيسول علا اش دارت مع سليم فغنقول ليكوم بلي سليم باقي بجنب ملاك وهي دبا خدامة عندو فالشركة ديالو فهولندا ... غتقولو واش تزوجات بيه وعلاش خدامة عندو غنقول ليكوم لا هي صح طلقها عثمان لكن متزوجاتش بسليم والسبب لي خلاها تخدم عندو هو انها مدينة ليه لانو سليم هو لي تحمل كل مصاريف الدعوة ديالها مع عثمان ولانو وضعها المادي كان صعيب بزاف فديك الفترة وكمعلومة اضافية #الورقة الرابحة لي خلات عثمان يقدر ياخد ولدو من ملاك ويطلقها بكل سهولة هي انه تاهمها بالخيانة الزوجية وقدم للمحكمة بزاف ديال التصاور ديال ملاك وسليم اه تماما سليم اه نسيت نقول ليكوم نوال تزوجات هي ومهدي وهوما دبا عايشين فتركيا ...مهدي خلا الشركة لي فطنجة لعثمان ولتاحق بالفرع لي فاسطنبول منبعد بزاف ديال المشاكيل بينو وبين عثمان .... اما عثمان فهو باقي كيف كان كيدوز وقتو غالبا فالخدمة وفالعطل كياخد جاد ويسافر برا البلاد وهو لي مقابل جاد ومكيخلي حتا واحد يقرب ليه منغير الام والاخت ديالو .... ايوا دبا ملي فهمتو اش وقع خلونا نتبعو الاحداث الجديدة سهيلة قادات الدار كاملة وخرجات هي والام ديالها يجيبو لي باقي خاصهوم ... اما عثمان فكان باقي ناعس فبلاصتو ...حتا فيقو صوت جاد لي كيبكي عثمان:اوففف منويش تخليني نعس ياك هههه صافي هاني دبا تاكدت تماما بلي نتا من عائلة البناني هه ناض هز جاد وبقا يلعب معاه ومنبعد نزل يشوف الترتيبات كيف غادية عثمان: سهييييلللة الخادمة:السي عثمان الحاجة خرجات هي وسهلة عثمان:اوكي ايوا طلقو راسكوم شوية وبعيدا على اجواء التحضيرات والحفلة في مكان بعيد وداخل غرفة مكتب بين بزاف ديال الملفات كانت جالسة ملاك لكن عقلها مكانش فالخدمة كانت ساهية وكتفكر الزمان قدر يبدلها .....ملامح البراءة والخوف ختافاو من عينيها ...وحتا شخصيتها رجعات قوية بزاف
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
