قصتي!!!

الجزء الثامن عشر

..جا مهدي وعاودات ليه نوال كلشي متصدمش من الفعلة لي دار عثمان فملاك حيت كان متاكد منها نهار شاف ملاك لكن لي خلاه يفتح فمو خبار الحمل ديال ملاك
مهدي:شنووووووووووو
نوال:آه هدا لي قالت لينا الطبيبة
مهدي:الله ياخد فيك الحق اعثمان..وكيف بقات ملاك اش غدي دير دبا
نوال:هي لباس انا قتارحت عليها دير اجهاض لكن هيا مبغاتش مهدي:ايوا الحمد لله ملي مدارتش بهدرتك واش حماقيتي انوال
نوال:نتا مفاهم والو كيغادي دير تعيش هكدا وهي عاد صغيرة مهدي:حنا معاها وانا غادي نهدر معاها
مشا مهدي وعاد خرجات ملاك عند نوال
ملاك:مشا مهدي
نوال:اه
ملاك:اش قال
نوال:تصدم ملي عاودت ليه ولكن فرح ملي مبغيتيش ديري الاجهاض وقال بلي حنا معاك
ملاك:سعداتك انوال بيه الله يكتر خيرو
داز داك النهار... واليوم نهار جديد ملاك سالات العطلة لي خدات خرجات لخدمتها وغير دخلات جا عندها مهدي للمكتب ديالها
مهدي:صباح الخير
ملاك:صباح النور
مهدي:نقدرو نهدرو شوية
ملاك:اه تفضل
مهدي:امم نوال عاودات ليا كلشي املاك معرفت منقول ليك عثمان غلط بزاف وانا السباب
ملاك:لا اش كتقول اش دخلك نتا
مهدي:اه حيت بسبابي خدمتي عندو
ملاك:نتا مدرتي غير لي عليك وهو ربي غدي يخلصو
مهدي :اه متخافي من والو انا معاك عتابريني خوك ولي حتاجيتي ليها انا مجود
ملاك:ربي يخليك
مهدي:ملاك غدي نقول ليك شي حاجة مي متقلقيش انا كنهدر غير على مصلحتك
ملاك:اه غير دوي
مهدي:عثمان..
ملاك:اش دخل عثمان دبا
مهدي:قالت ليا نوال مبغاش تقولي ليه بالحمل ديالك
ملاك:اه
مهدي:لا املاك نتي غادي تعاودي ليه هو خاصو يتعاقب على لي دار فهمتي وهدا الحل الوحيد باش تعيشي مرتاحة
ملاك:واش معارفش اش كتقول واش راحتي مع عثمان امهدي
مهدي:لا ولكن هو خاصو يتزوج بيك غير على لوراق باش يعتارف بولدو قدام الناس ومنبعد غدي تطلقو ونتي ربي ولدك عادي ..نتي عارفة المجتمع مغديش يرحمك ولا حتا داك الجنين مسكين واش تبغي تسمعي بلي ولدك <ولدلحرام>فكري فكلامي مزيان
عطاتها لبكا ملي سمعات اش قال مهدي ...اه احساس خايب ليها ولا حتا لداك البيبي مسكين اش دنبو هو يعيش معدب حتا واحد مغدي يرحمو من كلمة ولد لحرام هدا مجتمعنا متستغربوش ...
عنقها مهدي وكيسكت فيها
مهدي:ملاك شش عفاك متبكيش انا قلت ليك هكدا باش تكوني قدام امر الواقع صافي عفاك علا ود داك البيبي راك كتمحنيه معاك
ملاك:ولكن انا خايفة منو وشكون ضمن ليك بلي غادي يعترف بلي هدا ولدو هداك راه حيوان
مهدي:متخافيش انا معاك غير وافقي ومنبعد كلشي عندو حل
هزات ملاك غير راسها لمهدي تعبيرا على القبول ديالها
مهدي:صافي نخليك رتاحي وانا غادي نمشي عند نوال ومتخافي من والو  املاك حنا معاك نتي غير ردي بالك علا راسك
خرج مهدي وخلا ملاك كتحاول انها تستوعب كلامو كتفكر كدير ترجع تشوف لي ضيع ليها حياتها ولي مرحمهاش 
دازت مدة اسبوع ولي دوزاتها ملاك مريضة حيت كان لوحم ديالها صعيب بزاف ديما دايخة وكترد اليوم كانت عندهوم طيارة لسويسرا..عند عثمان لي شحال ومهدي يقلب عليه حتا قدر يعرف انه تما ...فاقت الصباح وهي مزال مريضة بزاف ولونها رجع صفر تمنات داك الصباح ميجيش مزال ممتيقا انها غادا عند لي دار هاد الشي كامل فيها برجليها ..دخلات دوشات ولبسات حوايجها